(ସତ୍ୟପାଠ ବ୍ୟୁରୋ)ଭୁବନେଶ୍ୱର: ସୋସିଆଲ ମିଡିଆରେ କିଛି ଦିନ ପୂର୍ବରୁ ଚର୍ଚ୍ଚାରେ ରହିଥିବା ବୃଦ୍ଧ ମୁସଲମାନ ବ୍ୟକ୍ତିଙ୍କୁ ଆକ୍ରମଣ ଘଟଣା ନୂଆ ମୋଡ଼ ନେବାରେ ଲାଗିଛି । ଏନେଇ ଉତ୍ତରପ୍ରଦେଶ ପୁଲିସ ପକ୍ଷରୁ ଟୁଇଟର ଇଣ୍ଡିଆର ପରିଚାଳନା ନିର୍ଦ୍ଦେଶକ ମନୀଷ ମହେଶ୍ୱରୀଙ୍କ ଦ୍ୱାରା ସୋସିଆଲ ମିଡିଆ ପ୍ଲାଟଫର୍ମରେ ଏକ ବିଭ୍ରାନ୍ତିକର ଭିଡିଓ ସଂପର୍କରେ ତାଙ୍କୁ ପଚରାଉଚରା ପାଇଁ ଡକାଯାଇଥିଲା । ଏହାକୁ ନେଇ ଆଜି କର୍ଣାଟକ ହାଇକୋର୍ଟ ପକ୍ଷରୁ ଦୀର୍ଘଦିନରୁ ଚାଲୁଥିବା ଗାଜିଆବାଦ ପୁଲିସ ଓ ଟୁଇଟର ଇଣ୍ଡିଆର ଶୁଣାଣି ହେବ ବୋଲି ଅନୁମାନ କରାଯାଉଛି ।
ତେବେ ଟୁଇଟର ଇଣ୍ଡିଆର ଏମଡି ମନୀଷ ମହେଶ୍ୱରୀଙ୍କୁ ସୋସିଆଲ ମିଡିଆରେ ଲୋନି ଆକ୍ରମଣ ଘଟଣାର ଭିଡିଓ ଭାଇରାଲ କରିବା ନେଇ ଗାଜିଆବାଦ ପୁଲିସ ପକ୍ଷରୁ ଦୋଷୀ ବୋଲି ଦର୍ଶାଯାଇଥିଲା । ତାଙ୍କର ଏପରି କରିବା ଦ୍ୱାରା ଉତ୍ତରପ୍ରଦେଶର ବିଭିନ୍ନ ଅଞ୍ଚଳରେ ହିଂସା ଘଟିଥିବାର ଦେଖିବା ପାଇଁ ମିଳିଥିଲା । ଏନେଇ ସୋସିଆଲ ମିଡିଆ ପ୍ଲାଟଫର୍ମରେ ଏକ ବିଭ୍ରାନ୍ତିକର ଭିଡିଓ ସମ୍ପର୍କରେ ପଚରାଉଚରା ପାଇଁ ପୁଲିସ ତାଙ୍କୁ ପଚରାଉଚରା କରିଥିଲା । ଯେଉଁଥିରେ ଭିଡ଼ିଓରେ ଗାଜିଆବାଦ ଜିଲ୍ଲାର ଲୋନି ଅଞ୍ଚଳରେ ଜଣେ ବୃଦ୍ଧ ମୁସଲମାନ ବ୍ୟକ୍ତିଙ୍କୁ ଆକ୍ରମଣ କରାଯାଇଥିବାର ଦେଖାଯାଇଥିଲା।
ସୋସିଆଲ ମିଡିଆରେ ଭାଇରାଲ ହୋଇଥିବା ଲୋନି ଆକ୍ରମଣ ଭିଡିଓରେ ଜଣେ ମୁସଲମାନ ବ୍ୟକ୍ତିଙ୍କୁ ଦର୍ଶାଯାଇଛି ଯେ ତାଙ୍କୁ ଆକ୍ରମଣ କରାଯାଇ ଜୟ ଶ୍ରୀ ରାମ ଜପ କରିବାକୁ ବାଧ୍ୟ କରାଯାଇଥିଲା । ଯଦିଓ ଉତ୍ତରପ୍ରଦେଶ ପୁଲିସ ଏହି ମାମଲାରେ କୌଣସି ସାମ୍ପ୍ରଦାୟିକ ଆଭିମୁଖ୍ୟକୁ ଏଡ଼ାଇ ଦେଇଛି, କିନ୍ତୁ ଧାର୍ମିକ ଗୋଷ୍ଠୀ ମଧ୍ୟରେ ଅପରାଧିକ ଷଡଯନ୍ତ୍ର ଏବଂ ଶତ୍ରୁତା ସୃଷ୍ଟି କରୁଥିବା ଅପରାଧ ଉପରେ ଏଫ୍ଆଇଆର୍ ପଞ୍ଜିକୃତ ହୋଇଛି। ଏ ସମସ୍ତ ଘଟଣା ଘଟିବା ପଛରେ ଟ୍ୱିଟର ଇଣ୍ଡିଆ ଏମଡି ମନୀଷ ମହେଶ୍ୱରୀଙ୍କୁ ଉତ୍ତରପ୍ରଦେଶ ସରକାର ଦାୟୀ କରିଛନ୍ତି । ଅନ୍ୟପଟେ ମହେଶ୍ୱରୀ କେବଳ ଟ୍ୱିଟରରେ ଜଣେ କର୍ମଚାରୀ ଯାହା ଯୁକ୍ତରାଷ୍ଟ୍ରରୁ ପରିଚାଳିତ ଏକ କମ୍ପାନୀ । ଏହା ସହ ପ୍ଲାଟଫର୍ମରେ କୌଣସି ଉପଭୋକ୍ତା ଅପଲୋଡ୍ କରିଥିବା ଭିଡିଓ ପାଇଁ ସେ ଦାୟୀ ରହିବେ ନାହିଁ ବୋଲି ପ୍ରତିରକ୍ଷା ଯୁକ୍ତି ଦର୍ଶାଇଛି ।
