ପୁଣି ଏକ ଜୀବନ ନେଇଛି ଏନଇଇଟି ପେପର ଲିକ୍ର କଳଙ୍କ। ମହାରାଷ୍ଟ୍ରର ଅହଲ୍ୟାନଗର ଜିଲ୍ଲାରେ ଜଣେ ୧୯ ବର୍ଷୀୟ ଛାତ୍ରୀ ଏନଇଇଟି ପୁନଃପରୀକ୍ଷାରେ ଆଶା ଅନୁଯାୟୀ ଭଲ ନମ୍ବର ରଖିପାରି ନ ଥିବାରୁ ନିଜ ଜୀବନ ହାରିଛନ୍ତି। ପୁନଃପରୀକ୍ଷାରେ ସେ ୧୧ ନମ୍ବର କମ୍ ରଖିବା ଯୋଗୁଁ ମେଡ଼ିକାଲ ପଢ଼ିବାରୁ ବଞ୍ଚିତ ହୋଇଥିଲେ।
ବିଧାନସଭା ଓ ଲୋକସଭା ନିର୍ବାଚନ ଲଢ଼ିବା ପାଇଁ ବର୍ତ୍ତମାନର ସର୍ବନିମ୍ନ ବୟସସୀମା ୨୫ ପରିବର୍ତ୍ତେ ୨୧ ବର୍ଷ କରିବାକୁ ତେଲେଙ୍ଗାନା ମୁଖ୍ୟମନ୍ତ୍ରୀ ଏ ରେବନ୍ତ ରେଡ୍ଡୀ ପ୍ରସ୍ତାବ ଦେଇଛନ୍ତି। ହାଇଦ୍ରାବାଦରେ ଜେନ୍-ଜି ଯୁବକମାନଙ୍କ ସମର୍ଥନରେ ଆୟୋଜିତ ଏକ କ୍ୟାଣ୍ଡେଲ୍ ମାର୍ଚ୍ଚରେ ଯୋଗଦେଇ ସେ କହିଛନ୍ତି ଯେ, ଅଗଷ୍ଟ ପ୍ରଥମ ସପ୍ତାହରେ ରାଜ୍ୟ ବିଧାନସଭା ଓ ବିଧାନ ପରିଷଦର ସ୍ବତନ୍ତ୍ର ଅଧିବେଶନ ଡକାଯିବ।
ନିଜ ନିଷ୍ପତ୍ତି ବଦଳାଇଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ଇରାନ ବିରୋଧରେ ବିଶାଳ ସାମରିକ ଆକ୍ରମଣର ଚେତାବନୀ ଦେଇଥିବା ଡୋନାଲ୍ଡ ଟ୍ରମ୍ପ ହଠାତ୍ ନିଜ ନିଷ୍ପତ୍ତି ବଦଳାଇ ଦେଇଛନ୍ତି। ବଡ଼ ଆକ୍ରମଣର ସଙ୍କେତ ଦେଇଥିବା ଟ୍ରମ୍ପ, ନିଜ ଶବ୍ଦ ପରିବର୍ତ୍ତନ କରି ଇରାନ ଉପରେ ଏବେ ଆଉ କୌଣସି ନୂଆ ଆକ୍ରମଣ ନ କରିବାକୁ ନିର୍ଦ୍ଦେଶ ଦେଇଛନ୍ତି।
ଆମେରିକା-ଇରାନ ଯୁଦ୍ଧ ସତ୍ତ୍ବେ ଭାରତୀୟ ସେୟାର ବଜାରରେ ଉତଥାନ ଦେଖିବାକୁ ମିଳିଛି। ଲଗାତାର କିଛି ଦିନର ଦୁର୍ବଳତା ପରେ ସୋମବାର ଭାରତୀୟ ସେୟାର ବଜାର ଜୋରଦାର ପ୍ରତ୍ୟାବର୍ତ୍ତନ କରିଛି।
ଏଣିକି ନେପାଳ ଯିବାକୁ ହେଲେ ଦରକାର ପଡ଼ିପାରେ ବାୟୋମେଟ୍ରିକ୍ ପରିଚୟପତ୍ର। ଏନେଇ ନେପାଳ ପକ୍ଷରୁ ଆସିଛି ଏକ ବଡ଼ ପ୍ରସ୍ତାବ। ଭାରତ ଓ ନେପାଳ ମଧ୍ୟରେ ସୀମା ପାର ଯାତାୟାତକୁ ଆହୁରି ସହଜ କରିବା ପାଇଁ ଏଭଳି ପ୍ରସ୍ତାବ ଦେଇଛି ନେପାଳ।
