ଭୁବନେଶ୍ୱର(ସତ୍ୟପାଠ ବ୍ୟୁରୋ): ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂହ ଚନ୍ନୀ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇପାରନ୍ତି ବୋଲି ଅନୁମାନ କରାଯାଉଛି । ସେପଟେ ପଞ୍ଜାବରେ ଆମ ଆଦମି ପାର୍ଟି ବାଜି ମାରୁଥିବାବେଳେ ଚନ୍ନୀଙ୍କ ଇସ୍ତଫା ଦେବା କଥା ସାମ୍ନାକୁ ଆସିଛି । ଯାହା ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି । ଏନେଇ ସେ ଚଣ୍ଡିଗଡ଼ ସ୍ଥିତ ତାଙ୍କ ବାସଭବନରେ ପହଞ୍ଚିଛନ୍ତି । ସେଠାରୁ ସେ ରାଜଭବନ ଯାଇ ରାଜ୍ୟପାଳ ବନୱାରୀଲାଲ ପୁରୋହିତଙ୍କୁ ଭେଟିବେ । ଏହା ପରେ ବିଧିବଦ୍ଧ ଭାବରେ ସେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବେ ବୋଲି ଜଣା ପଡ଼ିଛି । ସେପଟେ ଚନ୍ନୀଙ୍କ ଦୁଇଟି ବିଧାନସଭା ଆସନରେ ଚନ୍ନୀ ପଛରେ ଅଛନ୍ତି ।
ଚାମକର ସାହିବ ବିଧାନସଭା ଆସନରେ ମଧ୍ୟ ତାଙ୍କ ପ୍ରଦର୍ଶନ ଖରାପ ରହିଛି । ଯାହା ରୂପନଗର ଜିଲ୍ଲାରେ ପଡୁଥିବା ବିଧାନସଭା ଆସନ ଅନୁସୂଚିତ ଜାତି ପାଇଁ ସଂରକ୍ଷିତ କରାଯାଇଛି। ଏଥର ବିଧାନସଭା ନିର୍ବାଚନରେ ପ୍ରତିଯୋଗିତା ମଧ୍ୟ କଠିନ ହୋଇଛି। କିନ୍ତୁ ସେ ବହୁତ ପଛରେ ଅଛନ୍ତି । ବିଧାନସଭା ନିର୍ବାଚନର କିଛି ମାସ ପୂର୍ବରୁ ମୁଖ୍ୟମନ୍ତ୍ରୀ ହୋଇଥିବା ଚରଣଜିତ ସିଂ ଚାନ୍ନି ପୁଣି ଥରେ ଏଠାରୁ କଂଗ୍ରେସ ପ୍ରାର୍ଥୀ ହୋଇଛନ୍ତି। ଅନ୍ୟପଟେ ୨୦୦୭, ୨୦୧୨ ଏବଂ ୨୦୧୭ ରେ ଲଗାତାର ତିନି ଥର ପାଇଁ ଏଠାରୁ ବିଧାୟକ ଭାବେ ନିର୍ବାଚିତ ହୋଇଛନ୍ତି। ଏସବୁ ମଧ୍ୟରେ ସିଏମ ଚାନ୍ନି ସରକାରୀ କାର୍ୟ୍ୟାଳୟରେ ପହଞ୍ଚି ସେ ଇସ୍ତଫା ଦେବାକୁ ଯାଉଛନ୍ତି ବୋଲି ଖବର ସାମ୍ନାକୁ ଆସିଛି । ହେଲେ ଏଥିରେ କେତେ ସତ୍ୟତା ଅଛି ତାହା ଜଣାପଡ଼ି ନାହିଁ ।
