ଭୁବନେଶ୍ୱର(ସତ୍ୟପାଠ ବ୍ୟୁରୋ): ପଶ୍ଚିମବଙ୍ଗରେ ଟିଏମସି ନେତାଙ୍କ ଯୋଗୁଁ ସିଏମ ମମତା ବାନାର୍ଜୀ ଅସୁବିଧାରେ ପଡ଼ୁଥିବାର ଦେଖିବାକୁ ମିଳୁଛି । ବୀରଭୂମ ମାମଲାରେ ଟାର୍ଗେଟ ମମତା ବାନାର୍ଜି ଥିବାବେଳେ ତାଙ୍କର ଦଳୀୟ ନେତାଙ୍କ ବୟାନ ସାମ୍ନାକୁ ଆସିଛି । ଜଣେ ଟିଏମସି ନେତା କହିଛନ୍ତି ଯେ ତାଙ୍କ ପାଖରେ ପର୍ୟ୍ୟାପ୍ତ ପରିମାଣର ବୋମା ଅଛି ଯାହାଫଳରେ ସେ ୧୦ ମିନିଟ ମଧ୍ୟରେ ସମଗ୍ର ଗାଁକୁ ଉଡ଼ାଇ ଦେବେ। ସେପଟେ ବିଜେପି ଆଇଟି ସେଲ୍ ମୁଖ୍ୟ ଅମିତ ମାଲଭିଆ ଟ୍ୱିଟ୍ କରି ଏକ ଭିଡିଓ ସେୟାର କରିଛନ୍ତି। ପଶ୍ଚିମବଙ୍ଗର ରାମପୁରହାଟରେ ସମ୍ପ୍ରତି ହୋଇଥିବା ହିଂସାକାଣ୍ଡ ଏକ ବଡ଼ ସଙ୍କଟର ଆରମ୍ଭ ବୋଲି ସେ ଅଭିଯୋଗ କରିଛନ୍ତି।
ସେ କହିଛନ୍ତି- “ଉତ୍ତର ଦିନାଜପୁରର ଏହି ଭିଡିଓରେ ଟିଏମସି ଡେପୁଟି ହେଡ ସାକିର ଅହମ୍ମଦଙ୍କ କଥା ଶୁଣିବାକୁ ମିଳେ,“ ବ୍ୟସ୍ତ ହୁଅନ୍ତୁ ନାହିଁ ଯେ ଆମ ପାଖରେ ଏତେଗୁଡ଼ିଏ ବୋମା ଓ ବନ୍ଧୁକ ଅଛି, ଆମେ ୧୦ ମିନିଟରେ ପୁରା ଗାଁକୁ ଉଡ଼ାଇ ଦେଇ ପାରିବା ବୋଲି କହିଛନ୍ତି । ଏହି ନେତାଙ୍କ ବିବୃତ୍ତି ଭାଇରାଲ ହେବା ମାତ୍ରେ ବିରୋଧୀ ପୁଣି ଥରେ ମମତାଙ୍କୁ ଟାର୍ଗେଟ କରିଛନ୍ତି । ବିରୋଧୀ ଦଳ କହିଛନ୍ତି ଯେ ଟିଏମସି ନେତାଙ୍କ ସମାନ ଧରଣର ଅଘଟଣ ସବୁଆଡେ ଅଛି, କିନ୍ତୁ ପୋଲିସ କାର୍ୟ୍ୟାନୁଷ୍ଠାନ ଗ୍ରହଣ କରୁନାହିଁ। ଏ ଘଟଣା ସାମ୍ନାକୁ ଆସିବା ପରେ ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇ ଉଠିଛି ।
