ଶ୍ରୀଲଙ୍କା ସଙ୍କଟ: ଦରଦାମ୍‌ ଆକାଶଛୁଆଁ, ସେଓ କିଲୋ ୧୨ଶହ, ଅଙ୍ଗୁର କିଲୋ ୧୫ ଶହ

କଲମ୍ୱୋ: ଏବେ ଜଟିଳ ସ୍ଥିତି ମଧ୍ୟରେ ଗତି କରୁଛି ଶ୍ରୀଲଙ୍କା | ଶ୍ରୀଲଙ୍କା ସ୍ଥିତି ଏବେ ସଂଘିନ ହୋଇପଡିଛି | ଏବେ ଘୋର ଆର୍ଥିକ ସ୍ଥିତି ସହ ରାଜନୈତିକ ସଙ୍କଟ ମଧ୍ୟ ଗତି କରୁଛି | ଦେଶରେ ଜରୁରୀକାଳୀନ ପରିସ୍ଥିତିର ଘୋଷଣା ପରେ ମଧ୍ୟ ସ୍ଥିତିରେ ସୁଧାର ଦେଖାଯାଉ ନାହିଁ । ଚରମରେ ପହଞ୍ଚିଛି ମହଙ୍ଗା ।

ମୁଦ୍ରାର ମୂଲ୍ୟ ହ୍ରାସ ହେତୁ ଦୈନନ୍ଦିନ ଜୀବନ ପାଇଁ ଜରୁରୀ ଜନିଷର ଦାମ୍‌ ଆକାଶ ଛୁଆଁ ହୋଇଛି । ଯାହା ଫଳରେ ସାଧାରଣ ଲୋକଙ୍କ ଜୀବନ ଧାରଣ ମୁସ୍କିଲ୍‌ ହୋଇପଡ଼ିଛି । ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଦେଶବାସୀ | ସବୁ ଠି ବିକଳ ଦୃଶ୍ୟ ଦେଖିବାକୁ ମିଳିଛି |

ଲୋକଙ୍କ ପାଖରେ ଟଙ୍କା ନାହିଁ । ଚାକିରି ନାହିଁ । ଦରଦାମ୍‌ ଆକାଶଛୁଆଁ । ଦିନକୁ ଦିନ ଜନିଷ ପତ୍ରର ମୃଲ୍ୟ ବୃଦ୍ଧି ହେବାରେ ଲାଗିଛି । ଖାଦ୍ୟ ସାମଗ୍ରୀ କିଣିବାକୁ ମଧ୍ୟ ଲୋକଙ୍କ ପାଖରେ ଅର୍ଥ ନାହିଁ । ପରିବା, ଫଳ ଏବଂ ଅତ୍ୟାବଶ୍ୟକ ସାମଗ୍ରୀ ଦାମ ଦୁଇ-ତିନି ଗୁଣାରୁ ଅଧିକ ହୋଇଛି ।

ସେଓ ପୂର୍ବରୁ ୩୫୦ ଟଙ୍କା ଥିବା ବେଳେ ଏବେ ୧୨ ଶହ ଟଙ୍କାରେ ପହଞ୍ଚିଛି । ଆମ୍ୱ ପୂର୍ବରୁ ୩୫୦ ଥିବା ବେଳେ ଏବେ ୭୦୦ ଟଙ୍କାରେ ପହଞ୍ଚିଛି । କମଳା ପୂର୍ବରୁ ୪୦୦ ଥିବା ବେଳେ ଏବେ ଏହା ୮୦୦ ଟଙ୍କା । ସେହିପରି ସପୁରୀ ରେଟ୍‌ ପୂର୍ବରୁ ୨୦୦ ଥିବା ବେଳେ ଏବେ ୪୦୦ରେ ବିକ୍ରି ହେଉଛି ଏବଂ ଅଙ୍ଗୁର ପୂର୍ବରୁ ୧୨୦୦ ଟଙ୍କା ଥିବା ବେଳେ ଏବେ ଏହା ୧୫ ଶହ ଟଙ୍କାରେ ପହଞ୍ଚିଛି ।

ଅନ୍ୟପଟେ ଆଳୁ ବର୍ତ୍ତମାନ ୩୪୦ ଥିବା ବେଳେ ପୂର୍ବରୁ ୨୫୦ ଥିଲା | ଟମାଟୋ – ବର୍ତ୍ତମାନ ୮୫୦ ଥିବା ବେଳେ ପୂର୍ବରୁ ୨୮୦, ଗାଜର – ବର୍ତ୍ତମାନ ୪୪୦ ପୂର୍ବରୁ ୨୨୦, କ୍ୟାପସିକମ୍ – ବର୍ତ୍ତମାନ ୮୫୦ ପୂର୍ବରୁ ୬୫୦, କୋବି – ବର୍ତ୍ତମାନ ୮୫୦ ପୂର୍ବରୁ ୬୫୦, ବାଇଗଣ – ବର୍ତ୍ତମାନ ୪୮୦ ପୂର୍ବରୁ ୧୮୦ ରହିଥିଲା ।

Related Posts