
ଭୁବନେଶ୍ୱର(ସତ୍ୟପାଠ ବ୍ୟୁରୋ): ସୁଧୁରୁଛି ଆରଜେଡି ସୁପ୍ରିମୋଙ୍କ ସ୍ବାସ୍ଥ୍ୟବସ୍ଥା । ଆଇସିୟୁରୁ ବାହାରିଲେ ଲାଲୁ ଯାଦବ । ତେବେ ଦିଲ୍ଲୀ ଏମ୍ସରେ ଚିକିତ୍ସିତ ହେଉଥିବା ଲାଲୁ ଏହି ଆଇସିୟୁରୁ ବାହାରିଛନ୍ତି। ଏନେଇ ତାଙ୍କ ବଡ଼ ଝିଅ ମିସା ଭାରତୀ ସୂଚନା ଦେଇଛନ୍ତି। ମିସା କହିଛନ୍ତି ଯେ, ତାଙ୍କ ପିତାଙ୍କ ସ୍ବାସ୍ଥ୍ୟରେ ବହୁତ ଉନ୍ନତି ଆସିଛି। ତଥାପି, କିଡନୀ ସମସ୍ୟା ବର୍ତ୍ତମାନ ପର୍ଯ୍ୟନ୍ତ ଭଲ ହୋଇନାହିଁ। କିନ୍ତୁ ପରିସ୍ଥିତି ପୂର୍ବ ଅପେକ୍ଷା ସ୍ଥିର ରହିଛି।
ଡାକ୍ତରମାନେ ତାଙ୍କୁ ନିରନ୍ତର ନଜର ରଖିଛନ୍ତି। ଲାଲୁ ଯାଦବଙ୍କୁ ଆଇସିୟୁରୁ ଘରୋଇ ୱାର୍ଡକୁ ସ୍ଥାନାନ୍ତର କରାଯାଇଛି।ସୂଚନାଯୋଗ୍ୟ,ଜୁଲାଇ ୩ରେ ଲାଲୁ ପୂର୍ବତନ ମୁଖ୍ୟମନ୍ତ୍ରୀ ତଥା ସ୍ତ୍ରୀ ରାବ୍ରି ଦେବୀଙ୍କ ସରକାରୀ ବାସଭବନରୁ ସିଡ଼ିରୁ ଖସିପଡିଥିଲେ। ଏଥିରେ ତାଙ୍କ ଡାହାଣ କାନ୍ଧ ଫ୍ରାକ୍ଚର ଏବଂ ପିଠିରେ ଆଘାତ ଲାଗିଥିଲା। ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଏନେଇ ଚର୍ଚ୍ଚା ଜୋର୍ ଧରିବାରେ ଲାଗିଛି ।