(ସତ୍ୟପାଠ ବ୍ୟୁରୋ) ଭୁବନେଶ୍ୱର : ୨୦୧୯ ଲୋକସଭା ନିର୍ବାଚନରେ କେନ୍ଦ୍ରରେ ବିଜେପି ସରକାର ଗଠନ ହେବା ପରେ ଗ୍ରାମ୍ୟ ଉନ୍ନୟନ ମନ୍ତ୍ରଣାଳୟର ଜିଲ୍ଲା ବିକାଶ ଏବଂ ସମନ୍ୱୟ ମନିଟରିଂ କମିଟି (DISHA) ର ଅଧ୍ୟକ୍ଷ ତଥା ଉପାଧ୍ୟକ୍ଷ କିଏ ହେବ ଏହି ନିଷ୍ପତ୍ତି ନେବାକୁ ଦୁଇ ବର୍ଷ ସମୟ ଲାଗିଗଲା। ପୂର୍ବରୁ ରାୟବରେଲୀ ସାସଂଦ ସୋନିଆ ଗାନ୍ଧୀ କ୍ରମାଗତ ଭାବେ ‘ଦିଶା’ ଅଧ୍ୟକ୍ଷ ପଦରେ ରହି ଆସୁଥିଲେ। ବର୍ତ୍ତମାନ ତାଙ୍କୁ ଏହି ପଦରୁ ହଟାଇ ଉପାଧ୍ୟକ୍ଷ କରାଯାଇଛି। ଏବଂ ଆମେଠୀ ବିଜେପି ସାଂସଦ ତଥା କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କୁ ଉଭୟ ଆମେଠୀ ଏବଂ ରାୟବରେଲିର ‘ଦିଶା’ ଅଧ୍ୟକ୍ଷ କରାଯାଇଛି।
ସାଧାରଣତଃ, ଲୋକସଭା ନିର୍ବାଚନ ପରେ ନିର୍ବାଚିତ ସାଂସଦଙ୍କ ଅଧ୍ୟକ୍ଷତାରେ ଦିଶା କମିଟି ଗଠନ କରାଯାଇଥାଏ। ଏହି କମିଟି ପ୍ରତି ତିନି ମାସରେ କେନ୍ଦ୍ରୀୟ ଯୋଜନାର ସମୀକ୍ଷା କରିଥାଏ । ଗ୍ରାମ୍ୟ ଉନ୍ନୟନ ମନ୍ତ୍ରଣାଳୟ ଦ୍ୱାରା ଅଧ୍ୟକ୍ଷ ଏବଂ ଉପାଧ୍ୟକ୍ଷ ମନୋନୀତ ହେବା ପରେ ଡିଏମ୍ ସ୍ତରରେ ‘ଦିଶା’ ଗଠନ ହୋଇଥାଏ। ସମସ୍ତ ବିଧାୟକ, ବ୍ଲକ ହେଡ ଏବଂ ସଂସଦର ଅନ୍ୟ ସଦସ୍ୟମାନଙ୍କୁ ଏଥିରେ ସାମିଲ କରାଯାଏ । ୨୦୧୯ କେନ୍ଦ୍ରରେ ବିଜେପି ସରକାର ଗଠନ ହେବା ପରେ ପ୍ରାୟ ସମସ୍ତ ସଂସଦୀୟ ନିର୍ବାଚନମଣ୍ଡଳୀ (ଜିଲ୍ଲା) ରେ ଦିଶା ଗଠନ ହୋଇଥିଲେ ମଧ୍ୟ ରାୟବରେଲି ସଂସଦୀୟ କ୍ଷେତ୍ର ପାଇଁ ଗ୍ରାମ୍ୟ ଉନ୍ନୟନ ମନ୍ତ୍ରଣାଳୟ ‘ଦିଶା’ ଅଧ୍ୟକ୍ଷ ଓ ଉପାଧ୍ୟକ୍ଷଙ୍କୁ ମନୋନୀତ କରିନାହାଁନ୍ତି ।
ଏଥିପାଇଁ ଅକ୍ଟୋବର 2019 ରେ ତତ୍କାଳୀନ ଡିଏମ ନେହା ଶର୍ମା ଗ୍ରାମ୍ୟ ଉନ୍ନୟନ କମିଶନରଙ୍କୁ ଏକ ଚିଠି ଲେଖି ଉପାଧ୍ୟକ୍ଷ ଘୋଷଣା ନକରିବାକୁ ଅନୁରୋଧ କରିଥିଲେ। ତେବେ ଏ ବାବଦରେ ଦୀର୍ଘ ଦିନର ଚିଠି ଲେଖାଯିବା ପରେ ଗ୍ରାମ୍ୟ ଉନ୍ନୟନ ମନ୍ତ୍ରଣାଳୟ ‘ଦିଶା’ ଅଧ୍ୟକ୍ଷ ତଥା ଉପାଧ୍ୟକ୍ଷ ଘୋଷଣା କରିଛନ୍ତି। କ୍ରମାଗତ ଭାବରେ ଦିଶା ଅଧ୍ୟକ୍ଷ ଥିବା ସାଂସଦ ସୋନିଆ ଗାନ୍ଧୀଙ୍କୁ ଉପାଧ୍ୟକ୍ଷ କରାଯାଇଛି। ଅମେଠୀ ସାଂସଦ ତଥା କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କୁ ‘ଦିଶା’ର ଅଧ୍ୟକ୍ଷ କରାଯାଇଛି। ସେ ପୂର୍ବରୁ ଆମେଠୀ ଜିଲ୍ଲାର ଜିଲ୍ଲା ବିକାଶ ଏବଂ ସମନ୍ୱୟ ମନିଟରିଂ କମିଟିର ସଭାପତି ଅଛନ୍ତି। ନୂତନ ସରକାର ଗଠନ ପରେ ‘ଦିଶା’ ର ବୈଠକ ଅନୁଷ୍ଠିତ ହୋଇନଥିଲା। ପ୍ରାୟ ୩୮ ମାସ ମଧ୍ୟରେ ‘ଦିଶା’ ବୈଠକ ନିରସ୍ତ ହୋଇଯାଇଛି।
ଜିଲ୍ଲା ବିକାଶ ଏବଂ ସମନ୍ୱୟ ମନିଟରିଂ କମିଟି (DISHA)ର ଅଧ୍ୟକ୍ଷଙ୍କୁ ଗ୍ରାମ୍ୟ ଉନ୍ନୟନ ମନ୍ତ୍ରଣାଳୟ ଦ୍ୱାରା ନିଯୁକ୍ତି ଦିଆଯାଇଛି। ଅମେଠୀ ସାଂସଦ ତଥା କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କୁ ‘ଦିଶା’ର ଅଧ୍ୟକ୍ଷ ଏବଂ ରାୟବରେଲୀ ସାଂସଦ ସୋନିଆ ଗାନ୍ଧୀଙ୍କୁ ଉପାଧ୍ୟକ୍ଷ କରାଯାଇଛି। ଖୁବ୍ ଶୀଘ୍ର ଜିଲ୍ଲାରେ ଦିଶା ଗଠନ ହେବ ବୋଲି ଡିଏମ୍ ସୂଚନା ଦେଇଛନ୍ତି।
