(ସତ୍ୟପାଠ ବ୍ୟୁରୋ) ଭୁବନେଶ୍ୱର : ଜାମ୍ମୁ ଓ କାଶ୍ମୀର ପ୍ରସଙ୍ଗକୁ ନେଇ ଜୁନ୍ ୨୪ ତାରିଖରେ ନୂଆଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସର୍ବଦଳୀୟ ବୈଠକରେ ଯୋଗଦେଇଥିବା ଗୁପକର ଗଠବନ୍ଧନ ବୈଠକର ଫଳାଫଳକୁ ନେଇ ଅସନ୍ତୋଷ ବ୍ୟକ୍ତ କରିଛି। ଗୁପକର ଗଠବନ୍ଧନ ପକ୍ଷରୁ କୁହାଯାଇଛି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ହୋଇଥିବା ବୈଠକର ଫଳାଫଳ ଅତ୍ୟନ୍ତ ନୈରାଶ୍ୟଜନକ। ଗୁପକର ଗଠବନ୍ଧନ ନେତା ମାଇ ଟାରିଗାମି କହିଛନ୍ତି ଯେ ଦିଲ୍ଲୀ ବେଠକ ଫଳାଫଳକୁ ନେଇ ବିଶେଷ ଭାବରେ ରାଜନୈତିକ ତଥା ଅନ୍ୟ କଏଦୀମାନଙ୍କୁ ଜେଲରୁ ମୁକ୍ତ କରିବା ଏବଂ ପରିବେଶକୁ ବନ୍ଦ କରିବା ପାଇଁ ପଦକ୍ଷେପ ନେଇ ଗୁପକାର ସଂଗଠନର ସମସ୍ତ ସଦସ୍ୟ ନିରାଶ ହୋଇଛନ୍ତି । ପ୍ରଧାନମନ୍ତ୍ରୀ ମୋଦୀଙ୍କ ସହ ସାକ୍ଷାତ ପରେ ପ୍ରଥମ ଥର ପାଇଁ ସାର୍ବଜନୀନ ବିବୃତ୍ତିରେ ଗୁପକର ନେତା ମାନେ କହିଛନ୍ତି ଯେ ‘ଜାମ୍ମୁ କାଶ୍ମୀରରେ ବିଧାନସଭା ନିର୍ବାଚନ ରାଜ୍ୟ ମାନ୍ୟତା ଦିଆଯିବା ପରେ ହିଁ କରାଯିବା ଉଚିତ।’ଦିଲ୍ଲୀ ବେଠକ ପରେ ମିଳିତ ମଞ୍ଚର ପ୍ରଥମ ବେଠକ ରବିବାର ବିଳମ୍ବିତ ରାତିରେ ଏନସି ସଭାପତି ଫାରୁକ୍ ଅବଦୁଲ୍ଲାଙ୍କ ବାସଭବନରେ ଅନୁଷ୍ଠିତ ହୋଇଥିଲା, ଯିଏ ଏହି ଦଳର ସଭାପତି। ଏହି ବୈଠକରେ ଉପାଧ୍ୟକ୍ଷ ମେହବୁବା ମୁଫତି, ମୁଖପାତ୍ର ମହମ୍ମଦ ୟୁସୁଫ ତରିଗାମି, ସାଂସଦ ହସେନ ମାସୁଦି, ଜାଭେଦ୍ ମୁସ୍ତାଫା ମିର ଏବଂ ମୁଜାଫର ଅହମ୍ମଦ ଶାହା ଯୋଗ ଦେଇଥିଲେ।ଗୁପକର ପକ୍ଷରୁ ଜାରି ବିବୃତ୍ତିରେ କୁହାଯାଇଛି ଯେ ଜାମ୍ମୁ-କାଶ୍ମିର ପାଇଁ ପୁନଃ ରାଜ୍ୟ ମାନ୍ୟତା ଫେରାଇବା ନେଇ ବିଜେପି ସଂସଦରେ ପ୍ରତିଶ୍ରୁତି ଦେଇଛି ଏବଂ ସେମାନେ ଏହାକୁ ସମ୍ମାନ ଦେବା ଉଚିତ୍। ଜାମ୍ମୁ-କାଶ୍ମିର ପାଇଁ ପୂର୍ଣ୍ଣ ରାଜ୍ୟ ପ୍ରତିଷ୍ଠା ପରେ ହିଁ କୌଣଷି ବିଧାନସଭା ନିର୍ବାଚନ ଅନୁଷ୍ଠିତ ହେବ। PAGD କହିଛି ଯେ ‘ଜମ୍ମୁ-କଶ୍ମୀରବାସୀଙ୍କ ଉପରେ ୫ ଅଗଷ୍ଟ ୨୦୧୯ ରେ ଲାଗୁ ହୋଇଥିବା ଅସାମ୍ବିଧାନିକ ପରିବର୍ତ୍ତନର ପ୍ରତ୍ୟାହାର ପାଇଁ ସମସ୍ତ ସାମ୍ବିଧାନିକ, ଆଇନଗତ ତଥା ରାଜନୈତିକ ଉପାୟ ଦ୍ୱାରା ଏହି ସଂଗ୍ରାମ ଜାରି ରହିବ।’ ଏହି ପରିବର୍ତ୍ତନଗୁଡିକ ବିରୋଧରେ PAGD ର ସଂଗ୍ରାମ ଲକ୍ଷ୍ୟ ହାସଲ ନହେବା ପର୍ଯ୍ୟନ୍ତ ଜାରି ରହିବ ବୋଲି ମିଳିତ ମଞ୍ଚ କହିଛି।
