ନୂଆଦିଲ୍ଲୀ: ଆଣ୍ଠୁରେ ଆଘାତ ହେତୁ ଏସିଆ କପ୍ ୨୦୨୨ରୁ ବାଦ ପଡିଥିବା ଭାରତୀୟ ଦଳର ଅଲରାଉଣ୍ଡର ରବିନ୍ଦ୍ର ଜାଦେଜାଙ୍କ ଆଣ୍ଠୁ ସର୍ଜରୀ ସଫଳ ହୋଇଛି । ଏନେଇ ଷ୍ଟାର ଅଲରାଉଣ୍ଡର ମଙ୍ଗଳବାର ତାଙ୍କ ଇନଷ୍ଟାଗ୍ରାମରେ ଆଣ୍ଠୁରେ ଆଘାତ ସମ୍ପର୍କିତ ଏକ ପୋଷ୍ଟ ସେୟାର କରିଥିଲେ, ଯେଉଁଥିରେ ସେ ଏକ ଫଟୋ ସେୟାର କରି କହିଥିଲେ ଯେ ତାଙ୍କ ଆଣ୍ଠୁ ଅସ୍ତ୍ରୋପଚାର ସଫଳ ହୋଇଛି ଏବଂ ସେ ଶୀଘ୍ର ସୁସ୍ଥ ହେବେ।
ପୋଷ୍ଟ ସେୟାର କରି ଜାଦେଜା ଲେଖିଛନ୍ତି, ଅସ୍ତ୍ରୋପଚାର ସଫଳ ହୋଇଛି। ବିସିସିଆଇ, ମୋର ସାଥୀଗଣ, ସହଯୋଗୀ ଷ୍ଟାଫ୍, ଫିଜିଓ, ଡାକ୍ତର ଏବଂ ପ୍ରଶଂସକମାନଙ୍କୁ ଧନ୍ୟବାଦ। ମୁଁ ଶୀଘ୍ର ସୁସ୍ଥ ହେବି ଏବଂ ଯଥାଶୀଘ୍ର କ୍ରିକେଟକୁ ଫେରିବାକୁ ଚେଷ୍ଟା କରିବି। ଆପଣଙ୍କ ଶୁଭେଚ୍ଛା ପାଇଁ ସମସ୍ତଙ୍କୁ ଧନ୍ୟବାଦ।
ରବିନ୍ଦ୍ର ଜାଦେଜାଙ୍କ ଆଣ୍ଠୁରେ ଆଘାତ ଯୋଗୁଁ ଏସିଆ କପ୍ ପାଇଁ ଭାରତକୁ ପ୍ଲେଇଙ୍ଗ ଇଲେଭେନରେ ଅନେକ ପରିବର୍ତ୍ତନ କରିବାକୁ ବାଧ୍ୟ କରିଥିଲା। ଜାଦେଜା ଗତ କିଛି ବର୍ଷ ମଧ୍ୟରେ ଭାରତୀୟ ଦଳ ପାଇଁ ଏକ ପ୍ରମୁଖ ଖେଳାଳି ଭାବରେ ଉଭା ହୋଇଛନ୍ତି। ବ୍ୟାଟିଂ ଏବଂ ବୋଲିଂ ସହିତ ଅନେକ ମ୍ୟାଚ୍ ଜିତିବା ପାଇଁ ସେ ଦଳକୁ ସାହାଯ୍ୟ କରିଛନ୍ତି ।
