ଭୁବନେଶ୍ୱର(ସତ୍ୟପାଠ ବ୍ୟୁରୋ): ମଧ୍ୟପ୍ରଦେଶର ଖରଗୋନରେ ଘଟିଥିବା ସାମ୍ପ୍ରଦାୟିକ ହିଂସାକୁ ନେଇ ସାରା ଦେଶରେ ବର୍ତ୍ତମାନ ଚର୍ଚ୍ଚା ଜୋର ଧରିବାରେ ଲାଗିଛି । ସେପଟେ ଏନେଇ ଏଆଇଏମଆଇଏମ ମୁଖ୍ୟ ଅସଦୁଦ୍ଦିନ ଓୱାଇସି ବାରମ୍ବାର ମଧ୍ୟପ୍ରଦେଶ ସରକାରଙ୍କୁ ଟାର୍ଗେଟ କରି ଆସୁଛନ୍ତି । ଏହା ମଧ୍ୟରେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ବଡ଼ ବୟାନ ଦେଇଥିବାର ଦେଖିବାକୁ ମିଳିଛି । ତେବେ ଓସ୍ୱାଇସିଙ୍କୁ ଟାର୍ଗେଟ କରି କହିଛନ୍ତି ଯେ ‘ଓୱାଇସି ସାହେବ ଖାଲି ସେଠାରୁ ପାଟି କରୁଛନ୍ତି, ମଧ୍ୟପ୍ରଦେଶରେ ଏପରି ଘଟୁଛି । ଅଳ୍ପସଂଖ୍ୟକଙ୍କୁ ଟାର୍ଗେଟ କରାଯାଉଛି । ଥରେ ଏମପି ଆସି ଦେଖିନିଅନ୍ତୁ । ସମସ୍ତ ଧର୍ମର ଲୋକମାନେ ଏଠାରେ ସୁରକ୍ଷିତ ଅଛନ୍ତି ବୋଲି ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ କହିଛନ୍ତି ।
ସେପଟେ ଶିବରାଜଙ୍କ ବିବୃତ୍ତିରେ ସୋସିଆଲ ମିଡିଆ ବ୍ୟବହାରକାରୀମାନେ କହିଛନ୍ତି ଯେ ଆପଣ ରାମ ନବମୀ ଉପରେ ହୋଇଥିବା ହିଂସାକୁ ଭୁଲିଯାଉଛନ୍ତି ଏବଂ ମଧ୍ୟପ୍ରଦେଶ ସୁରକ୍ଷିତ ଅଛି ବୋଲି କହିଛନ୍ତି। ଇନାୟତ ମାନସୁରୀ ନାମକ ଜଣେ ଉପଭୋକ୍ତା କହିଛନ୍ତି, ‘ତୁମେ ବହୁତ ଭଲ ଅଭିନୟ କରୁଥିବାରୁ ତୁମେ ଚଳଚ୍ଚିତ୍ର ପାଇଁ ଚେଷ୍ଟା କରିବା ଉଚିତ୍।’ ମୋହସିନ୍ ଖାନ୍ ଲେଖିଛନ୍ତି, ‘ମାମା ଜୀ ଆମେ ଦେଖୁଛୁ ଏଠାରେ ମୁସଲମାନମାନେ କେତେ ସୁରକ୍ଷିତ? ଯଦି ସମସ୍ତ ଧର୍ମର ଲୋକମାନେ ସୁରକ୍ଷିତ ତେବେ କେବଳ ମୁସଲମାନମାନଙ୍କ ଘର କାହିଁକି ଭାଙ୍ଗି ଦିଆଗଲା ବୋଲି କହିଛନ୍ତି । ଏ ଖବର ସାମ୍ନାକୁ ଆସିବା ପରେ ଏନେଇ ସାରା ଦେଶରେ ଚର୍ଚ୍ଚା ଜୋର ଧରିଛି ।
