ଶ୍ରୀଲଙ୍କାର ପୂର୍ବତନ କ୍ରିକେଟ୍ ଅଧିନାୟକ ସନଥ ଜୟସୁରିଆ ଶନିବାର ଶ୍ରୀଲଙ୍କା ରାଷ୍ଟ୍ରପତି ଗୋତାବାୟା ରାଜପକ୍ସାଙ୍କ ବିରୋଧରେ ଯୋଗ ଦେଇଥିଲେ। ଟୁଇଟର ରେ ସନଥ ଜୟସୁରିୟା କହିଛନ୍ତି, “ମୁଁ ସର୍ବଦା ଶ୍ରୀଲଙ୍କାର ଲୋକଙ୍କ ସହ ଛିଡା ହୋଇଛି। ଏବଂ ଆମେ ଶୀଘ୍ର ବିଜୟ ଉତ୍ସବ ପାଳନ କରିବୁ। ଆପଣ ଙ୍କ ସମୟ ଶେଷ ହୋଇଛି, ଜନତା ଙ୍କ ଶକ୍ତି ଜିତିଛି। ଦୟାକରି ଆପଣ ଏଥର ଇସ୍ତଫା ଦିଅନ୍ତୁ।”
ସାତ ଦଶନ୍ଧି ମଧ୍ୟରେ ଦେଶର ସବୁଠାରୁ ଖରାପ ଅର୍ଥନୈତିକ ସଙ୍କଟ ଉପରେ ଜନ କ୍ରୋଧ ବୃଦ୍ଧି ପାଇବା ମଧ୍ୟରେ ଶ୍ରୀଲଙ୍କାର ବାଣିଜ୍ୟିକ ରାଜଧାନୀ କଲମ୍ବୋରେ ହଜାର ହଜାର ବିକ୍ଷୋଭକାରୀ ଶନିବାର ଦିନ ରାଷ୍ଟ୍ରପତିଙ୍କ ସରକାରୀ ବାସଭବନ ଏବଂ ତାଙ୍କ ସଚିବାଳୟ ଉପରେ ଆକ୍ରମଣ କରିଥିଲେ।
ହଜାର ହଜାର ବିକ୍ଷୋଭକାରୀ ପୋଲିସ ବ୍ୟାରିକେଡ୍ ଭାଙ୍ଗି ଆକ୍ରମଣ କରିବା ପୂର୍ବରୁ ଶ୍ରୀଲଙ୍କାର ରାଷ୍ଟ୍ରପତି ଗୋଟାବାୟା ରାଜପକ୍ସା ଶନିବାର କଲମ୍ବୋରେ ଥିବା ତାଙ୍କ ସରକାରୀ ବାସଭବନରୁ ପଳାୟନ କରିଥିଲେ। ସେପଟେ ରାଷ୍ଟ୍ରପତି ତାଙ୍କ ବାସଭବନରୁ ପଳାୟନ କରିବା ପରେ ପ୍ରଧାନମନ୍ତ୍ରୀ ରାନିଲ ୱିକ୍ରେମସିଂହ ତାଙ୍କ କ୍ୟାବିନେଟ ମନ୍ତ୍ରୀଙ୍କ ସହ ଏକ ଜରୁରୀ ବୈଠକ ଡାକିଛନ୍ତି।
