ପାଟନା(ସତ୍ୟପାଠ ବ୍ୟୁରୋ): ବିହାରରେ ମଦ ବ୍ୟାନ ଥିବା ସତ୍ତ୍ୱେର୍ ମଧ୍ୟ ମଦ ମୃତ୍ୟୁ ଘଟଣା ବାରମ୍ବାର ସାମ୍ନାକୁ ଆସିବାରେ ଲାଗିଛି । ଏପରିକି ବିହରରେ ମଦବନ୍ଦକୁ ନେଇ ଆଇନ ମଧ୍ୟ ପ୍ରସ୍ତୁତ ହୋଇଛି । ତଥାପି ଏପରି ଘଟଣା ସାମ୍ନାକୁ ଆସିବା ସମସ୍ତଙ୍କୁ ଚିନ୍ତାରେ ପକାଇଛି । ଏହା ମଧ୍ୟରେ ଏଲଜିପି ସଭାପତି ଚିରାଗ ପାସୱାନ ମୁଖ୍ୟମନ୍ତ୍ରୀ ନୀତିଶ କୁମାରଙ୍କୁ ଟାର୍ଗେଟ କରିଥିବାର ଦେଖିବାକୁ ମିଳିଛି । ତେବେ ରାଜ୍ୟରେ ନକଲି ମଦ ପିଇ ହେଉଥିବା ମୃତ୍ୟୁକୁ ରୋକିବା ପାଇଁ ରାଜ୍ୟପାଳ ରାଷ୍ଟ୍ରପତିଙ୍କୁ ରାଜ୍ୟରେ ରାଷ୍ଟ୍ରପତି ଶାସନ ଲଗାଇବାକୁ ଅନୁରୋଧ କରନ୍ତୁ ବୋଲି ଚିରାଗ ପାସୱାନ କହିଛନ୍ତି । କାହିଁକିନା ବିହାରର ସରାନ ଜିଲ୍ଲାରେ ସନ୍ଦେହଜନକ ଅବସ୍ଥାରେ ନିକଟରେ ପାଞ୍ଚ ଜଣଙ୍କ ମୃତଦେହ ମିଳିଛି। ପାଞ୍ଚ ଜଣ ବିଷାକ୍ତ ମଦ ପିଇ ମୃତ୍ୟୁବରଣ କରିଥିବାର ଅନୁମାନ କରାଯାଉଛି । ଏପରିକି ମୃତକଙ୍କ ମଧ୍ୟରୁ କେତେକଙ୍କ ପରିବାର ମୃତ୍ୟୁ ପାଇଁ ମଦ୍ୟପାନକୁ ଦାୟୀ କରିଛନ୍ତି।
ଏ ଘଟଣା ସାମ୍ନାକୁ ଆସିବା ପରେ ବିରୋଧୀ ଦଳ ବ୍ୟତୀତ ଅନେକ ବିଜେପି ନେତା ମଧ୍ୟ ଏହି ପ୍ରସଙ୍ଗରେ ସିଏମ ନୀତୀଶ କୁମାରଙ୍କୁ ଟାର୍ଗେଟ କରୁଥିବାର ଦେଖିବାକୁ ମିଳିଛି । ବିଶେଷ କରି ଚିରାଗ ପାସୱାନ ନୀତିଶ କୁମାରଙ୍କୁ ଟାର୍ଗେଟ କରି ବଡ଼ ବୟାନ ଦେଇଥିବାର ଦେଖିବାକୁ ମିଳିଛି । ତେବେ ମୁଖ୍ୟମନ୍ତ୍ରୀ ନୀତିଶ କୁମାର ଜାଣିଶୁଣି ପେଗାସସ୍, ଜାତିସଂଘ ଜନଗଣନା, ଜନସଂଖ୍ୟା ନିୟନ୍ତ୍ରଣ ବିଲ୍ ଭଳି ପ୍ରସଙ୍ଗ ଉଠାଉଛନ୍ତି, ଯାହା ଉପରେ ବିଜେପିର ଆଭିମୁଖ୍ୟ ସ୍ପଷ୍ଟ ହୋଇସାରିଛି। ସେ ବୋଧହୁଏ ବିରୋଧୀ ଦଳରେ ଯୋଗଦେବାକୁ ଏବଂ ପ୍ରଧାନମନ୍ତ୍ରୀ ପଦ ପାଇଁ ପ୍ରତିଦ୍ୱନ୍ଦ୍ୱୀ ହେବାକୁ ଚାହୁଁଛନ୍ତି। କିନ୍ତୁ ରାଜ୍ୟରେ ବଢ଼ିଚାଲୁଥିବା ମଦମୃତ୍ୟୁକୁ ନେଇ ସେ କୌଣସି ବୟାନ ଦେଉନାହାନ୍ତି ।
ଯାହା ଚିନ୍ତାର ବିଷୟ ବୋଲି ଚିରାଗ ପାସୱାନ କହିଛନ୍ତି । ଅନ୍ୟପଟେ ବିଗତ କିଛି ଦିନ ମଧ୍ୟରେ ବିହାରରେ ବିଷାକ୍ତ ମଦ ସେବନ ହେତୁ ଅନେକ ଜୀବନ ନଷ୍ଟ ହୋଇଯାଇଛି। ଏକ ସପ୍ତାହ ତଳେ ନାଳନ୍ଦାରେ ୧୧ ଜଣଙ୍କର ମୃତ୍ୟୁ ହୋଇଥିଲା। ଏହାପୂର୍ବରୁ ଗୋପାଳଗଞ୍ଜ, ମୁଜାଫରପୁର ଏବଂ ସାମସ୍ତିପୁର ଜିଲ୍ଲାରେ ୪୦ ରୁ ଅଧିକ ଲୋକ ପ୍ରାଣ ହରାଇଥିଲେ। ବିଷାକ୍ତ ମଦ ପିଇବା କାରଣରୁ ତାଙ୍କର ମୃତ୍ୟୁ ଘଟିଛି ବୋଲି ମୃତକଙ୍କ ସମ୍ପର୍କୀୟମାନେ ପ୍ରକାଶ କରିଥିଲେ। ଏହାକୁ ଦୃଷ୍ଟିରେ ରଖି ନୀତୀଶ ସରକାରଙ୍କ ସହଯୋଗୀ ଦଳର ସଭାପତି ଜିତନ ରାମ ମଞ୍ଜୀ ଲିକୋର ନିଷେଧ ନୀତିରେ ସଂଶୋଧନ ଦାବି ଦୋହରାଇଛନ୍ତି। ସେପଟେ ଏପ୍ରିଲ୍ ୨୦୧୬ ରେ ବିହାରରେ ମଦ ବିକ୍ରୟ ତଥା ବ୍ୟବହାର ଉପରେ ସମ୍ପୂର୍ଣ୍ଣ ନିଷେଧାଦେଶ ଲାଗୁ କରାଯାଇଥିଲା।
