ବଲାଙ୍ଗିର ଜିଲ୍ଲାର ବେଲପଡ଼ା ବ୍ଲକ୍ ଅନ୍ତର୍ଗତ ଜୁବା ପ୍ରାଥମିକ କୃଷି ସମବାୟ ସମିତି ଲିମିଟେଡ୍ର ପୂର୍ବତନ ସମ୍ପାଦକ ଚିନ୍ତାମଣି ମଲ୍ଲିକଙ୍କୁ ଭିଜିଲାନ୍ସ ଗିରଫ କରିଛି। ସୋସାଇଟିର ୧୪.୨୨ ଲକ୍ଷ ଟଙ୍କାରୁ ଅଧିକ ପାଣ୍ଠି ଆତ୍ମସାତ୍ ଅଭିଯୋଗରେ ଭିଜିଲାନ୍ସ ତାଙ୍କୁ ଗିରଫ କରିଥିବା ଜଣାପଡ଼ିଛି।
ରାୟଗଡା ଜିଲ୍ଲା ବିଷମକଟକ ବ୍ଲକ ବୁରୁନ୍ଦାବାଡି ନିକଟରେ ବିଷମକଟକ ଥେରୁବାଲି ରେଳ ଧାରଣାରେ ନିକଟରୁ ହାତୀର ମୃତଦେହ ଉଦ୍ଧାର ହୋଇଛି। ଟ୍ରେନ ଇଞ୍ଜିନ ଧକ୍କାରେ ଏହି ଦନ୍ତା ହାତୀର ଶୋଚନୀୟ ମୃତ୍ୟୁ ଘଟିଛି। ଖବର ପାଇ ଆରପିଏଫ ଓ ବନ ବିଭାଗ ଟିମ୍ ଘଟଣାସ୍ଥଳରେ ପହଞ୍ଚିଛି ତଦନ୍ତ ଆରମ୍ଭ କରିଛନ୍ତି।
ନନ୍ଦନକାନନରେ ସୁସ୍ଥ ଅଛନ୍ତି ୫ ଓରାଙ୍ଗଉଟାନ୍ ଶାବକ । ମା’ ସ୍ନେହ ପ୍ରେମରୁ ବଞ୍ଚିତ ଏହି ଶାବକଙ୍କ ସେବାଯତ୍ନରେ ଯେପରି କୌଣସି ଅବହେଳା ନହୁଏ ସେଥି ପ୍ରତି ଯତ୍ନଶୀଳ ଅଛନ୍ତି ନନ୍ଦନକାନନ କର୍ତ୍ତୃପକ୍ଷ ।
ମୟୂରଭଞ୍ଜ ଜିଲ୍ଲା ଓ ବାଲେଶ୍ଵର ଜିଲ୍ଲା ସୀମା ପଣିଶାପଡା ହାଟରେ ଜଙ୍ଗଲୀ ଦନ୍ତାହାତୀ ପଶିଥିବା ଦେଖିବାକୁ ମିଳିଛି। ତେବେ ରାସଗୋବିନ୍ଦପୁର ରେଞ୍ଜ ଅନ୍ତର୍ଗତ ବିଭିନ୍ନ ଅଞ୍ଚଳରେ ହାତୀ ଉପଦ୍ରବ ଜାରି ରହିଛି ।
ଫିଲିପାଇନ୍ସର ପାଲାୱାନ୍ ପ୍ରଦେଶ ନିକଟରେ ଏକ ଫେରିରେ ଭୟଙ୍କର ଅଗ୍ନିକାଣ୍ଡ ଘଟିବା ପରେ ଅତି କମରେ ପାଞ୍ଚ ଜଣଙ୍କର ମୃତ୍ୟୁ ହୋଇଛି ଏବଂ ୮୭ ଜଣ ଏପର୍ଯ୍ୟନ୍ତ ନିଖୋଜ ଅଛନ୍ତି ।
ନଭେମ୍ବରରେ ଆମେରିକାରେ ମଧ୍ୟବର୍ତ୍ତୀକାଳୀନ ନିର୍ବାଚନ ପୂର୍ବରୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକ ମାଷ୍ଟରଷ୍ଟ୍ରୋକ୍ ଖେଳିଛନ୍ତି। ନିଜର ଲୋକପ୍ରିୟତା ହ୍ରାସ ପାଉଥିବାବେଳେ ଭୋଟରମାନଙ୍କୁ ହାତେଇବା ପାଇଁ ଉପହାରର ବଡ଼ ଥୋପ ପକାଇଛନ୍ତି ।
