ଗୋରଖପୁର(ସତ୍ୟପାଠ ବ୍ୟୁରୋ): ଉତ୍ତରପ୍ରଦେଶରେ ବିଧାନସଭା ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ଆରମ୍ଭ ହୋଇଯାଇଛି । ଭୋଟ ଦେବା ପାଇଁ ଲୋକଙ୍କ ମନରେ ମଧ୍ୟ ଉତ୍ସାହ ଦେଖାଦେଇଛି । ସମସ୍ତ କୋଭିଡ କଟକଣାକୁ ପାଳନ କରି ଭୋଟ ଦେବା ପ୍ରକ୍ରିିୟ ଆରମ୍ଭ ହୋଇଥିବାର ସୂଚନା ମିଳିଛି । ଏହା ମଧ୍ୟରେ ମୁଖ୍ୟମନ୍ତ୍ରୀଙ୍କ ଗୋଟିଏ ବୟାନ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଯଦି ଭୋଟରମାନେ ଭୁଲ କରନ୍ତି, ତେବେ ୟୁପି କାଶ୍ମୀର, କେରଳ ଏବଂ ବଙ୍ଗଳା ହେବାକୁ ଅଧିକ ସମୟ ଲାଗିବ ନାହିଁ ବୋଲି କହିଛନ୍ତି । ସେପଟେ ଯୋଗୀଙ୍କ ଏପରି ବୟାନ ପରେ ରାଜନୀତି ମଧ୍ୟ ବେଶ ଚଳଚଞ୍ଚଳ ହୋଇ ଉଠିଛି । ଆରଏଲଡି ମୁଖ୍ୟ ଜୟନ୍ତ ଚୌଧୁରୀ ଏହାର ଜବାବ ଦେଇଥିବାର ଦେଖିବାକୁ ମିଳିଛି । ତେବେ ତିନିଟି ରାଜ୍ୟର ମୁଣ୍ଡପିଛା ଆୟ ୟୁପି ତୁଳନାରେ ବହୁତ ଅଧିକ ବୋଲି କହିଛନ୍ତି । ଅନ୍ୟପଟେ ଉତ୍ତରପ୍ରଦେଶ ନିର୍ବାଚନ ୨୦୨୨ ର ପ୍ରଥମ ପର୍ଯ୍ୟାୟ ଭୋଟିଂ ଅବସରରେ ଯୋଗୀ ଏକ ଭିଡିଓ ବାର୍ତ୍ତା ଜାରି କରି ରାଜ୍ୟର ଭୋଟରଙ୍କୁ ଚେତାବନୀ ଦେଇଛନ୍ତି।
ସେ ଭୋଟରଙ୍କୁ କହିଛନ୍ତି, ‘ଯଦି ସେମାନେ ଭୁଲ କରନ୍ତି, ତେବେ କାଶ୍ମୀର, କେରଳ ଏବଂ ବଙ୍ଗଳା ୟୁପି ହୋଇଯିବ’। ପ୍ରାୟ ଛଅ ମିନିଟର ଏକ ଭିଡିଓ ବାର୍ତ୍ତାରେ ଯୋଗୀ କହିଛନ୍ତି, ‘ସମସ୍ତ ଦଙ୍ଗାକାରୀ ଏବଂ ଆତଙ୍କବାଦୀମାନେ ବର୍ତ୍ତମାନ ରାଗିଛନ୍ତି। ଦଙ୍ଗାକାରୀମାନେ ବାରମ୍ବାର ଧମକ ଦେଉଛନ୍ତି ଯେ ଆମ ସରକାରକୁ ଖାଲି ଆସିବାକୁ ଦିଅନ୍ତୁ। ସାବଧାନ ରୁହ, ଯଦି ତୁମେ ମିସ୍ କର, ପାଞ୍ଚ ବର୍ଷର କଠିନ ପରିଶ୍ରମ ନଷ୍ଟ ହେବ । ଏଥର ଉତ୍ତରପ୍ରଦେଶ କାଶ୍ମୀର, ବଙ୍ଗଳା ଏବଂ କେରଳ ହେବାକୁ ଅଧିକ ସମୟ ଲାଗିବ ନାହିଁ। ମୋର ଭୋଟ୍ ହେଉଛି ମୋର ପାଞ୍ଚ ବର୍ଷର ଅନୁତାପ ଉପରେ ତୁମର ଆଶୀର୍ବାଦ । ଏହା ମଧ୍ୟ ମନେରଖନ୍ତୁ ଯେ ଏହି ଭୋଟ୍ ଆଗାମୀ ବର୍ଷରେ ଆପଣଙ୍କ ଭୟମୁକ୍ତ ଜୀବନକୁ ମଧ୍ୟ ନିଶ୍ଚିତ କରିବ । ଜୟ ଜୟ ଶ୍ରୀ ରାମ ‘। ଯୋଗୀଙ୍କ ଏହି ଭିଡିଓଟି ବର୍ତ୍ତମାନ ସୋସିଆଲ ମିଡିଆରେ ଖବୁ ଭାଇରାଲ ହେବାରେ ଲାଗିଛି ।
