ଭୁବନେଶ୍ୱର(ସତ୍ୟପାଠ ବ୍ୟୁରୋ): ଉତ୍ତରପ୍ରଦେଶ ବିଧାନସଭା ନିର୍ବାଚନରେ ବିଜେପି ବାଜି ମାରିଛି । ସେପଟେ ବିଜେପିକୁ କିଛି ଆସନରେ ସମାଜବଦୀ ପାର୍ଟି କଡ଼ା ଟକ୍କର ଦେଇଥିବାର ଦେଖିବାକୁ ମିଳିଛି । ଏପରିକି ସମାଜବାଦୀ ପାର୍ଟି ଚଳିତଥର ବିଧାନସଭା ନିର୍ବାଚନରେ ୧୧୧ଟି ସିଟି ଜିତିଛି । ହେଲେ ବର୍ତ୍ତମାନ ସମାଜବାଦୀ ପାର୍ଟିରେ ଦଳୀୟ କନ୍ଦଳ ହେଉଥିବାର ଦେଖିବାକୁ ମିଳିଛି । କାହିଁକିନା ଏସପି ନେତା ଆଜାମ ଖାନଙ୍କ ଗଣମାଧ୍ୟମ ଦାୟିତ୍ୱରେ ଥିବା ଅଲି ଖାନ ଏସପି ମୁଖ୍ୟ ଅଖିଳେଶ ଯାଦବଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି । ତେବେ ଏସପି ସଭାପତିଙ୍କୁ ବର୍ତ୍ତମାନ ପୋଷାକରୁ ଦୁର୍ଗନ୍ଧ ବାସ୍ନା ପାଉଛନ୍ତି ବୋଲି କହିଛନ୍ତି । ଏହା ସହ ଅଖିଳେଶ ଯାଦବଙ୍କ ବିରୋଧରେ ସେମାନେ ଏକ ମୋର୍ଚ୍ଚା ଖୋଲିଥିବାର ମଧ୍ୟ ଦେଖିବାକୁ ମିଳିଛି ।
କେବଳ ଏତିକି ନୁହେଁ ବରଂ ଆମେ ଅଖିଳେଶ ଯାଦବ ଏବଂ ତାଙ୍କ ବାପା ମୁଲାୟମ ସିଂହ ଯାଦବଙ୍କୁ ମୁଖ୍ୟମନ୍ତ୍ରୀ କରିଛୁ । ସେମାନେ ଆଜାମ ଖାନଙ୍କୁ ନେତା ପ୍ରତିପକ୍ଷ କରି କୌଣସି ବଡ଼ କାର୍ଯ୍ୟ କରିନାହାନ୍ତି ବୋଲି ଅଲି ଖାନ କହିଛନ୍ତି । ଆମର ଅଭିଯୋଗ ଏସପିଙ୍କ ନିକଟରେ ଅଛି । ଆମର ମୁସଲମାନ ଭୋଟ ଦ୍ୱାରା ଏସପି ୟୁପି ନିର୍ବାଚନରେ ୧୧୧ ଟି ସିଟ୍ ପାଇଛି । କିନ୍ତୁ ଆମର ପୋଷାକରୁ ଦଳର ରାଷ୍ଟ୍ରପତିଙ୍କୁ ଦୁର୍ଗନ୍ଧର ବାସ୍ନା ଯାଉଛି । ଏନେଇ ସେ ଏକ ସୋସିଆଲ ମିଡିଆରେ ପୋଷ୍ଟ କରି କହିଛନ୍ତି, ଯେ ଦରି ଭୀ ଅବଦୁଲ ଲାଏଗା, ଭୋଟ୍ ଭୀ ଅବଦୁଲ ଦେଗା, ଜେଲ ଭୀ ଅବଦୁଲ ଜୟେଗା ବୋଲି କହିଛନ୍ତି । ଏ ଖବର ସାମ୍ନାକୁ ଆସିବା ପରେ ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇ ଉଠିଛି ।