ରାଜଧାନୀ ଦିଲ୍ଲୀ ଏକ ଐତିହାସିକ ବ୍ରିକ୍ସ ଶିଖର ସମ୍ମିଳନୀର ଆୟୋଜନ ପାଇଁ ସମ୍ପୂର୍ଣ୍ଣ ପ୍ରସ୍ତୁତ। ଏହି ଅବସରରେ ସହରର ପ୍ରମୁଖ ରାସ୍ତା ଓ ବ୍ୟସ୍ତବହୁଳ ଅଞ୍ଚଳଗୁଡ଼ିକୁ ଆକର୍ଷକ ପୋଷ୍ଟର, ହୋର୍ଡିଂ ଏବଂ ରଙ୍ଗବେରଙ୍ଗର ଲାଇଟ୍ରେ ସଜ୍ଜିତ କରାଯାଇଛି ।
ଦେଶର ପ୍ରସିଦ୍ଧ ବୈଜ୍ଞାନିକଙ୍କ ମଧ୍ୟରୁ ଜଣେ, ଭାରତ ରତ୍ନ ପୁରସ୍କାରପ୍ରାପ୍ତ ପ୍ରଫେସର ସିଏନଆର ରାଓଙ୍କୁ ଏବେ ତାଙ୍କ ପରିଚୟ ପ୍ରମାଣିତ କରିବା ପାଇଁ ଏକ ଶୁଣାଣିରେ ଉପସ୍ଥିତ ହେବାକୁ କୁହାଯାଇଛି ।
ମଦ ବ୍ୟବସାୟୀ ବିଜୟ ମାଲ୍ୟା ପୁଣି ଥରେ ତାଙ୍କୁ ପଳାତକ ବୋଲି ଆଖ୍ୟା ଦିଆଯିବା ଉପରେ ପ୍ରଶ୍ନ ଉଠାଇଛନ୍ତି।
ଇରାନର ୫ ଅଶୋଧିତ ତୈଳ ଜାହାଜ ଧ୍ବଂସ କରିଛି ଆମେରିକା। ଖାର୍ଗ ଦ୍ବୀପ ନିକଟରେ ଆମେରିକା ଘନ ଘନ ଆକ୍ରମଣ କରିଛି। ମଧ୍ୟପ୍ରାଚ୍ୟରେ ଆମେରିକା ଏବଂ ଇରାନ ମଧ୍ୟରେ ଯୁଦ୍ଧ ପୁଣି ଥରେ ତୀବ୍ର ହେବାରେ ଲାଗିଛି।
ବାଲେଶ୍ବର ଜିଲ୍ଲା ଭୋଗରାଇ ନିକଟ ବିଚିତ୍ରପୁର ଜଙ୍ଗଲରୁ ଉଦ୍ଧାର ହୋଇଥିବା ଓରାଙ୍ଗଉଟାଙ୍ଗ ଘଟଣା ଏବେ ନୂଆ ମୋଡ଼ ନେଇଛି।
ମଧ୍ୟପ୍ରାଚ୍ୟରୁ ଓଡ଼ିଶାକୁ ଅଧିକ ଶିଳ୍ପ ନିବେଶ ଆଣିବା ଲକ୍ଷ୍ୟରେ ଅଭିଯାନ ଆରମ୍ଭ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ।
ପଞ୍ଚାୟତ ସମିତି ବୈଠକ ପୂର୍ବରୁ କଡ଼ା କଟକଣା କରାଯାଇଛି। ପୁଣି ଥରେ କୌଣସି ଅପ୍ରିତିକର ପରିସ୍ଥିତି ଉପୁଜିବା ଆଶଙ୍କାରେ ଲଗାଯାଇଛି ବିଏନଏସ ୧୬୩।
