![](https://www.satyapatha.com/wp-content/uploads/2022/02/c2-1.jpg)
ଭୁବନେଶ୍ୱର(ସତ୍ୟପାଠ ବ୍ୟୁରୋ): ପଶ୍ଚିମବଙ୍ଗର ରାଜ୍ୟପାଳଙ୍କୁ ତୁରନ୍ତ ତାଙ୍କ ପଦରୁ ହଟାଇବା ପାଇଁ କୋଲିକତା ହାଇକୋର୍ଟରେ ଦାଏର ହେଲା ରୋଚିକା । ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଏହା ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ସେପଟେ ରାଜ୍ୟପାଳଙ୍କ ବିରୋଧରେ ଏହି ରିଟ୍ ପିଟିସନ ରାମ ପ୍ରସାଦ ସରକାର ନାମକ ଜଣେ ଓକିଲ ଦାୟର କରିଥିବାର ସୂଚନା ମିଳିଛି । ଅନ୍ୟପଟେ ପଶ୍ଚିମବଙ୍ଗରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ରାଜ୍ୟପାଳ ଜଗଦୀପ ଧନକଡ଼ଙ୍କ ମଧ୍ୟରେ ତିକ୍ତତା କ୍ରମେ ବୃଦ୍ଧି ପାଇବାରେ ଲାଗିଛି।
ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଜ୍ୟପାଳଙ୍କ ଉପରେ ପୋଲିସ ଅଧିକାରୀଙ୍କୁ ଧମକାଇବା ଅଭିଯୋଗ ଆଣି ଟୁଇଟରରେ ତାଙ୍କୁ ବ୍ଲକ କରି ଦେଇଥିଲେ। ଧନକଡ଼ ଏହାର ଜବାବ ଦେଇଥିଲେ ଓ ମନେ ପକାଇଥିଲେ କି ରାଜ୍ୟର ପ୍ରଶାସନିକ ମାମଲା ଓ ଆଇନ ପ୍ରସ୍ତାବ ସମ୍ବନ୍ଧିତ ସୂଚନା ପ୍ରଦାନ କରିବା ସମ୍ବିଧାନର ଅନୁଚ୍ଛେଦ ୧୬୭ ଅଧିନରେ ମୁଖ୍ୟମନ୍ତ୍ରୀଙ୍କର ସାମ୍ବିଧାନିକ କର୍ତ୍ତବ୍ୟ ଅଟେ। ରାଜ୍ୟରେ କୌଣସି ନା କୌଣସି ପ୍ରସଙ୍ଗକୁ ନେଇ ମୁଖ୍ୟମନ୍ତ୍ରୀ ଏବଂ ରାଜ୍ୟପାଳଙ୍କ ମଧ୍ୟରେ ତୁ ତୁମ ମେଁ ମେଁ ଜାରି ରହିଛି।