ନୂଆଦିଲ୍ଲୀ: ପୁଣି ଥରେ ଆଙ୍ଗୁଳି ନିଶାନରେ ଆଉ ଏକ ମସଜିଦ | ଯାହାକୁ ନେଇ ପୁଣି ପ୍ରଶ୍ନ ସହ ବିବାଦ ମୁଣ୍ଡ ଟେକିଛି | ଦିଲ୍ଲୀର ଜାମା ମସ୍ଜିଦ୍ ତଳେ ହିନ୍ଦୁ ଦେବଦେବୀଙ୍କ ପ୍ରତିମା ରହିଥିବା ଦାବି କରିଛି ହିନ୍ଦୁ ମହାସଭା | ସତ୍ୟତା ଜାଣିବା ପାଇଁ ଉକ୍ତ ଅଞ୍ଚଳକୁ ଖୋଳିବାକୁ ଅନୁମତି ଦିଆଯାଉ ବୋଲି ଅଖିଳ ଭାରତ ହିନ୍ଦୁ ମହାସଭା କହିଛି । ଏହାକୁ ନେଇ ହିନ୍ଦୁ ମହାସଭା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖିଛି ।
ଚିଠିରେ ଏହା କହିଛି ଯେ ମୋଗଲ ଶାସକମାନେ ମସ୍ଜିଦ୍ ନିର୍ମାଣ ପାଇଁ ଦେଶବ୍ୟାପୀ ମନ୍ଦିରଗୁଡ଼ିକୁ ଧ୍ୱଂସ କରିଦେଇଥିଲେ । ରାମ ଜନ୍ମଭୂମି, କୃଷ୍ଣ ଜନ୍ମଭୂମି ଓ ଜ୍ଞାନବାପି ଏହାର ଉଦାହରଣ । ମହାସଭାର କହିବା ମୁତାବକ ଔରଙ୍ଗଜେବଙ୍କ ସେନାର ସବୁଠୁ ବରିଷ୍ଠ ଜେନେରାଲ ଖାନ୍ ଜହାନ୍ ବାହାଦୁର ହିନ୍ଦୁମାନଙ୍କର ବିଭିନ୍ନ ଧାର୍ମିକ ପୀଠକୁ ଧ୍ୱଂସ କରି ଯୋଧପୁର ଓ ଅନ୍ୟ ଅଞ୍ଚଳରୁ ଫେରିବା ପରେ ଦିଲ୍ଲୀର ଜାମା ମସ୍ଜିଦ୍ ସିଡ଼ି ତଳେ ହିନ୍ଦୁ ଦେବଦେବୀଙ୍କ ପ୍ରତିମାଗୁଡ଼ିକୁ ପୋତିଦେବାକୁ ନିର୍ଦ୍ଦେଶ ଦେଇଥିଲେ । ତେଣୁ ଉକ୍ତ ଅଞ୍ଚଳକୁ ଖୋଳି ମୂର୍ତ୍ତିଗୁଡ଼ିକୁ ବାହାର କରିବା ପାଇଁ ସମ୍ପୃକ୍ତ ବିଭାଗକୁ ନିର୍ଦ୍ଦେଶ ଦିଆଯିବା ଉଚିତ ।
ହିନ୍ଦୁ ମହାସଭା ମୁଖ୍ୟ ଚକ୍ରପାଣି ମହାରାଜ ପ୍ରଧାନମନ୍ତ୍ରୀ ମୋଦି ଓ ସ୍ୱରାଷ୍ଟ୍ର ମନ୍ତ୍ରୀ ଅମିତ୍ ଶାହଙ୍କ ନିକଟକୁ ଏହି ଚିଠି ଲେଖିଛନ୍ତି ।
ହିନ୍ଦୁ ଦଳ ଦାବି କରିଛନ୍ତି ଯେ ଆଜି ବି ଜାମା ମସଜିଦରେ ହିନ୍ଦୁ ଦେବତା ଏବଂ ଦେବୀଙ୍କ ମୂର୍ତ୍ତି ଅଛି। ଯଦିଓ ଜମା ମସଜିଦରେ ଅତୀତରେ ଦେବତା ଏବଂ ଦେବୀଙ୍କ ମୂର୍ତ୍ତି ରଖିବାକୁ ଦାବି କରାଯାଇଛି, କିନ୍ତୁ ଉପରୋକ୍ତ ସତ୍ୟକୁ ପ୍ରକାଶ କରିବା ପାଇଁ କୌଣସି ଆନୁଷ୍ଠାନିକ ଷ୍ଟାଣ୍ଡ ନିଆଯାଇନଥିଲା। କିନ୍ତୁ ଏଥର ପ୍ରଧାନମନ୍ତ୍ରୀଙ୍କୁ ଏକ ଚିଠି ଲେଖାଯାଇଛି ଯେଉଁଥିରେ ମସଜିଦ ଉପରେ ସର୍ଭେ କରିବାକୁ ଦାବି କରାଯାଉଛି। କିନ୍ତୁ ଅଦ୍ୟାବଧି ଏହି ପ୍ରସଙ୍ଗରେ ପ୍ରଧାନମନ୍ତ୍ରୀଙ୍କ କୌଣସି ପ୍ରତିକ୍ରିୟା ଆସିନାହିଁ। ଏଭଳି ପରିସ୍ଥିତିରେ ବର୍ତ୍ତମାନ ଦେଖିବାକୁ ପଡିବ ଯେ ଉକ୍ତ ପ୍ରସଙ୍ଗରେ ପିଏମ ମୋଦୀଙ୍କ ପକ୍ଷରୁ କଣ ପ୍ରତିକ୍ରିୟା ଆସୁଛି କି ନାହିଁ।
ଉଲ୍ଲେଖଯୋଗ୍ୟ, ମୋଗଲ ଶାସକ ଶାହ ଜହାନଙ୍କ ଦ୍ୱାରା ୧୬୪୪ରୁ ୧୬୫୬ ମଧ୍ୟରେ ଐତିହାସିକ ଜାମା ମସ୍ଜିଦ୍ ନିର୍ମାଣ କରାଯାଇଥିଲା । ଏହାପରେ ଔରଙ୍ଗଜେବ ମୃତ୍ୟୁ ପର୍ଯ୍ୟନ୍ତ ପାଖାପାଖି ୪୯ ବର୍ଷ ଶାସନ କରିଥିଲେ |
