ନୂଆଦିଲ୍ଲୀ(ସତ୍ୟପାଠ ବ୍ୟୁରୋ): ଉତ୍ତରପ୍ରଦେଶ ବିଧାନସଭା ନିର୍ବାଚନ ପାଇଁ ସମସ୍ତ ରାଜନୈତିକ ଦଳ ଚଳଚଞ୍ଚଳ ହୋଇ ଉଠିଛନ୍ତି । ଏହା ମଧ୍ୟରେ କେନ୍ଦ୍ରମନ୍ତ୍ରୀ ଅନୁରାଗ ଠାକୁର ସମାଜବାଦୀ ପାର୍ଟିକୁ ଟାର୍ଗେଟ କରି ବଡ଼ ବୟାନ ଦେଇଥିବାର ଦେଖିବାକୁ ମିଳିଛି । ତେବେ ଅହମ୍ମଦାବାଦ ସିରିଏଲ ବୋମା ବିସ୍ଫୋରଣରେ କୋର୍ଟଙ୍କ ନିଷ୍ପତ୍ତିକୁ ଆମେ ସ୍ୱାଗତ କରୁଛୁ। କୋର୍ଟ ଏହାର ରାୟରେ ୪୯ ଜଣଙ୍କୁ ଦୋଷୀ ସାବ୍ୟସ୍ତ କରିଛନ୍ତି । ଯେଉଁଥିରୁ ୩୮ ଜଣଙ୍କୁ ମୃତ୍ୟୁଦଣ୍ଡ ଦିଆଯାଇଛି। ଏଥି ସହିତ ୧୧ ଜଣଙ୍କୁ ଆଜୀବନ କାରାଦଣ୍ଡ ମିଳିଛି ଜ୍ଝ ଅନୁରାଗ ଠାକୁର କହିଛନ୍ତି ଯେ ଅହମ୍ମଦାବାଦ ସିରିଏଲ ବୋମା ବିସ୍ଫୋରଣରେ ଦୋଷୀ ସାବ୍ୟସ୍ତ ହୋଇଥିବା ୪୯ ଜଣଙ୍କ ମଧ୍ୟରୁ ମହମ୍ମଦ ସୈଫ ଥିଲେ । ଯିଏକି ଏସପି ନେତା ଶାଦାବ ଅହମ୍ମଦଙ୍କ ପୁଅ । କିନ୍ତୁ ଅଖିଳେଶ ସେମାନଙ୍କ ଉପରେ ନୀରବ ରହିଛନ୍ତି। ଏହି ସମୟରେ କେନ୍ଦ୍ର ମନ୍ତ୍ରୀ ଶାଦବ ଅହମ୍ମଦ ଏବଂ ଅଖିଳେଶ ଯାଦବଙ୍କ ଏକ ଫଟୋକୁ କେନ୍ଦ୍ରମନ୍ତ୍ରୀ ଦେଖାଇଥିଲେ । ଚିତ୍ରରେ ଉଭୟ ଏକାଠି ନଜର ଆସିଛନ୍ତି ।
ଏହା ସହ ସେ କଟାକ୍ଷ କରି କହିଛନ୍ତି ଯେ ଅଖିଳେଶ ତାଙ୍କୁ ବିରିୟାନି ପାଇଁ ଡାକିଛନ୍ତି କି? ଏହା ସହ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି ଯେ ଅହମ୍ମଦାବାଦ ସିରିଏଲ ବୋମା ବିସ୍ଫୋରଣର ଲିଙ୍କ ସିଧାସଳଖ ସମାଜବାଦୀ ଦଳର ନେତାମାନଙ୍କ ସହ ଥିଲା । କୋର୍ଟଙ୍କ ନିଷ୍ପତ୍ତି ପରେ ମଧ୍ୟ ସମାଜବାଦୀ ଦଳର ନେତାମାନେ ଚୁପ୍ ରହିଛନ୍ତି। ଏହି ନୀରବତା ପୁଣି ଥରେ ଆତଙ୍କବାଦୀଙ୍କ ସୁରକ୍ଷା ଆଡକୁ ଆଙ୍ଗୁଠି ଉଠାଉଛି । କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି, ‘ଅଖିଳେଶ ଯାଦବଙ୍କ ଚିନ୍ତାଧାରା ହେଉଛି’ ମୁହ ମେ ରାମ ବଗଲ ମେ ଆତଙ୍କବାଦ । ଏହା ହେଉଛି ଭାରତର ପ୍ରଥମ ଦଳ ଯିଏକି ୨୦୧୨ ରେ ନିଜର ମନିଫେଷ୍ଟୋରେ କହିଛି ଯେ ଯଦି ତାଙ୍କ ସରକାର ଆସନ୍ତି ତେବେ ମୁସଲମାନ ଯୁବକମାନଙ୍କ ବିରୋଧରେ ଆତଙ୍କବାଦ ଅଭିଯୋଗକୁ ହଟାଇଦିଆଯିବ । ସରକାର ଗଠନ ପରେ ସେ କାଶୀ ଅଯୋଧ୍ୟାରେ ଆତଙ୍କବାଦୀ ଆକ୍ରମଣ କରିଥିବା ଆତଙ୍କବାଦୀଙ୍କ ବିରୋଧରେ ସମସ୍ତ ମାମଲା ପ୍ରତ୍ୟାହାର କରିନେଲେ। ଏହା ବ୍ୟତୀତ ଲକ୍ଷ୍ନୌ ରାମପୁର ଏବଂ ଅନ୍ୟାନ୍ୟ ଜିଲ୍ଲାରେ ଆତଙ୍କବାଦୀ ଆକ୍ରମଣର ଅଭିଯୁକ୍ତଙ୍କୁ ମଧ୍ୟ ସେ ଉଦ୍ଧାର କରିଥିଲେ। ସେମାନେ ସମାଜବାଦୀ ନୁହଁନ୍ତି ବରଂ ସମାଜ ବିରୋଧୀ ।
ଆତଙ୍କବାଦୀ ଏବଂ ସେମାନଙ୍କ ପରିବାରକୁ ସୁରକ୍ଷା ଦେବା ପାଇଁ ଏସପି କାର୍ଯ୍ୟ କରୁଛି ବୋଲି କେନ୍ଦ୍ର ମନ୍ତ୍ରୀ କହିଛନ୍ତି। ଆଜମଗଡରେ ଆତଙ୍କବାଦକୁ ଏସପି ଉତ୍ସାହିତ କରିଛନ୍ତି। ୨୦୧୨ ଉତ୍ତରପ୍ରଦେଶ ନିର୍ବାଚନ ପୂର୍ବରୁ ଏସପିଙ୍କ ମନିଫେଷ୍ଟୋରେ ସିଧାସଳଖ ଲେଖିଥିଲେ ଯେ ମୁସଲମାନ ଯୁବକମାନଙ୍କ ବିରୋଧରେ ଆତଙ୍କବାଦ ମାମଲା ପ୍ରତ୍ୟାହାର କରାଯିବ ଏବଂ ସେମାନଙ୍କ ବିରୋଧରେ ଅଭିଯୋଗ ଆଣିଥିବା ପୋଲିସ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
