(ସତ୍ୟପାଠ ବ୍ୟୁରୋ) ଭୁବନେଶ୍ୱର : ପଞ୍ଜାବ କଂଗ୍ରେସରେ ଦେଖାଦେଇଥିବା ଦଳୀୟ କନ୍ଦଳ ସମାଧାନ ହେବାକୁ ଯାଉଛି। ଏହାର ଏକ ସଂକେତ ଦେଇଛନ୍ତି ଅସନ୍ତୁଷ୍ଟ କଂଗ୍ରେସ ନେତା ତଥା ପଞ୍ଜାବର ପୂର୍ବତନ ମନ୍ତ୍ରୀ ନବଜୋତ ସିଂ ସିଦ୍ଧୁ। ତାଙ୍କର ଏକ ଟ୍ୱିଟ୍ କୁ ନେଇ ରାଜନୈତିକ ସମୀକ୍ଷକ ମାନେ ଏହି ଆକଳନ କରିଛନ୍ତି। ଅକାଳୀ ଦଳର ନେତା ସୁଖବୀର ସିଂ ବାଦଲଙ୍କୁ SIT ଜେରା କରିବା ପରେ ସେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଟାର୍ଗେଟ କରିଥିଲେ। ସେ ଅଭିଯୋଗ କରିଥିଲେ ଯେ ପଞ୍ଜାବର ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ରାହୁଲ ଗାନ୍ଧୀଙ୍କ ନିର୍ଦ୍ଦେଶରେ ଏଭଳି SIT ଯାଞ୍ଚ୍ କରୁଛନ୍ତି। ତେବେ ସୁଖବୀର ସିଂ ବାଦଲଙ୍କ ଏହି ଅଭିଯୋଗର କଡା ଜବାବ ଦେଇଛନ୍ତି କଂଗ୍ରେସ ନେତା ନବଜୋତ୍ ସିଂ ସିଦ୍ଧୁ। ସେ ଟ୍ବିଟ୍ କରି କହିଛନ୍ତି ଯେ, “ଗୁରୁ ଗ୍ରନ୍ଥ ସାହି ଜୀଙ୍କର ବଳିଦାନ ପରଠାରୁ ୬ ବର୍ଷ ବିତିଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ ନ୍ୟାୟ ମିଳି ନାହିଁ। ଆପଣଙ୍କ (ଅକାଳୀ) ୨ ବର୍ଷ ଶାସନ କାଳରେ ନ୍ୟାୟ ମିଳିଲା ନାହିଁ ।ଏବଂ ବର୍ତ୍ତମାନର ସାଢେ ଚାରି ବର୍ଷ ସରକାରରେ ମଧ୍ୟ ଜଷ୍ଟିସ୍ ମିଳିଲା ନାହିଁ। ଆଜି, ପଞ୍ଜାବର ଆତ୍ମା ପାଇଁ ଜଷ୍ଟିସ୍ SIT ଯାଞ୍ଚ୍ ଦ୍ବାରା ହୋଇପାରିବ। ରାଜନୈତିକ ହସ୍ତକ୍ଷେପ ହିଁ ନ୍ୟାୟକୁ ୬ ବର୍ଷ ବିଳମ୍ବ କରିଥିଲା ବୋଲି ଶ୍ରୀ ସିଦ୍ଧୁ ଟ୍ୱିଟରେ କହିଛନ୍ତି।
ତେବେ ସିଦ୍ଧୁଙ୍କ ଟ୍ୱିଟର ଟାଇମିଙ୍ଗ୍ ଏବଂ କଣ୍ଟେଣ୍ଟକୁ ନେଇ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି। ବାଦଲଙ୍କୁ ସୁରକ୍ଷା ଦେଉଥିବା ନେଇ ସିଦ୍ଧୁ କେପଟେନଙ୍କ ଉପରେ ଆରୋପ ଲଗାଉଥିଲେ। କିନ୍ତୁ ଅକାଳୀ ନେତାଙ୍କୁ SIT ର ପଚରାଉଚରା ପରେ ଏବେ ସିଦ୍ଧୁଙ୍କ ଟ୍ବିଟ୍ କୁ ନେଇ ଚର୍ଚ୍ଚା ଜୋର