ଗତକାଲି (ବୁଧବାର ) ବାୟୁସେନା ବିମାନ MI-17V-5 ର ଘଟିଥିଲା ଦୁର୍ଘଟଣା | ଏହି ଦୁର୍ଘଟଣାରେ ସେନା ମୁଖ୍ୟ ଜେନେରାଲ ବିପିନ ଲକ୍ଷ୍ମଣ ସିଂ ରାୱତ ଙ୍କ ସମେତ ୧୨ ଜଣଙ୍କ ମୃତ୍ୟୁ ହୋଇଛି | ତେବେ ଏହି ଦୁଃଖଦ ଘଟଣାକୁ ନେଇ ବିଧାନସଭା(Odisha Assembly Winter Session)ରେ ଶୋକ ପ୍ରସ୍ତାବ ଆଗତ ହୋଇଛି | ପ୍ରସ୍ତାବ ଆଗତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସ୍ବର୍ଗତ ସେନା ମୁଖ୍ୟ ଜେନେରାଲ ବିପିନ ଲକ୍ଷ୍ମଣ ସିଂ ରାୱତଙ୍କୁ ବିଧାନସଭାରେ ଶ୍ରଦ୍ଧାଞ୍ଜଳି ଦିଆଯାଇଛି ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପରେ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ, କଂଗ୍ରେସ ବିଧାୟକ ଦଳ ନେତା ନରସିଂହ ଏବଂ ମିଶ୍ର ଗୃହରେ ଶୋକବ୍ୟକ୍ତ କରିବା ସହ ସ୍ବର୍ଗତ ଜେନେରାଲ ବିପିନ ରାୱତଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । ସେହିପରି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ଏବଂ କମ୍ୟୁନିଷ୍ଟ ପାର୍ଟିର ଲକ୍ଷ୍ମଣ ମୁଣ୍ଡା ଗୃହରେ ଶୋକ ପ୍ରକାଶ କରିଛନ୍ତି । ଏହା ଦେଶର ଏକ ବଡ କ୍ଷତି ବୋଲି କହିଛନ୍ତି ନରସିଂହ ମିଶ୍ର ।
Odisha Assembly Winter Session: ବାୟୁସେନା ଦୁର୍ଘଟଣା ନେଇ ଗୃହରେ ଶୋକ, 4ଟା ଯାଏଁ ମୁଲତବୀଏହାପରେ ବାଚସ୍ପତି ସୂର୍ଯ୍ୟନାରାୟଣ ପାତ୍ର ଗୃହରେ ଶୋକ ପ୍ରସ୍ତାବ ରଖିଥିଲେ । ବାଚସ୍ପତିଙ୍କ ପ୍ରସ୍ତାବକୁ ସମର୍ଥନ ଜଣାଇ ଗୃହରେ 1 ମିନିଟ ନିରବ ପ୍ରାର୍ଥନା କରାଯାଇଛି । ଅମର ଆତ୍ମାର ସଦଗତି କାମନା କରି ଆଜି ଅପରାହ୍ନ 4ଟା ପର୍ଯ୍ୟନ୍ତ ଗୃହ ମୁଲତବୀ ଘୋଷଣା କରିଛନ୍ତି ବାଚସ୍ପତି ।
