ଭୁବନେଶ୍ୱର ( ସତ୍ୟପାଠ ବ୍ୟୁରୋ ): କେରଳର ମୋଟର ଯାନ ବିଭାଗ (MVD) ହେଲମେଟ କ୍ୟାମେରା ଉପରେ ପ୍ରତିବନ୍ଧକ ଲଗାଇଥିବା ଜଣାପଡିଛି | ଏହି ସୂଚନା MVD ଅଧିକାରୀଙ୍କ ମଧ୍ୟରେ ପ୍ରସାରିତ ଏକ ଆଭ୍ୟନ୍ତରୀଣ ସର୍କୁଲାରରୁ ଆସିଛି । ଏହି ସର୍କୁଲାର ଅନୁସାରେ କ୍ୟାମେରା ଲଗିଥିବା ହେଲମେଟ ପିନ୍ଧି ଗାଡ଼ି ଚଳାଇଲେ ୧୦୦୦ ଟଙ୍କା ପାଇଁ ଦଣ୍ଡବିଧାନ ଥିବା ଜଣା ପଡିଛି ଏବଂ ଆବଶ୍ୟକ ସ୍ଥଳେ ଚାଳକଙ୍କ ଡ୍ରାଇଭିଂ ଲାଇସେନ୍ସକୁ ୩ ମାସ ପାଇଁ ବାତିଲ କରିବାକୁ ପରିବହନ କମିଶନର ନିର୍ଦ୍ଦେଶ ଦେଇଛନ୍ତି। ତେବେ ସର୍କୁଲାର ଅନୁସାରେ ଏହି ପ୍ରତିବନ୍ଧକକୁ କୋର୍ଟରେ ଚ୍ୟାଲେଞ୍ଜ କରାଯାଇପାରିବ ନାହିଁ ।
ତେବେ ଏନେଇ କେରଳ ମୋଟର ଯାନ ବିଭାଗ କହିଛି ଯେ ହେଲମେଟ କ୍ୟାମେରା ବ୍ୟବହାର କରିବା ଦ୍ଵାରା ଆରୋହୀମାନେ ବିଭ୍ରାନ୍ତ ହୋଇ ଦୁର୍ଘଟଣା ଘଟାଇଥାନ୍ତି। ତେଣୁ ହେଲମେଟ କ୍ୟାମେରା ଉପରେ ରାଜ୍ୟରେ ସମ୍ପୂର୍ଣ୍ଣ ନିଷେଧାଦେଶ ଲଗାଯାଇଛି। ବିଭାଗ ପକ୍ଷରୁ ଏହା ମଧ୍ୟ କୁହାଯାଇଛି ଯେ, ହେଲମେଟରେ କ୍ୟାମେରା ଲଗାଇବା ହେଲମେଟର ସଂରଚନାକୁ ବଦଳାଇଥାଏ ଏବଂ ଏହା ହେଲମେଟକୁ ଉପ-ଅପ୍ଟିମାଇଲ କରି ହେଲମେଟ ପିନ୍ଧିଥିବା ବ୍ୟକ୍ତିଙ୍କୁ ଏଥିରେ ଲଗାଯାଇଥିବା କ୍ୟାମେରା ସାହାଯ୍ୟରେ ଆଘାତ ଦେଇପାରେ। ସାମ୍ପ୍ରତିକ ଦୁର୍ଘଟଣାରେ କ୍ୟାମେରା ସହିତ ହେଲମେଟ ପିନ୍ଧିଥିବା କିଛି ଆରୋହୀ ଆହତ ହୋଇଛନ୍ତି ବୋଲି ବିଭାଗ କହିଛି।
ହେଲମେଟ କ୍ୟାମେରା ଉପରେ ନିଷେଧାଦେଶ ସେହି ଚାଳକଙ୍କ ଉପରେ ପ୍ରଭାବ ପକାଇବ ଯେଉଁମାନେ ଦୁର୍ଘଟଣାର ସମ୍ମୁଖୀନ ହେଲେ ହେଲମେଟ କ୍ୟାମେରାରେ ରେକର୍ଡ ଭିଡିଓକୁ ପ୍ରମାଣ ରୂପେ ବ୍ୟବହାର କରିଥାନ୍ତି। ବର୍ତ୍ତମାନ ପରିସ୍ଥିତିରେ, ଦୁର୍ଘଟଣା ସମୟରେ କାର୍ ଡ୍ୟାସ୍ କ୍ୟାମେରା ଜୀବନ ରକ୍ଷାକାରୀ ଅଟେ । ଡ୍ରାଇଭର ଏବଂ ଆରୋହୀମାନେ ପ୍ରାୟତ ସେମାନଙ୍କ କ୍ୟାମେରାରୁ ରେକର୍ଡିଂ ବ୍ୟବହାର କରି ଦୁର୍ଘଟଣାଗ୍ରସ୍ତ ଅବସ୍ଥାରେ ପୋଲିସ୍ ସାମ୍ନାରେ ନିଜକୁ ନିର୍ଦ୍ଦୋଷ ବୋଲି ପ୍ରମାଣିତ କରିଥାନ୍ତି । ତେବେ ବର୍ତ୍ତମାନ କେରଳର ଆରୋହୀଙ୍କ ପାଇଁ ଗୋଟିଏ ସମାଧାନ ହେଉଛି ମୋଟରସାଇକେଲରେ କ୍ୟାମେରା ଲଗାଇବା । ଯଦିଓ MVD ଏହାକୁ ବିରୋଧ କରିପାରେ, କିନ୍ତୁ ଏହାର ସମ୍ଭାବନା କମ୍ । କିଛି ବାଇକ୍ ଆରୋହୀ ନିଜ ରାଇଡିଂ ଜ୍ୟାକେଟ୍ ଉପରେ କ୍ୟାମେରା ଲଗାଇବାକୁ ମଧ୍ୟ କହିଛନ୍ତି।
