ଭୁବନେଶ୍ୱର(ସତ୍ୟପାଠ ବ୍ୟୁରୋ): ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବଙ୍କ ବଡ଼ ବୟାନ ସାମ୍ନାକୁ ଆସିଛି । ଏହା ସହ ସେ ସୁଭାସପା ନେତା ଓମ ପ୍ରକାଶ ରାଜଭରଙ୍କୁ କଡ଼ା ଟାର୍ଗେଟ କରିଥିବାର ଦେଖିବାକୁ ମିଳିଛି । ବିଧାନସଭା ନିର୍ବାଚନରେ ପରାଜୟ ପରେ ଓପି ରାଜଭର ଅଖିଳେଶଙ୍କୁ ପରାମର୍ଶ ଦେଉଥିଲେ। ଅତୀତରେ, ଲୋକସଭା ଉପ-ନିର୍ବାଚନରେ ପରାଜୟ ପରେ ମଧ୍ୟ ରାଜଭର ଅଖିଳେଶଙ୍କୁ ପରାମର୍ଶ ଦେଇଥିଲେ। ବର୍ତ୍ତମାନ ଅଖିଳେଶ କହିଛନ୍ତି ଯେ ତାଙ୍କୁ ପରାମର୍ଶର କୌଣସି ଆବଶ୍ୟକତା ନାହିଁ। ସେହିପରି ଆଜମଗଡ ଏବଂ ରାମପୁରରେ ଅଖିଳେଶ ସମାବେଶ ନ କରିବା ପ୍ରଶ୍ନକୁ ନେଇ ସେ କହିଛନ୍ତି ଯେ ମୋର ଆଶା ଥିଲା ଏବଂ ମୋତେ ଭରସା ଦିଆଯାଇଥିଲା ଯେ ମୋର ସେଠାକୁ ଯିବାର କୌଣସି ଆବଶ୍ୟକତା ନାହିଁ।
ସେପଟେ ଏଥି ସହିତ ପରାଜୟର ପ୍ରଶ୍ନ ଉପରେ ସେ ଅଭିଯୋଗ କରିଛନ୍ତି ଯେ ଶାସନ କଳର ଅପବ୍ୟବହାର କରାଯାଇଛି। ଅତୀତରେ ରାଜଭର, ଏସପି ଅଧ୍ୟକ୍ଷ ଅଖିଳେଶ ଯାଦବଙ୍କୁ ଟାର୍ଗେଟ କରି କହିଥିଲେ ଯେ ତାଙ୍କ ପିତା ମୁଲାୟମ ସିଂ ଯାଦବଙ୍କ ଅନୁଗ୍ରହରେ ଅଖିଳେଶ ମୁଖ୍ୟମନ୍ତ୍ରୀ ହୋଇଥିଲେ। ୨୦୧୨ ବିଧାନସଭା ନିର୍ବାଚନ ମୁଲାୟମ ସିଂ ଯାଦବଙ୍କ ରଣନୀତିରେ ହୋଇଥିଲା, ଯାହାଦ୍ୱାରା ଅଖିଳେଶ ମୁଖ୍ୟମନ୍ତ୍ରୀ ମୁକୁଟ ପାଇଥିଲେ ଜ୍ଝ ଅଖିଳେଶଙ୍କ ନେତୃତ୍ୱ ଦକ୍ଷତା ଉପରେ ପ୍ରଶ୍ନ କରି ସେ କହିଥିଲେ ଯେ, ୨୦୧୪, ୨୦୧୭, ୨୦୧୯ ଏବଂ ୨୦୨୨ ମସିହାରେ ଅଖିଳେଶ ଯାଦବଙ୍କ ନେତୃତ୍ୱରେ ହୋଇଥିବା ସମସ୍ତ ଲୋକସଭା ଓ ବିଧାନସଭା ନିର୍ବାଚନରେ ସମାଜବାଦୀ ପାର୍ଟି ପରାସ୍ତ ହୋଇଥିଲା । ଉପ-ନିର୍ବାଚନ ଏବଂ ବିଧାନ ପରିଷଦ ନିର୍ବାଚନରେ ମଧ୍ୟ ସପା ହାରିଛି ଜ୍ଝ ଅଖିଳେଶ ଯାଦବ ନିଜକୁ ଆତ୍ମସମୀକ୍ଷା କରାଇବା ଉଚିତ ଯେ ସେ ଏପର୍ୟ୍ୟନ୍ତ ସେ ଗୋଟିଏ ବି ନିର୍ବାଚନରେ କାହିଁକି ଜିତି ନାହାଁନ୍ତି। ଏ ଖବର ସାମ୍ନାକୁ ଆସିବା ପରେ ସାରା ଦେଶର ରାଜନୈତିକ ମାହୋଲ ବେଶ ଚଳଚଞ୍ଚଳ ହୋଇ ଉଠିଛି ।