ଧରିଛି। ରାଜନୈତିକ ସମୀକ୍ଷକଙ୍କ କହିବା କଥା ହେଉଛି ସିଦ୍ଧୁଙ୍କ ଟ୍ୱିଟ୍ ଦଳୀୟ କନ୍ଦଳ ସମାଧାନ ପାଇଁ କଂଗ୍ରେସକୁ ଏକ ରାସ୍ତା ଦେଖାଇପାରେ । କାରଣ ହାଇକମାଣ୍ଡ ପଞ୍ଜାବ ମୁଖ୍ୟମନ୍ତ୍ରୀଙ୍କୁ ରାଜ୍ୟରେ ମଦ, ବାଲି ଏବଂ ପରିବହନ ମାଫିଆ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି କରିବାକୁ କହିଛନ୍ତି। କଂଗ୍ରେସ ନେତା ସିଦ୍ଧୁ ଅନ୍ୟ ଏକ ଟୁଇଟ୍ରେ ସରକାରଙ୍କୁ ପଚାରିଥିଲେ ଯେ ବିକ୍ରମ ସିଂ ମାଜିଥିଆଙ୍କ ବିରୋଧରେ ବର୍ତ୍ତମାନ ସୁଦ୍ଧା କଣ କାର୍ଯ୍ୟାନୁଷ୍ଠାନ ନିଆଯାଇଛି। ଯେତେବେଳେ ଅକାଳୀ କ୍ଷମତାରେ ଥିଲେ ସେତେବେଳେ ଡ୍ରଗ୍ସ ରାକେଟ୍ ସହିତ ଜଡିତ ଥିବାରୁ ତାଙ୍କୁ ଦାୟୀ କରାଯାଇଥିଲା। ସେ ଟ୍ବିଟ୍ କରି ପଚାରିଛନ୍ତି “ଡିଜିପି, ମାଜିଥିଆଙ୍କ ବିରୋଧରେ କଣ କାର୍ଯ୍ୟାନୁଷ୍ଠାନ ନିଆଯାଇଛି ? ପଞ୍ଜାବରେ କେମିକାଲ ଡ୍ରଗ୍ କାରଖାନା ସ୍ଥାପନ ପାଇଁ ଯେଉଁମାନେ ରାଜନୈତିକ ସୁବିଧା ଏବଂ ସୁରକ୍ଷା ଦେଇଛନ୍ତି ସେମାନଙ୍କ ବିରୋଧରେ କଣ କାର୍ଯ୍ୟାନୁଷ୍ଠାନ ନିଆଯାଇଛି ? ହାଇକୋର୍ଟଙ୍କ ପକ୍ଷରୁ ରାଜ୍ୟ ସରକାରଙ୍କୁ ପଠାଯାଇଥିବା STF ରିପୋର୍ଟରେ ଉଲ୍ଲେଖ କରାଯାଇଥିବା ବଡ ବଡ ମାଛଙ୍କ ଉପରେ କ’ଣ କାର୍ଯ୍ୟାନୁଷ୍ଠାନ ନିଆଯାଇଛି ? ”
ତେବେ ଆଗାମୀ ବିଧାନସଭା ନିର୍ବାଚନ ପୂର୍ବରୁ ସିଦ୍ଧୁ କଂଗ୍ରେସ ସଭାପତି ପଦ ଚାହୁଁଥିବା ବେଳେ ପଞ୍ଜାବ ନେତାଙ୍କ ମଧ୍ୟରେ ସର୍ବସମ୍ମତତା ନଥିବାବେଳେ ନିର୍ବାଚନରେ ଏକଜୁଟ ହୋଇ ଲଢିବାକୁ କଂଗ୍ରେସ ନେତୃତ୍ୱ ଚେଷ୍ଟା କରୁଛନ୍ତି। ଏହି ପରିପ୍ରେକ୍ଷୀରେ, ଗତ ସପ୍ତାହ ମଧ୍ୟରେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ପଞ୍ଜାବ କଂଗ୍ରେସ କମିଟି ମୁଖ୍ୟ ସୁନୀଲ ଜାଖର, ପଞ୍ଜାବ ମନ୍ତ୍ରୀ ବ୍ରହ୍ମ ମହୀନ୍ଦ୍ର, ବଲବୀର ସିଦ୍ଧୁ, ବିଜୟ ଇନ୍ଦର ସିଙ୍ଗଲା ଏବଂ ଲୋକସଭା ସାଂସଦ ମନୀଷ ତେୱାରୀଙ୍କ ସହ ଅନେକ ନେତାଙ୍କୁ ଭେଟିଛନ୍ତି।
