ହଲିଉଡ ଫିଲ୍ମ ‘ଦ ଗ୍ରେ ମ୍ୟାନ’ରେ ନଜର ଆସିବେ ଅଭିନେତା ଧନୁଷ।ଏହା ନେଟଫ୍ଲିକ୍ସରେ ଷ୍ଟ୍ରିମିଂ ହେବ। ଏହି ଆକ୍ସନ ଥ୍ରିଲର ଫିଲ୍ମରେ ଧନୁଷଙ୍କ ଆକ୍ସନ ଦେଖିବାକୁ ମିଳିବ । ଫିଲ୍ମର ନିର୍ଦ୍ଦେଶନା ଦେଇଛନ୍ତି ଆଣ୍ଟୋନି ଓ ଜୋ ରୁଷୋ । ଏଥିରେ ସହଯୋଗ କରିଛନ୍ତି ହଲିଉଡ ଅଭିନେତା ରିୟାନ ଗୋଲିଙ୍ଗ ଓ ଖ୍ରୀସ ଇଭାନ୍ସ । ୨୦୨୧ରେ ଫିଲ୍ମଟି ଶୁଟିଂ ସରିଥିବା ବେଳେ ଏବେ ଏହା ରିଲିଜ୍ ହେବ ବୋଲି ଜଣାପଡିଛି । ଅଭିନେତା ରିୟାନ ଗୋଲିଙ୍ଗ ଓ ଖ୍ରୀସ ଇଭାନ୍ସଙ୍କ ସହ ଏହି ଫିଲ୍ମରେ ସ୍କ୍ରିନ ସେଆର କରିଛନ୍ତି ଧନୁଷ । ଏହି ଖବର ସାମ୍ନାକୁ ଆସିବା ପରେ ତାଙ୍କ୍ ପ୍ରଶଂସକମାନେ ଖୁସି ହୋଇଯାଇଛନ୍ତି।
ସୂଚନାଯୋଗ୍ୟ, ନିକଟରେ ଧନୁଷ ଓ ପତ୍ନୀ ଐଶ୍ଵର୍ଯ୍ୟାଙ୍କ ସହ ଅଲଗା ହେବାର ନିଷ୍ପତ୍ତି ନେଇଥିଲେ। ଯାହା ସାରା ଇଣ୍ଡଷ୍ଟ୍ରିରେ ଚହଳ ପଡିଥିଲା। ଏହି ଘଟଣାକୁ ନେଇ ଚର୍ଚ୍ଚା ଥିବା ବେଳେ ଏବେ ପୁଣିଥରେ ଆଲୋଚନାକୁ ଆସିଛନ୍ତି । ଏହି ସବୁ ପରେ ସେ ବଲିଉଡର କିଛି ଫିଲ୍ମରେ ମଧ୍ୟ ନଜର ଆସିଛନ୍ତି । ବର୍ତ୍ତମାନ ଧନୁଷ ଖୁବଶୀଘ୍ର ହଲିଉଡରେ ନଜର ଆସିବାକୁ ଯାଉଛନ୍ତି ।
