(ସତ୍ୟପାଠ ବ୍ୟୁରୋ) ଭୁବନେଶ୍ୱର: ତାଲିବାନ ଆତଙ୍କବାଦୀଙ୍କ ଦ୍ୱାରା ଆଫଗାନିସ୍ତାନକୁ ସମ୍ପୂର୍ଣ୍ଣ ରୂପେ ଦଖଲ କରାଯାଇଛି । ଇତିମଧ୍ୟରେ ଭାରତର ଶୀର୍ଷ ସୌନିକ ଅଧିକାରୀମାନେ ବଡ ବୟାନ ଦେଇଛନ୍ତି । ତେବେ ଆଫଗାନିସ୍ତାନ ସୌନିକମାନେ ଆମେରିକା ଠାରୁ ଲୁଟିଥିବା ଅସ୍ତ୍ରଶସ୍ତ୍ରକୁ ପାକିସ୍ତାନ ପଠାଇଦେଇଛନ୍ତି । ଏନେଇ ଅଧିକାରୀମାନେ କହିଛନ୍ତି ଯେ ଆତଙ୍କବାଦୀମାନେ ଏହି ଅସ୍ତ୍ର ବ୍ୟବହାର କରି ଭାରତ ପୂର୍ବରୁ ପାକିସ୍ତାନରେ ହଇଚଇ ସୃଷ୍ଟି କରିପାରନ୍ତି ବୋଲି ଅଧିକାରୀମାନେ କହିଛନ୍ତି । ଅପରିପକ୍ଷେ ଭାରତରେ କାର୍ୟ୍ୟ କରୁଥିବା ଆତଙ୍କବାଦୀ ଗୋଷ୍ଠୀକୁ ମଧ୍ୟ ଅସ୍ତ୍ର ଯୋଗାଇବାର ସମ୍ଭାବନା ରହିଛି । କିନ୍ତୁ ସେମାନଙ୍କ ସହ ମୁକାବିଲା କରିବାକୁ ସୁରକ୍ଷା ବାହିନୀ ସମ୍ପୂର୍ଣ୍ଣ ପ୍ରସ୍ତୁତ ବୋଲି ଶୀର୍ଷ ସୌନିକ ଅଧିକାରୀମାନେ କହିଛନ୍ତି ।
ଏହା ସହ ଅଧିକାରୀମାନେ କହିଛନ୍ତି ଯେ ଆମକୁ ଏଭଳି ଅନେକ ଇନପୁଟ ମିଳୁଛି ଯେଉଁଥିରେ କୁହାଯାଉଛି ଯେ ଆମେରିକାର ଅସ୍ତ୍ରକୁ ବିଶେଷ କରି ପାକିସ୍ତାନକୁ ପଠାଯାଉଛି। କିନ୍ତୁ ତାଲିବାନର ବିଜୟ ଯେପରି ଆତଙ୍କବାଦୀ ଗୋଷ୍ଠୀକୁ ଉତ୍ସାହିତ କରିଛି । ଏହାକୁ ଦେଖି ସମସ୍ତ ଅସ୍ତ୍ରଶସ୍ତ୍ରକୁ ହିଂସା ପାଇଁ ବ୍ୟବହାର କରିବାର ଏକ ବଡ଼ ସମ୍ଭାବନା ରହିଛି ବୋଲି କହିଛନ୍ତି । ମିଳିଥିବା ସୂଚନା ଅନୁଯାୟୀ ଆମେରିକାର ସୌନିକ ଗତ ୨୦ ବର୍ଷ ମଧ୍ୟରେ ଆଫଗାନିସ୍ତାନ ସୈନ୍ୟବାହୀନୀକୁ ୨୦ ବର୍ଷ ମଧ୍ୟରେ ଗ-୧୬ ଏବଂ ଗ-୪ ରାଇଫଲ ସମେତ ୬.୫ ନିୟୁତରୁ ଅଧିକ ଛୋଟ ଅସ୍ତ୍ର ଯୋଗାଇ ଦେଇଛନ୍ତି। ଏହା ସହ ଅନେକ ଗୋଳା ବାରୁଦ ଏବଂ ଗୁଳି ମଧ୍ୟ ଯୋଗାଇ ଦିଆଯାଇଥିବାରୁ ସୂଚନା ମିଳିଛି । କେବଳ ଏତିକି ନୁହେଁ ବରଂ ଆମେରିକୀୟ ସୈନ୍ୟମାନେ ବହୁ ସଂଖ୍ୟାରେ ବୁଲେଟ୍ ପ୍ରୁଫ୍ ଉପକରଣ, ନାଇଟ୍ ଭିଜନ୍ ଗଗଲ୍ ଏବଂ ଆଫଗାନିସ୍ତାନ ସୈନିକଙ୍କୁ ଯୋଗାଯୋଗ ଉପକରଣ ମଧ୍ୟ ପ୍ରଦାନ କରିଥିଲେ।
କିନ୍ତୁ ତାଲିବାନ ସେମାନଙ୍କୁ ମଧ୍ୟ ଛଡ଼ାଇ ନେଇଥିଲା। ଏହା ବ୍ୟତୀତ ବହୁ ସଂଖ୍ୟକ ସ୍ନାଇପର ରାଇଫଲ ମଧ୍ୟ ଆତଙ୍କବାଦୀ ଗୋଷ୍ଠୀର ହାତକୁ ଯାଇଥିବାର ଖବର ମିଳିଛି । ଅନ୍ୟପଟେ ବରିଷ୍ଠ ସୈନିକଙ୍କ ଠାରୁ ମିଳିଥିବା ସୂଚନା ଅନୁଯାୟୀ କାଶ୍ମୀର ଉପତ୍ୟକାରେ ଭାରତୀୟ ସେନାର କାଉଣ୍ଟର-ବିଦ୍ରୋହୀ ଗ୍ରୀଡ୍ ଆତଙ୍କବାଦୀଙ୍କ ମୁକାବିଲା ପାଇଁ ସମ୍ପୂର୍ଣ୍ଣ ପ୍ରସ୍ତୁତ । ଯଦିଓ ସେମାନେ ଉନ୍ନତ ଅସ୍ତ୍ରଶସ୍ତ୍ର ଏବଂ ଉନ୍ନତମାନର ବୁଲେଟ ପ୍ରୁଭ ଜ୍ୟାକେଟ ବ୍ୟବହାର କରୁଥିବେ, ତଥାପି ସେମାନଙ୍କୁ କଡା ଜବାବ ଦେବା ପାଇଁ ଭାରତୀୟ ସେନା ପ୍ରସ୍ତୁତ ଅଛି ବୋଲି ଅଧିକାରୀ ଜଣଙ୍କ କହିଛନ୍ତି ।
