ଭୁବନେଶ୍ଵର ( ସତ୍ୟପାଠ ବ୍ୟୁରୋ ): ଗୁଜରାଟ ବିଧାନସଭା ନିର୍ବାଚନ ପାଇଁ ପ୍ରାର୍ଥୀଙ୍କ ଦ୍ୱିତୀୟ ତାଲିକା ଜାର କରିଛି ବିଜେପି । ଏହି ତାଲିକାରେ ଛଅ ଜଣ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି । ଏହା ପୂର୍ବରୁ ବିଜେପି ପ୍ରଥମ ତାଲିକା ଜାରି କରି ୧୬୦ ଜଣ ପ୍ରାର୍ଥୀଙ୍କ ନାମ ଘୋଷଣା କରିଥିଲା ।
ଶନିବାର ବିଜେପି ପକ୍ଷରୁ ୬ଟି ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରାଯାଇଛି ।ଏଥିରେ ସୌରାଷ୍ଟ୍ରରୁ ଚାରି ଏବଂ ଦକ୍ଷିଣ ଗୁଜରାଟର ଦୁଇଟି ଆସନ ସାମିଲ ରହିଛି । ଧୋରାଜୀ, ଖମ୍ୱାଲିଆ, କୁତିୟାନା, ଭାଭନଗର ଇଷ୍ଟ, ଦେଡିଆପଡା(ଏସଟି), ଚୌରୟାସି ଆସନ ପାଇଁ ପ୍ରାର୍ଥୀ ଘୋଷଣା କରିଛି ।
ଉଲ୍ଲେଖଯୋଗ୍ୟ ଯେ, ନଭେମ୍ୱର ୧୦ରେ ବିଜେପି ନିଜ ପ୍ରାର୍ଥୀଙ୍କ ପ୍ରଥମ ତାଲିକା ଜାରି କରିଥିଲା । ଏଥିରେ ୧୬୦ ଜଣ ପ୍ରାର୍ଥୀଙ୍କ ନାଁ ଘୋଷଣା କରାଯାଇଥିଲା । ଏହି ଲିଷ୍ଟରେ ସିଏମ ଭୂପେନ୍ଦ୍ର ପଟେଲଙ୍କୁ ଧାଟଲୋଢିଆ ବିଧାନସଭା ଆସନରୁ ଦଳ ପ୍ରାର୍ଥୀ କରିଛି । ଅନ୍ୟପଟେ, କ୍ରିକେଟର ରବିନ୍ଦ୍ର ଜାଡେଜାଙ୍କ ପତ୍ନୀ ରିଭାଭାଙ୍କୁ ଜାମନଗର ଉତ୍ତରରୁ ଦଳ ଟିକେଟ ଦେଇଛି । ବର୍ତ୍ତମାନ ସମୟରେ ବିଧାୟକ ଥିବା ୬୯ ଜଣଙ୍କୁ ଦଳ ରିପିଟ୍ କରିଥିବା ବେଳେ ୩୦ ବିଧାୟକଙ୍କୁ ଟିକେଟ୍ ଦେଇନାହିଁ ।
BJP releases a list of 6 candidates to contest the upcoming Gujarat #AssemblyPolls2022 pic.twitter.com/ELQyIGkYSL
— ANI (@ANI) November 12, 2022
