(ସତ୍ୟପାଠ ବ୍ୟୁରୋ) ଭୁବନେଶ୍ବର : ଗତ କିଛିଦିନ ତଳେ ନ୍ୟୁଜ୍ ଏଜେନ୍ସି ANI ର ପ୍ରଶ୍ନର ଉତ୍ତରରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ କହିଥିଲେ ଯେ, “ସେ ଭାରତ ସହ ଆଲୋଚନା କରିବା ପାଇଁ ଚାହୁଁଛନ୍ତି କିନ୍ତୁ ଆରଏସଏସ ଆଲୋଚନାରେ ବାଧକ ସାଜିଛି।” ଏହି ବୟାନକୁ ନେଇ ପାକିସ୍ତାନ ପିଏମଙ୍କୁ ଉଚିତ ଜବାବ ଦେଇଛନ୍ତି କଂଗ୍ରେସ ନେତା ଦିଗବିଜୟ ସିଂ ଏବଂ ଶିବସେନା ସାଂସଦ ସଞ୍ଜୟ ରାଉତ।
କଂଗ୍ରେସ ନେତା ଦିଗବିଜୟ ସିଂ କହିଛନ୍ତି ଯେ ଯଦି ଇମ୍ରାନ ଖାନ ଆତଙ୍କବାଦ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ ନକରନ୍ତି ସେ ପର୍ଯ୍ୟନ୍ତ ଦୁଇ ଦେଶ ମଧ୍ୟରେ ଆଲୋଚନା ଆରମ୍ଭ ହୋଇପାରିବ ନାହିଁ। ସଞ୍ଜୟ ରାଉତ ମଧ୍ୟ ଇମ୍ରାନ ଖାନଙ୍କୁ କଡା ଜବାବ ଦେଇ କହିଛନ୍ତି ଯେ, ପାକିସ୍ତାନ ହେଉଛି ତାଲିବାନର ନିର୍ମାତା ଏବଂ ସାରା ବିଶ୍ୱରେ ଆତଙ୍କବାଦ ପାଇଁ ପାକିସ୍ଥାନ ହିଁ ଦାୟୀ।
କଂଗ୍ରେସ ନେତା ତଥା ମଧ୍ୟପ୍ରଦେଶର ପୂର୍ବତନ ସିଏମ ଦିଗବିଜୟ ସିଂ ଶନିବାର କହିଛନ୍ତି ଯେ ମୁମ୍ବାଇ ଆତଙ୍କବାଦୀ ଆକ୍ରମଣ ତଥା ଭାରତ ବିରୋଧରେ ଆତଙ୍କବାଦୀ କାର୍ଯ୍ୟକଳାପରେ ଲିପ୍ତ ଥିବା ସଂଗଠନ ବିରୋଧରେ ପାକିସ୍ତାନର ଇମ୍ରାନ ଖାନ ସରକାର କଠୋର କାର୍ଯ୍ୟାନୁଷ୍ଠାନ ଗ୍ରହଣ ନକଲେ ଦୁଇ ପଡୋଶୀ ଦେଶ ମଧ୍ୟରେ ଆଲୋଚନା ହୋଇପାରିବ ନାହିଁ। କ୍ରମକୁ ପୁନଃ ସ୍ଥାପନ କରିବା ସମ୍ଭବ ନୁହେଁ। ସେ ଆହୁରି ମଧ୍ୟ କହିଛନ୍ତି, “ଯେଉଁମାନେ ମୁମ୍ବାଇ ଆତଙ୍କବାଦୀ ଆକ୍ରମଣ ତଥା ଅନ୍ୟାନ୍ୟ ଆତଙ୍କବାଦୀ କାର୍ଯ୍ୟକଳାପ (ଭାରତ ବିରୁଦ୍ଧରେ) ଅପରାଧ କରିଥିଲେ ସେମାନଙ୍କୁ ଆଶ୍ରୟ ତଥା ଆର୍ଥିକ ସହାୟତା ପ୍ରଦାନରେ ଜଡିତ ଥିବା ହେତୁ ଭାରତ ଏବଂ ପାକିସ୍ତାନ ମଧ୍ୟରେ ଆଲୋଚନା ଆରମ୍ଭ ହେବାରେ ବାଧା ସୃଷ୍ଟି ହୋଇଛି। “
ସେ ହାଫିଜ ସହୀଦ ଏବଂ ମାସୁଦ ଅଜହରଙ୍କ ନାମ ନେଇ କହିଛନ୍ତି ଯେ ଯେଉଁମାନେ ଭାରତ ବିରୋଧୀ ଆତଙ୍କବାଦୀ କାର୍ଯ୍ୟକଳାପକୁ ପ୍ରୋତ୍ସାହିତ କରୁଛନ୍ତି ସେମାନଙ୍କୁ ପାକିସ୍ତାନ ସରକାର ସୁରକ୍ଷା ପ୍ରଦାନ କରୁଛନ୍ତି । ତେଣୁ ଯେପର୍ଯ୍ୟନ୍ତ ଇମ୍ରାନ ଖାନ ସରକାର ଏମାନଙ୍କୁ ସୁରକ୍ଷା ଯୋଗାଇ ଦେଉଥିବେ ଏବଂ ସେମାନଙ୍କ ବିରୋଧରେ କୌଣସି କଠୋର କାର୍ଯ୍ୟାନୁଷ୍ଠାନ ଗ୍ରହଣ ନକରନ୍ତି, ଦୁଇ ପଡୋଶୀ ଦେଶ ମଧ୍ୟରେ କିପରି ଆଲୋଚନା ହେବ ?
ରାଜ୍ୟସଭା ସାଂସଦ ତଥା ଶିବସେନା ନେତା ସଞ୍ଜୟ ରାଉତ କହିଛନ୍ତି ଯେ ତାଲିବାନର ଜନ୍ମସ୍ଥାନ ପାକିସ୍ତାନ ଏବଂ ସାରା ବିଶ୍ୱରେ ଆତଙ୍କବାଦ ପାଇଁ ଦାୟୀ ପାକିସ୍ତାନ ହିଁ ଦାୟୀ । ବର୍ତ୍ତମାନ ଆଫଗାନିସ୍ତାନର ସାମ୍ପ୍ରତିକ ପରିସ୍ଥିତି ପାଇଁ ପାକିସ୍ତାନ ଦାୟୀ ବୋଲି ରାଉତ କହିଛନ୍ତି। ସେ ପ୍ରଶ୍ନ କରିଛନ୍ତି ଯେ , ତାଲିବାନକୁ କିଏ ତିଆରି କଲା ? ପାକିସ୍ତାନ ଦ୍ୱାରା ତାଲିବାନ ସହାୟତାରେ ବ୍ୟାପିଥିବା ଆତଙ୍କବାଦକୁ ଏବେ ସମଗ୍ର ବିଶ୍ୱ ଭୋଗୁଛି । ତେଣୁ ଇମ୍ରାନ ଖାନଙ୍କୁ ବିଶ୍ବାସ କରନ୍ତୁ ନାହିଁ। ରାଉତ ଆହୁରି ମଧ୍ୟ କହିଛନ୍ତି ଯେ , ଆରଏସଏସର ଆଦର୍ଶ କ’ଣ ? ଜାମ୍ମୁ କାଶ୍ମୀର ହେଉଛି ଭାରତର ଏକ ଅଂଶ। ଏହା ହେଉଛି ସମଗ୍ର ଦେଶର ଲୋକଙ୍କ ଭାବନା ।