ଏମଏମଡିଆର ଆଇନକୁ ନେଇ ବିଜେଡିର ବିକ୍ଷୋଭବେଳେ ଲୋକଭବନ ଆଗରେ ପୋଲିସ-କର୍ମୀ ମଧ୍ୟରେ ଖଣ୍ଡଯୁଦ୍ଧ ହୋଇଥିବା ଦେଖାଯାଇଛି।
ମିସ ଟିନ୍ ସୁପର ଗ୍ଲୋବ୍ରେ ଚମକିଲେ ଓଡ଼ିଆ ଝିଅ। ସୁଦୂର ଥାଇଲାଣ୍ଡର ବ୍ୟାଙ୍କକଠାରେ ଆୟୋଜିତ ପ୍ରତିଷ୍ଠିତ ‘ମିସ ଟିନ୍ ସୁପର ଗ୍ଲୋବ’ ପ୍ରତିଯୋଗିତାରେ ନିଜର ପ୍ରତିଭା ଦେଖାଇ ଓଡ଼ିଶା ପାଇଁ ଗୌରବ ଆଣିଛନ୍ତି ଖୋର୍ଦ୍ଧାର ଝିଅ ଆୟାନି ଆଲିଶା ଆକାଂକ୍ଷା।
ନୂଆଦିଲ୍ଲୀ ଅଭିମୁଖେ ମୁଖ୍ୟମନ୍ତ୍ରୀ। ପ୍ରଥମେ ନୂଆଦିଲ୍ଲୀ ଯାଇ ସେଠାରୁ ଆବୁଧାବି ଗସ୍ତ କରିବେ ମୁଖ୍ୟମନ୍ତ୍ରୀ। ଆଜିଠୁ ପାଞ୍ଚ ଦିନିଆ ୟୁଏଇ ଗସ୍ତରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ।
ଆରାବଳୀ ପାହାଡ଼ ମାମଲା ନେଇ ଆଜି ସୁପ୍ରିମକୋର୍ଟରେ ଶୁଣାଣି ହୋଇଛି। ନଭେମ୍ବର ୩୦ ସୁଦ୍ଧା ରିପୋର୍ଟ ଦେବାକୁ କମିଟିକୁ ନିର୍ଦ୍ଦେଶ ଦେଲେ ସିଜେଆଇ। ଆରାବଳୀ ପାହାଡ଼ର ସଂଜ୍ଞା ନିରୂପଣ ନେଇ ଗଠିତ ହାଇ ପାୱାର୍ଡ କମିଟି ଉପରେ ଖପ୍ପା ସିଜେଆଇ ସୂର୍ଯ୍ୟକାନ୍ତ । ସମୟସୀମା ବୃଦ୍ଧି ଆବେଦନକୁ ସୁପ୍ରିମକୋର୍ଟଙ୍କ ସିଜେଆଇ ସୂର୍ଯ୍ୟକାନ୍ତ ସିଧାସଳଖ ପ୍ରତ୍ୟାଖ୍ୟାନ କରିବା ସହ ନିରାଶା ପ୍ରକାଶ କରିଛନ୍ତି ।
ଘର ପରିବାର ଛାଡ଼ି ପେଟକୁ ୨ ମୁଠା ଦାନା ପାଇଁ ଦାଦନ ଖଟିବାକୁ ଯାଇଥିବାବେଳେ, ସେତକ ବି ଦଇବ ସହି ପାରିଲା ନାହିଁ। ଜୀବନକୁ ଜିଇଁବା ଆଗରୁ ମାତ୍ର ୧୯ ବର୍ଷ ବୟସରେ ଚିର ଦିନ ପାଇଁ ଶୋଇ ପଡ଼ିଲେ। ପୁଅର ହସ ହସ ମୁହଁ ଭୁଲି ପାରୁ ନଥିବାବେଳେ ମାଆ ଆଖିରୁ ଶୁଖୁନି ଲୁହ। ମାଆ କୋଳ ଶୂନ୍ୟ କରିଦେଇଛି ରାୟଗଡ଼ ବ୍ଲକ ମୁନିସିଂ ଗ୍ରାମର ଚନ୍ଦ୍ର ଗମାଙ୍ଗ।