ସତ୍ୟପାଠ ବ୍ୟୁରୋ : କର୍ଣ୍ଣାଟକ ନାଟକର ଶେଷ ଦୃଶ୍ୟ ଖୁବଶୀଘ୍ର ଜଣାପଡିବ । କାରଣ ଏହାକୁ ନେଇ ବଡ ରାୟ ଶୁଣାଇଛନ୍ତି ସର୍ବୋଚ୍ଚ ନ୍ୟାୟାଳୟ । ମୁମ୍ବାଇ ହୋଟେଲରେ ଲୁଚିଥିବା ୧୦ଜଣ ବିଦ୍ରୋହୀ ବିଧାୟକଙ୍କୁ ସାମ୍ନାକୁ ଆସିବାକୁ ନିର୍ଦ୍ଦେଶ ଦେଇଛନ୍ତି ସୁପିମ କୋର୍ଟ । ଇଚ୍ଛୁକ ବିଧାୟକ ଆଜି ସଂଧ୍ୟା ୬ଟା ସୁଦ୍ଧା ବାଚସ୍ପତିଙ୍କୁ ଭେଟି ଇସ୍ତଫା ଦେବାକୁ ନିର୍ଦ୍ଦେଶ ଦେଇଛନ୍ତି ଅଦାଲତ । ଏହାସହ ବାଚସ୍ପତିଙ୍କ ନିକଟରେ ବ୍ୟକ୍ତିଗତ ଭାବେ ହାଜର ହୋଇ ବିଧାୟକମାନେ ସେମାନଙ୍କର ଇସ୍ତଫାର କାରଣ ଜଣାଇବାକୁ କହିଛନ୍ତି ।
Supreme Court asks 10 rebel Congress-JDS MLAs of Karnataka "to meet the Karnataka Assembly Speaker at 6pm today and submit their resignations if they so wish." SC, says, "security would be provided to the MLAs." pic.twitter.com/RPXd1FPTz3
— ANI (@ANI) July 11, 2019
ସେହିଭଳି ବିଧାୟକଙ୍କ ଇସ୍ତଫା ମାମଲାରେ ଆଜି ହିଁ ନିଷ୍ପତି ନେବାକୁ ବାଚସ୍ପତିଙ୍କୁ ନିର୍ଦ୍ଦେଶ ଦେଇଛନ୍ତି କୋର୍ଟ । ବିଦ୍ରୋହୀ ବିଧାୟକଙ୍କ ପକ୍ଷରୁ କରାଯାଇଥିବା ଆବେଦନ ଉପରେ ଶୁଣାଣି କରି ଏହି ନିର୍ଦ୍ଦେଶ ଦେଇଛନ୍ତି କୋର୍ଟ । ଆସନ୍ତାକାଲି ଇସ୍ତଫା ପ୍ରସଙ୍ଗ ଉପରେ ଚୂଡାନ୍ତି ଶୁଣାଣି କରାଯିବ ବୋଲି କହିଛନ୍ତି ସୁପ୍ରିମକୋର୍ଟ । ବାଚସ୍ପତି ଜାଣିଶୁଣି ବିଧାୟକଙ୍କ ଇସ୍ତଫାକୁ ଅସାମ୍ବିଧାନିକ କହିବା ସହ ଗ୍ରହଣ କରୁନଥିବା ଅଭିଯୋଗ କରି ସୁପିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ ବିଦ୍ରୋହୀ ବିଧାୟକ । କର୍ଣ୍ଣାଟକର ୮ଜଣ କଂଗ୍ରେସ ବିଧାୟକ ଉପଯୁକ୍ତ ପ୍ରକ୍ରିୟାରେ ଇସ୍ତଫା ଦେଇନଥିବା ଦର୍ଶାଇ ଏହାକୁ ଗ୍ରହଣ କରିନଥିଲେ ବାଚସ୍ପତି । ଏବଂ ୧୨ ତାରିଖ ସୁଦ୍ଧା ବ୍ୟକ୍ତିଗତ ଭାବେ ଆସି ପକ୍ଷ ରଖିବାକୁ ନୋଟିସ୍ କରିଥିଲେ ।
Shri Rahul Gandhi and senior leaders of the Congress Party protest outside the Parliament against horse-trading by the BJP, pic.twitter.com/ou9kij6mai
— Congress (@INCIndia) July 11, 2019
ସେପଟେ, କର୍ଣ୍ଣାଟକରେ ଜାରି ରହିଥିବା ରାଜନୈତିକ ଡ୍ରାମା ବାଙ୍ଗାଲୁରୁରୁ ଯାଇ ଏବେ ଦିଲ୍ଲୀରେ ପହଁଚିଛି । କର୍ଣ୍ଣାଟକରେ ଜଣଙ୍କ ପରେ ଜଣେ କଂଗ୍ରେସ ବିଧାୟକ ଇସ୍ତଫା ଦେଉଥିବାବେଳେ ସଂସଦ ଭବନ ବାହାରେ ଧାରଣା ଦେଇଛି କଂଗ୍ରେସ । କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧିଙ୍କ ସମେତ ବହୁ ସଂଖ୍ୟାରେ ସାଂସଦ ଓ ନେତା ସଂସଦ ପରିସରରେ ଥିବା ଗାନ୍ଧି ମୂର୍ତି ତଳେ ଧାରଣା ଦେଇଛନ୍ତି । ଅନ୍ୟପଟେ ବେଙ୍ଗାଲୁରର ଏକ ଗେଷ୍ଟ ହାଉସରେ ବିଧାୟକମାନଙ୍କୁ ଭେଟି ଆଲୋଚନା କରୁଛନ୍ତି ମୁଖ୍ୟମନ୍ତ୍ରୀ କୁମାରସ୍ୱାମୀ । ଏହି ବୈଠକରେ କର୍ଣ୍ଣାଟକ କଂଗ୍ରେସର ବରିଷ୍ଠ ନେତା ସିଦ୍ଧ ରମୈୟା, ଗୁଲାମ ନବୀ ଆଜାଦ ଓ କେସି ବେଣୁଗୋପାଳ ସାମିଲ ହୋଇଛନ୍ତି ।
