ଭୁବନେଶ୍ୱର(ସତ୍ୟପାଠ ବ୍ୟୁରୋ): ୨୦୨୦ ମସିହା ଠାରୁ ୪୬୬ ଏନଜିଓର ଲାଇସେନ୍ସ ନବୀକରଣକୁ ଖାରଜ କଲେ କେନ୍ଦ୍ର ସରକାର । ତେବେ ବୈଦେଶିକ ଯୋଗଦାନ ନିୟମାବଳୀ ଅଧିନିୟକ ଅନୁଯାୟୀ ଏନଜିଓ ଗୁଡ଼ିକର ଲାଇସେନ୍ସ ନବୀକରଣ କରାଯାଇ ନାହିଁ ବୋଲି ସ୍ୱରାଷ୍ଟ୍ର ମନ୍ତ୍ରଣାଳୟ ସଂସଦକୁ କହିଛି । ଏଖବର ସାମ୍ନାକୁ ଆସିବା ପରେ ସାରା ଦେଶରେ ଏହା ଚର୍ଚ୍ଚାର ବିଷ ପାଲଟିଛି । କାହିଁକିନା ସେମାନେ ଆଇନ ଅନୁଯାୟୀ ଯୋଗ୍ୟତା ମାନଦଣ୍ଡ ପୂରଣ କରୁନାହାନ୍ତି । ତେଣୁ ୨୦୨୦ରେ ୧୦୦ଟି ସଙ୍ଗଠନ, ୨୦୨୧ରେ ୨୩୧ ଏବଂ ଚଳିତ ବର୍ଷ ୨୫ଟି ଏନଜିଓର ନବୀକରଣ କରାଯାଇ ନାହିଁ ବୋଲି ମନ୍ତ୍ରଣାଳୟ କହିଛି । ସେପଟେ ଡିସେମ୍ବର ୨୦୨୧ ମସିହାରେ ଏଫସିଆରଏ ଲାଇସେନ୍ସ ନବୀକରଣ ପାଇଁ ଅକ୍ସଫାମ ଇତ୍ପିଆର ଆବେଦନ ପ୍ରତ୍ୟାଖ୍ୟାନ କରାଯାଇଥିଲା । ବିଟ୍ରେନ ଭାରତ ସହ ଏହି ପ୍ରସଙ୍ଗ ଉଙ୍ଖାଇଛି । ଲାଇସେନ୍ସ ନବୀକରଣ ପାଇଁ ଆବେଦନ କରନଥିବାରୁ କେନ୍ଦ୍ର ୫,୭୮୯ ସଂସ୍ଥାକୁ ଏଫସିଆଆର ଦୃଷ୍ଟିକୋଣରୁ ହଟାଇ ଦେଇକ୍ତି ।
ଯାହା ବିଦେଶୀ ପାଣ୍ଠି ପାଇବା ପାଇଁ ଆବଶ୍ୟକ । ଏହା ସହ ୧୭୯ ସଂସ୍ଥାର କାଗଜପତ୍ରଗୁଡ଼ିକୁ ଯାଞ୍ଚ କରିବା ପରେ ଆଇନ ଉଲ୍ଲଂଘନ ପାଇଁ ସେମାନଙ୍କର ଲାଇସେନ୍ସ ବାତିଲ କରାଯାଇଥିଲା । ଅଧିକାରୀ କହିଛନ୍ତି ଯେ ଏହି ସଂସ୍ଥାଗୁଡ଼ିକ ମଧ୍ୟରୁ ଅନେକ ସେମାନଙ୍କ ଲାଇସେନ୍ସ ନବୀକରଣ ପାଇଁ ଆବେଦନ କରିଛନ୍ତି । କିନ୍ତୁ ଏ ସମ୍ପର୍କରେ ନିଷ୍ପତ୍ତି ବିଚାରାଧୀନ ଅଛି । ଗତ ସପ୍ତାହରେ ସରକାର ଏହି ଆବଦେନ ଗୁଡ଼ିକ ଉପରେ ନିଷ୍ପତ୍ତି ଗ୍ରହଣ କରିବାର ସମୟସୀମାକୁ ଜୁନ ୩୦ ପର୍ଯ୍ୟନ୍ତ ବୃଦ୍ଧି କରିଥିଲେ । ସେହିପରି ୨୦୨୧ ମସିହାରେ ୩୪୧ ମାମଲାରେ ଲାଇସେନ୍ସ ନବୀକରଣ କରିବାକୁ ମନା କରିବା ୨୦୨୦ ସର୍ବାଧିକ ଥିଲା । ଡିସେମ୍ବର ୩୧ ସୁଦ୍ଧା ପ୍ରାୟ ୬,୦୦୦ ଅଦ୍ଭୁତ ସଙ୍ଗଠନ ନବୀକରଣ ପାଇଁ ମନା କରିଦେଇଥିଲେ । ଏନେଇ ଜଣେ ଅଧିକାରୀ କହିଛନ୍ତି ଯେ ନବୀକରଣକୁ କେତେ ସଂସ୍ଥା ଅସ୍ୱୀକାର କରିଛନ୍ତି ତାହାର ପ୍ରକୃତ ସଂଖ୍ୟା ଜୁନ ୩୦ ପରେ ପ୍ରକାଶ ପାଇବ । ସେପଟେ ଏଖବର ସାମ୍ନାକୁ ଆସିବା ପରେ ସାରା ଦେଶରେ ଏହା ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି ।
