ନୂଆଦିଲ୍ଲୀ : ଘୋର ଆର୍ଥିକ ଓ ରାଜନୈତିକ ସଂକଟ ମଧ୍ୟରେ ଗତି କରୁଥିବା ଶ୍ରୀଲଙ୍କା କୁ ମିଳିଛି ନୂଆ ରାଷ୍ଟ୍ରପତି । ରାନିଲ ବିକ୍ରମସିଂଘେ ହେବେ ଶ୍ରୀଲଂକାର ନୂଆ ରାଷ୍ଟ୍ରପତି । ସାଂସଦମାନେ ତାଙ୍କୁ ନୂଆ ରାଷ୍ଟ୍ରପତି ଭାବେ ଚୟନ କରିଛନ୍ତି ।
ବିକ୍ରମସିଂଘେ ଏବେ କାର୍ଯ୍ୟକାରୀ ରାଷ୍ଟ୍ରପତି ଅଛନ୍ତି । ନୂଆ ରାଷ୍ଟ୍ରପତି ନିର୍ବାଚନ ପାଇଁ ଶ୍ରୀଲଙ୍କା ସଂସଦରେ ଆଜି ସବୁ ସାଂସଦ ଉପସ୍ଥିତ ଥିଲେ । ଆଜି ସଂସଦରେ ପୂର୍ବତନ ପ୍ରଧାନମନ୍ତ୍ରୀ ମହିନ୍ଦା ରାଜପକ୍ଷେ ଉପସ୍ଥିତ ଥିଲେ ।
ରାଷ୍ଟ୍ରପତି ନିର୍ବାଚନ ପୂର୍ବରୁ ସଂସଦ ବାହାରେ କଡ୍ଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ସବୁ ଦଳ ସେମାନଙ୍କ ସାଂସଦମାନଙ୍କୁ ନିର୍ଦ୍ଦେଶ ଦେଇଥିଲେ ନିଜର ନିଜର ବୋଟ ସପକ୍ଷରେ । ଯେଉଁଥିପାଇଁ ସଂସଦରେ ଫୋନ୍ ନ ଆଣିବାକୁ ସାଂସଦଙ୍କୁ କଡ୍ଡା ନିର୍ଦ୍ଦେଶ ଦିଆଯାଇଥିଲା ।
ବାଚସ୍ପତି କହିଥିଲେ ଯେ ଆଜି ନିର୍ବାଚନ ସମୟରେ କୌଣସି ସାଂସଦ ମୋବାଇଲ୍ ଫୋନ୍ ବ୍ୟବହାର କରିପାରିବେନି । ଗତକାଲି ଦଳର କିଛି ନେତା ସେମାନଙ୍କ ସାଂସଦମାନଙ୍କୁ ଗୁପ୍ତ ମତଦାନରେ କ୍ରସ-ଭୋଟିଂ ଯାଞ୍ଚ କରିବାକୁ ସେମାନଙ୍କ ବାଲାଟର ଫଟୋ ଉଠାଇବାକୁ କହିଥିଲେ । ଏହାକୁ ଦୃଷ୍ଟିରେ ରଖି ଏପରି ନିଷ୍ପତ୍ତି ହୋଇଥିଲା।
