(ସତ୍ୟପାଠ ବ୍ୟୁରୋ)ଭୁବନେଶ୍ୱର: ଦିଲ୍ଲୀ ଦଙ୍ଗା ଅଭିଯୁକ୍ତ ଉମର ଖାଲିଦ ଏବଂ ଖାଲିଦ ସାଇଫିକୁ ନେଇ କୋର୍ଟର ବଡ ବୟାନ । ଦିଲ୍ଲୀ କୋର୍ଟ ଉମର ଖାଲିଦକୁ ହାତକଡି ପକାଇବା ଆବେଦନକୁ ପ୍ରତ୍ୟାଖାନ କରିଛନ୍ତି । ଏହା ସହ ଉମର ଖାଲିଦ ଓ ସାଇଫିଙ୍କୁ ଗିରଫ କରିବା ପାଇଁ ଦିଲ୍ଲୀ ପୁଲିସଙ୍କ ଠାରୁ ସ୍ପଷ୍ଟୀକରଣ ମାଗିଛନ୍ତି । ଅନ୍ୟପଟେ ଅତିରିକ୍ତ ମାମଲାର ଜର୍ଜ ବିନୋଦ ଯାଦବ ଏହି ଆବେଦନକୁ ଖାରଜ କରି ମାମଲାର ତଦନ୍ତ ସହ ଡିସିପିଙ୍କ ରିପୋର୍ଟ ମାଗିଛନ୍ତି । ଏହା ସହ ଜେଲର ସୁପରିଟେଣ୍ଟଙ୍କ ଠାରୁ ମଧ୍ୟ କୋର୍ଟ ରିପୋର୍ଟ ମାଗିଛନ୍ତି । ତେବେ କରକାର୍ଡୋମା କୋର୍ଟରେ ଦାଖଲ ହୋଇଥିବା ଏକ ଆବେଦନରେ ସେହି ଅଦାଲତର ଲକ-ଅଫ ଦାୟିତ୍ୱ ଦାବି କରାଯାଇଥିଲା । ଉଭୟ ଖାଲିଦ ଏବଂ ସାଇଫି ବିପଦପୂର୍ଣ୍ଣ କଏଦୀ ଏବଂ ସେମାନଙ୍କୁ ‘ହ୍ୟାଣ୍ଡକଫ ଏବଂ ପଛ ପଟରୁ ଦୁଇ ହାତରେ ବନ୍ଧା’ ହେବା ଆବଶ୍ୟକ ବୋଲି ଆବେଦନ କରାଯାଇଥିଲା । ଭିଡିଓ କନଫରେନ୍ସିଂ ଜରିଆରେ ଏହି ମାମଲାର ଶୁଣାଣି ଚାଲିଥିବାବେଳେ ଉଚ୍ଚ ବିପଦପୂର୍ଣ୍ଣ କଏଦୀଙ୍କ ଅର୍ଥ ଏବଂ କେଉଁଠାରେ ସମାନ ପରିଭାଷା କରାଯାଇଛି ସେ ସମ୍ପର୍କରେ କୋର୍ଟ ସ୍ୱତନ୍ତ୍ର ପବ୍ଲିକ ପ୍ରସିକ୍ୟୁଟର ମନୋଜ ଚୌଧୁରୀଙ୍କୁ ପ୍ରଶ୍ନ କରିଛନ୍ତି । ଏହାର ଜବାବ ରଖି ଶ୍ରୀ ଚୌଧୁରୀ ଏ ବାବଦରେ କୌଣସି ସୂଚନା ପାଇ ନାହାଁନ୍ତି ବୋଲି କହିଛନ୍ତି । ତେବେ ଦିଲ୍ଲୀର ଉତ୍ତର ପୂର୍ବ ଭାଗରେ ଫେବୃଆରୀ ୨୦୨୦ରେ ଆରମ୍ଭ ହୋଇଥିବା ଦଙ୍ଗା ସହ ଜଡିତ ଦୁଇଟି ମାମଲାରେ ପୂର୍ବତନ ଜେଏନୟୁ ଛାତ୍ର ଖାଲିଦଙ୍କୁ ଅଭିଯୁକ୍ତ ଭାବରେ ନାମିତ କରାଯାଇଥିଲା । ଅନ୍ୟପଟେ ଖଜୁରୀ ଖାସ ପୁଲିସ ଷ୍ଟେସନରେ ପଞ୍ଜୀକୃତ ହୋଇଥିବା ପ୍ରଥମ ଏଫଆଇଆରରେ ଖାଲିଦଙ୍କୁ ବିଭିନ୍ନ ଗୋଷ୍ଠୀ ମଧ୍ୟରେ ଶତ୍ରୁତା ବୃଦ୍ଧି କରିବା ସହିତ ଆଇପିସିର ବିଭିନ୍ନ ବିଭାଗ ଅଧୀନରେ ଅଭିଯୋଗ କରାଯାଇଥିଲା । ତେବେ ଦିଲ୍ଲୀ ପୁଲିସର ସ୍ପେଶାଲ ସେଲ ୱିଙ୍ଗ ଦ୍ୱାରା ଯାଞ୍ଚ କରାଯାଉଥିବା ଦ୍ୱିତୀୟ ମାମଲାରେ ଏହି ଦଙ୍ଗା ଘଟାଇବା ପାଇଁ ଏକ ବଡ ଷଡଯନ୍ତ୍ର ରହିଛି ବୋଲି ସୂଚନା ମିଳିଛି । ବର୍ତ୍ତମାନ ଉଭୟ ଉମର ଖାଲିଦ ଏବଂ ଖାଲିଦ ସାଇଫି ଜେଲରେ ଅଛନ୍ତି ।