ଆମେରିକାର ସିଆଟେଲରେ ଆଖିବୁଜା ଗୁଳିମାଡ଼ କରିଛନ୍ତି ଆତତାୟୀ। ସହରର ସବୁଠାରୁ ପ୍ରସିଦ୍ଧ ପର୍ଯ୍ୟଟନ ସ୍ଥଳ, ସ୍ପେସ୍ ନିଡଲ୍ ନିକଟରେ ଆୟୋଜିତ ଏକ ଖାଦ୍ୟ ମହୋତ୍ସବରେ ଅଚାନକ ଗୁଳିକାଣ୍ଡ ଘଟିଛି। ଏହି ଆକ୍ରମଣରେ ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ହୋଇଥିବାବେଳେ ଜଣେ ଦୁଇ ବର୍ଷର ଶିଶୁ ସମେତ ତିନି ଜଣ ମହିଳା ଏବଂ ଜଣେ ୨୩ ବର୍ଷୀୟ ପୁରୁଷ ଆହତ ହୋଇଛନ୍ତି।
କର୍ଣ୍ଣାଟକ ରାଜନୀତିରେ ଏବେ ରାଜନୈତିକ ହଟଚମକ ଦେଖିବାକୁ ମିଳିଛି। ୨୦୨୮ବିଧାନସଭା ନିର୍ବାଚନ ଆଉ ଲଢ଼ିବେ ନାହିଁ ବୋଲି କହିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ଏବଂ ପ୍ରମୁଖ କଂଗ୍ରେସ ନେତା ସିଦ୍ଧରମୈୟା। ସେ ଇନଷ୍ଟାଗ୍ରାମରେ ଏକ ପୋଷ୍ଟରେ ଏହା ଘୋଷଣା କରିଛନ୍ତି। ସେ କହିଛନ୍ତି ମୁଁ ଏବେ ୭୯ ବର୍ଷ ବୟସର। ଆମ ସରକାରର କାର୍ଯ୍ୟକାଳ ଆହୁରି ଦେଢ଼ ବର୍ଷ ବାକି ଅଛି।
ମାଲକାନଗିରି ଜିଲ୍ଲା ଅନ୍ତର୍ଗତ ଜୋଡାମ୍ବୋ ପୁଲିସ ଷ୍ଟେସନ ସୀମା ଜଙ୍ଗଲରୁ ସୁରକ୍ଷାବାହିନୀ ମାଓ ଡମ୍ପ ଠାବ େହାଇଛି। ସେଠାରୁ ୩୨ଟି ଜେଲାଟିନ୍ ଷ୍ଟିକ୍ସ, ୧୧ଟି ଡିଟୋନେଟର୍ସ, ବନ୍ଧୁକ, ୩ କିମି କର୍ଡେକ୍ସ ତାର, ଗୋଟିଏ ଛୋଟ ସୋଲାର୍ ପ୍ୟାନେଲ୍, ଗୋଟିଏ ଫିଲିପ୍ସ ରେଡିଓ, ୨ଟି ଟର୍ଚ୍ଚ, ୧୨-ଭୋଲ୍ଟ ବ୍ୟାଟେରୀ ୨ଟି, ପାଖାପାଖି ୧୫୦ ଗ୍ରାମର ଲୁହା କଣ୍ଟା, ଗୋଟିଏ ଜେଟ୍ ସ୍ପ୍ରେ ପାଇପ୍, ୨୫ ମି ବିଦ୍ୟୁତ୍ ତାର ଜବତ େହାଇଛି।
ଶାଶୁ ଘରୁ ଜଣେ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ଯୌତୁକ ଦାବିରେ ତାଙ୍କୁ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି। ବଲାଙ୍ଗୀର ଜିଲ୍ଲା
ସ୍ତ୍ରୀ ଆଗରେ ସ୍ବାମୀକୁ ନିର୍ମମ ହତ୍ୟା କରାଯାଇଛି। ସାମାନ୍ୟ ଜମିବାଡ଼ି ବିବାଦକୁ କେନ୍ଦ୍ରକରି ସ୍ବାମୀଙ୍କୁ ଗାଁ ଦାଣ୍ଡରେ ପିଟି ପିଟି ହତ୍ୟା କରାଯାଇଥିବା ଜଣାପଡ଼ିଛି। ଏଭଳି ଅଭାବନୀୟ ଘଟଣା କଳାହାଣ୍ଡି ଜିଲ୍ଲା ଜୟପାଟଣା ଥାନା କୁମଜୋର ଗାଁରେ ଦେଖିବାକୁ ମିଳିଛି। ମୃତକ ହେଲେ ୫୦ ବର୍ଷୀୟ ସୁବେ ଶବର ।
