ମୁମ୍ବାଇ(ସତ୍ୟପାଠ ବ୍ୟୁରୋ): ଭାରତୀୟ ଜନତା ପାର୍ଟି ଏବଂ ଶିବସେନା ପୁଣିଥରେ ମୁହାଁମୁହିଁ ହୋଇଛନ୍ତି । ତେବେ ବିଜେପିର ପୂର୍ବତନ ସହଯୋଗୀ ଉଦ୍ଧବ ଠାକରେ ରାଜନୀତି ପାଇଁ ବିଜେପି ହିନ୍ଦୁତ୍ୱକୁ ବ୍ୟବହାର କରୁଛି ବୋଲି କହି ବେଶ ଚର୍ଚ୍ଚାରେ ଥିଲେ । ଏସବୁ ମଧ୍ୟରେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଉଦ୍ଧବ ଠାକାରେଙ୍କୁ ଏହାର ଜବାବ ଦେଇଥିବାର ଦେଖିବାକୁ ମିଳିଛି । ତେବେ ମୁମ୍ବାଇ ନଗର ସଙ୍ଗଠନରେ ବିଜେପି ସଦସ୍ୟ ଥିବା ସମୟରେ ଶିବସେନାର ଜନ୍ମ ହୋଇ ନଥିଲା। କେବଳ ସେତିକି ନୁହଁ ୧୯୮୪ ଲୋକସଭା ନିର୍ବାଚନରେ ବିଜେପି ଦଳୀୟ ଚିହ୍ନରେ ଶିବସେନାର ଆଶାୟୀମାନେ ନିର୍ବାଚନ ଲଢ଼ିଥିଲେ। ରବିବାର ଶିବସେନାର ଏକ କାର୍ୟ୍ୟକ୍ରମରେ ସମ୍ବୋଧିତ କରି ଉଦ୍ଧବ କହିଥିଲେ ଯେ, ବିଜେପି ସହ ସହଯୋଗୀ ହୋଇ ୨୫ ବର୍ଷ ବରବାଦ ହୋଇଗଗଲା । ସେ କହିଥିଲେ ଯେ, ଶିବସେନା ବିଜେପି ସହ ମେଣ୍ଟ କରିଥିଲା।
କିନ୍ତୁ ସେମାନେ ହିନ୍ଦୁତ୍ୱ ପାଇଁ ସତ୍ତା ଚାହୁଁଥିଲେ। କ୍ଷମତା ପାଇଁ ଶିବସେନା କେବେ ହିନ୍ଦୁତ୍ୱକୁ ବ୍ୟବହାର କରିନାହିଁ ବୋଲି ଉଦ୍ଧବ କହିଥିଲେ। । ଶିବସେନା ବିଜେପି ହାତ ଛାଡ଼ିଛି।କାହିଁକିନା ଦଳରେ ହିନ୍ଦୁତ୍ୱ ନାହିଁ। ମୋ ମତରେ ବିଜେପି ପାଇଁ ହିନ୍ଦୁତ୍ୱ କେବଳ କ୍ଷମତା ପାଇଁ ଉଦ୍ଦିଷ୍ଟ। ତେବେ ଦେବେନ୍ଦ୍ର ଫଡ଼ନାଭିସ୍ କହିଛନ୍ତି ଯେ, ମୁଖ୍ୟମନ୍ତ୍ରୀ ଯେଉଁପ୍ରକାର ଭାଷଣ ଦେଉଛନ୍ତି ମତେ ଲାଗୁଛି ନିକଟରେ ହୋଇଥିବା ନଗର ପଞ୍ଚାୟତ ଏବଂ ଲୋକାଲ ବଡି ନିର୍ବାଚନରେ ଦଳ ଚତୁର୍ଥ ନମ୍ବରକୁ ଆସିବା ପରେ ଏହା ତାଙ୍କର ହିତାଶାର ପ୍ରତିଫଳନ। ଦେବେନ୍ଦ୍ର ପ୍ରଶ୍ନ କରିଛନ୍ତି ଯେ, ରାମଜନ୍ମଭୂମି ଆନ୍ଦୋଳନରେ ଆପଣ କେଉଁଠିଥିଲେ।
ସେଠାରେ ଗୁଳି ଏବଂ ଲାଠି ଖାଇବା ବେଳେ ଆମେ ଥିଲୁ। ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ରାମ ମନ୍ଦିର ନିର୍ମାଣ ହେଉଛି। ସେ ଆହୁରି କହିଛନ୍ତି ଯେ, ଶିବସେନାର ହିନ୍ଦୁତ୍ୱ କେବଳ ଘୋଷଣାରେ ସୀମିତ। କାଗଜ କଲମରେ ସେମାନେ ହିନ୍ଦୁତ୍ୱ। ଆଜି ପର୍ୟ୍ୟନ୍ତ ଔରଙ୍ଗାରବାଦର ନାମ ପରିବର୍ତ୍ତନ କରିପାରିଲେନି। ବିଜେପି ଆହ୍ଲାବାଦର ନାମ ପ୍ରୟାଗରାଜ କରି ଦେଖାଇଛି ବୋଲି ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ କହିଛନ୍ତି ।
