ଆଇପିଏଲ୍ 2020 ପାଇଁ ଚାଇନାର କମ୍ପାନୀ VIVO ସ୍ଥାନରେ ନୂତନ ଟାଇଟଲ୍ ପ୍ରାୟୋଜକ ଘୋଷଣା କରାଯାଇଛି | VIVO ସିଜନ୍ 13 ରୁ ଡ୍ରପ୍ ହେବା ପରେ ଡ୍ରିମ୍ 11 ଚଳିତ ବର୍ଷ ଆଇପିଏଲ୍ ର ଟାଇଟଲ୍ ପ୍ରାୟୋଜକ ଅଧିକାର ପାଇଛି | ଡ୍ରିମ୍ 11 ଆଇପିଏଲ୍ 2020 ସିଜିନ ପାଇଁ ପ୍ରାୟ 250 କୋଟିରେ ପ୍ରାୟୋଜକ ଅଧିକାର କ୍ରୟ କରିଛି |
ଏହି ବିଡ୍ VIVO ର ବାର୍ଷିକ 440 କୋଟି ଟଙ୍କା ଠାରୁ 190 କୋଟି କମ୍ ଅଟେ | ଟାଟା ଗ୍ରୁପ୍ ମଧ୍ୟ ଟାଇଟଲ୍ ପ୍ରାୟୋଜକ ଅଧିକାର ଦୌଡ଼ରେ ସାମିଲ ଥିଲା | ସଂଯୁକ୍ତ ଆରବ ଏମିରେଟ୍ସ (ୟୁଏଇ) ରେ ଚଳିତ ବର୍ଷ 19 ସେପ୍ଟେମ୍ବରରୁ 10 ନଭେମ୍ବର ପର୍ଯ୍ୟନ୍ତ ଆଇପିଏଲ୍ ଅନୁଷ୍ଠିତ ହେବ ।
ଆଇପିଏଲର ଟାଇଟଲ୍ ପ୍ରଯୋଜକ ଦୌଡ଼ରେ ଅନଏକାଡେମୀ, ଟାଟା ଏବଂ ବାଇଜୁ ସାମିଲ ହୋଇଥିଲେ । ଅନଏକାଡେମୀ 210 କୋଟିର ବିଡ ଦାଖଲ କରିଥିବା ବେଳେ । ଟାଟା କମ୍ପାନୀ ପକ୍ଷରୁ 180 କୋଟି ଟଙ୍କା ବିଡ ଦାଖଲ କରାଯାଇଥିଲା ଏବଂ ବାଇଜୁ 125 କୋଟି ଟଙ୍କାର ବିଡ୍ ଦାଖଲ କରିଥିଲା ।
ସୂଚନାଯୋଗ୍ୟ ଯେ ଭାରତ ଏବଂ ଚୀନ୍ ମଧ୍ୟରେ ବଢୁଥିବା ବିବାଦ ହେତୁ ବିସିସିଆଇ ଏହି ସିଜନରୁ ଭିଭୋକୁ ହଟାଇ ଦେଇଥିଲା । ଭିଭୋ 2018 ରୁ 2022 ପର୍ଯ୍ୟନ୍ତ ପାଞ୍ଚ ବର୍ଷ ପାଇଁ 2190 କୋଟି ଟଙ୍କା (ପ୍ରତିବର୍ଷ 440 କୋଟି ଟଙ୍କା) ପାଇଁ ଆଇପିଏଲ୍ ଟାଇଟଲ୍ ପ୍ରାୟୋଜକ ଅଧିକାର ହାସଲ କରିଥିଲା | ଭିଭୋ କମ୍ପାନୀ ପୁଣି ଥରେ ଆସନ୍ତା ବର୍ଷ ମୁଖ୍ୟ ପ୍ରଯୋଜକ ଭାବରେ ଫେରିପାରେ ବୋଲି ଆଶା କରାଯାଉଛି |
