ଭୁବନେଶ୍ୱର(ସତ୍ୟପାଠ ବ୍ୟୁରୋ): ଉତ୍ତରପ୍ରଦେଶରେ ବିଜେପି ପୁଣିଥରେ କ୍ଷମତାକୁ ଆସିବା ପରେ ବିରୋଧୀ ସମାଜବାଦୀ ପାର୍ଟିରେ ତୀବ୍ର ଅସନ୍ତୋଷ ଦେଖାଦେବାରେ ଲାଗିଛି । ଦଳର ଅନେକ ନେତା ପରସ୍ପରକୁ ନେଇ ବଡ଼ ବୟାନ ଦେବାରେ ଲାଗିଛନ୍ତି । ଏହା ମଧ୍ୟରେ ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ନେଇ ବଡ଼ ବୟାନ ଦେଇଥିବାର ଦେଖିବାକୁ ମିଳିଛି । ତେବେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଜାତିର ପୋଲିସ କର୍ମଚାରୀମାନେ ସାରା ରାଜ୍ୟରେ ପୋଷ୍ଟ ହୋଇଛନ୍ତି। ପୁଲିସମାନଙ୍କ ଉପରେ ରାଜନୈତିକ କାର୍ଯ୍ୟ ପାଇଁ ଅତ୍ୟଧିକ ଚାପ ପଡ଼ୁଛି । ତେଣୁ ଅଧିକାରୀ ଏବଂ ପୋଲିସ କର୍ମଚାରୀ ଆତ୍ମହତ୍ୟା କରୁଛନ୍ତି ବୋଲି କହିଛନ୍ତି । ଏହା ସହ ରାଜ୍ୟରେ ପୁଲିସକୁ ଚାପରେ ରହି କାମ କରିବାକୁ ପଡ଼ୁଛି ବୋଲି ସୂଚନା ମିଳିଛି । ଚାପରେ କାମ କରିବା କାରଣରୁ ପୋଲିସଙ୍କୁ ଆତ୍ମହତ୍ୟା ଭଳି ପଦକ୍ଷେପ ନେବାକୁ ପଡ଼ୁଛି । ଆଜି ସମସ୍ତ ରାଜନୈତିକ କାର୍ୟ୍ୟ ପୋଲିସ ସାହାଯ୍ୟରେ କରାଯାଉଛି । ଏପରିକି ସରକାରଙ୍କୁ ନିର୍ବାଚନରେ ଜିତାଇବା ପାଇଁ ସମ୍ପୂର୍ଣ୍ଣ ଦାୟିତ୍ୱ ପୋଲିସ ଉପରେ ଥିଲା। ଏହାପୂର୍ବରୁ ପଞ୍ଚାୟତ ନିର୍ବାଚନରେ କିଏ ଫର୍ମ ପୂରଣ କରିବ ଏବଂ କିଏ ପୂରଣ କରିବ ନାହିଁ ବୋଲି ପୋଲିସ ନିଷ୍ପତ୍ତି ନେଇଥିଲା ବୋଲି ଅଖିଳେଶ ଯାଦବ କହିଛନ୍ତି ।
ଅନ୍ୟପଟେ ମେଠିର ମହିଳା ଏସଆଇ ରଶ୍ମୀ ଯାଦବଙ୍କ ଆତ୍ମହତ୍ୟା ସମ୍ପର୍କରେ ଅଖିଳେଶ ଯାଦବ ପ୍ରତିକ୍ରିୟା ଦେଇଥିବାର ଦେଖିବାକୁ ମିଳିଛି । ତେବେ ସବ୍-ଇନ୍ସପେକ୍ଟର ରଶ୍ମି ଯାଦବ କଠିନ ପରିଶ୍ରମ କରିବା ଏବଂ ଅଧ୍ୟୟନ କରିବା ପରେ ଚାକିରି ପାଇଥିଲେ। ରଶ୍ମୀ ଯାଦବଙ୍କ ପୋଲିସ ଷ୍ଟେସନ ଉପରେ ରାଜନୈତିକ ଚାପ ରହିଥିଲା। ଯେଉଁ ଜିଲ୍ଲାରେ ରଶ୍ମୀ ଯାଦବଙ୍କ ସହ ଏପରି ଘଟିଥିଲା, ସେହି ଜିଲ୍ଲାର ତଳୁ ଉପର ପର୍ଯ୍ୟନ୍ତ ସମସ୍ତେ ଯୋଗୀ ଆଦିତ୍ୟନାଥଙ୍କ ଜାତିର ଲୋକମାନେ ଥିଲେ । ଅଖିଳେଶ ପ୍ରଶ୍ନ ଉଠାଇଛନ୍ତି ଯେ ମୁଖ୍ୟମନ୍ତ୍ରୀଙ୍କ ଜାତିର ଲୋକମାନେ ଅନ୍ୟାୟ କରୁ ନାହାଁନ୍ତି କି? ଯେଉଁ ଜିଲ୍ଲାରେ ରଶ୍ମୀ ଯାଦବଙ୍କ ସହ ଏହି ଘଟଣା ଘଟିଥିଲା, ସେହି ଜିଲ୍ଲାର ଉପରୁ ତଳ ପର୍ୟ୍ୟନ୍ତ, ପୋଲିସ୍ କ୍ୟାପଟେନ ଠାରୁ ଆରମ୍ଭ କରି ପୋଲିସ୍ ଷ୍ଟେସନ ପର୍ୟ୍ୟନ୍ତ ଅଧିକାରୀମାନେ ମୁଖ୍ୟମନ୍ତ୍ରୀଙ୍କ ଜାତିର ଅଟନ୍ତି। ଅଖିଳେଶ ଆହୁରି ମଧ୍ୟ କହିଛନ୍ତି ଯେ ରଶ୍ମୀ ଯାଦବଙ୍କ ପରିବାର ପାଇଁ ନ୍ୟାୟ ପାଇବା ପାଇଁ କାର୍ୟ୍ୟ କରାଯିବ। ଗୃହରେ ରଶ୍ମୀ ଯାଦବଙ୍କ ଆତ୍ମହତ୍ୟା ପ୍ରସଙ୍ଗ ମଧ୍ୟ ଉଠାଯିବ ବୋଲି ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବ କହିଛନ୍ତି । ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଏନେଇ ଚର୍ଚ୍ଚା ଜୋର ଧରିବାରେ ଲାଗିଛି ।