ବଲାଙ୍ଗୀର ଜିଲ୍ଲାର ତୁଷୁରା-ଦେଓଗାଁ ରାସ୍ତା ଏବେ ଗଞ୍ଜେଇ କରିଡ଼ର ପାଲଟିଛି। ପ୍ରତିଦିନ ଏହି ରାସ୍ତାରେ କ୍ୱିଣ୍ଟାଲ କ୍ୱିଣ୍ଟାଲ ଗଞ୍ଜେଇ ରାଜ୍ୟ ବାହାରକୁ ଚୋରା ଚାଲାଣ ହେଉଛି ।
ବଣ୍ଡା ଘାଟିରୁ ବ୍ରହ୍ମପୁର ଏମକେସିଜି ଯାତ୍ରା। ଡାକ୍ତରୀ ପରୀକ୍ଷା ନିଟ ପାସ କରି ଇତିହାସ ରଚିଲେ ମାଲକାନଗିରି ବଣ୍ଡା ଘାଟିର ମଙ୍ଗଳା ମୁଦୁଲି। ଦିନଥିଲା ବଣ୍ଡା ଘାଟିରେ ମାଟ୍ରିକ ପାସ କରିବା ବି ବଡ଼ କଥା ଥିଲା, ହେଲେ ଆଜି ଏହି ଅଞ୍ଚଳର ଛାତ୍ର ଡାକ୍ତରୀ ପଢ଼ିବେ। ମଙ୍ଗଳାଙ୍କ ପାଇଁ ବଣ୍ଡା ଘାଟି ଆଜି ଗର୍ବିତ। ବଣ୍ଡା ଜନଜାତିର ୧୯ ବର୍ଷୀୟ ମଙ୍ଗଳା ମୁଦୁଲି ନିଟ୍ ପରୀକ୍ଷାରେ ସଫଳତା ହାସଲ କରିଛନ୍ତି।
୮ ବର୍ଷ ପରେ ପ୍ରଥମ କେନ୍ଦ୍ରମନ୍ତ୍ରୀ ଭାବେ ଇସ୍ତଫା ଦେଇଛନ୍ତି ଧର୍ମେନ୍ଦ୍ର ପ୍ରଧାନ। କେନ୍ଦ୍ର ଶିକ୍ଷାମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦେବା ବିଜେପି ନେତୃତ୍ବାଧୀନ ଏନ୍ଡିଏ ସରକାରରେ ଏକ ବିରଳ ଘଟଣା ସଦୃଶ ହୋଇଛି। ୨୦୧୮ ମସିହାରେ ସେତେବେଳେ କେନ୍ଦ୍ର ବୈଦେଶିକ ରାଷ୍ଟ୍ରମନ୍ତ୍ରୀ ପଦରୁ ଏମ୍ ଜେ ଆକବର ଇସ୍ତଫା ଦେଇଥିଲେ।
କେନ୍ଦ୍ରୀୟ ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ପରେ ସୋନମ ୱାଙ୍ଗଚୁକ ନିଜ ପ୍ରଥମ ପ୍ରତିକ୍ରିୟାରେ ଏହାକୁ ଗଣତନ୍ତ୍ରର ଏକ ବଡ଼ ବିଜୟ ବୋଲି ବର୍ଣ୍ଣନା କରିଛନ୍ତି । ସେ ନିଜର ସୋସିଆଲ୍ ମିଡିଆ ପୋଷ୍ଟରେ ଲେଖିଛନ୍ତି ଯେ, ଏହା କେବଳ ଜଣେ ମନ୍ତ୍ରୀଙ୍କ ଇସ୍ତଫା ନୁହେଁ, ବରଂ ଶାନ୍ତିପୂର୍ଣ୍ଣ ଭାବେ ଆନ୍ଦୋଳନ କରୁଥିବା ଛାତ୍ରଛାତ୍ରୀ ଏବଂ ସାଧାରଣ ଲୋକଙ୍କ ଏକତାର ବିଜୟ ।
କେନ୍ଦ୍ରୀୟ ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ପରେ ଜନ୍ତର-ମନ୍ତରରେ ପ୍ରତିବାଦ କରୁଥିବା କକରୋଚ୍ ଜନତା ପାର୍ଟିର ନେତା ଓ ସମର୍ଥକମାନେ ଏହାକୁ ନିଜ ଆନ୍ଦୋଳନର ବଡ଼ ସଫଳତା ବୋଲି କହି ଉତ୍ସବ ପାଳନ କରିଛନ୍ତି। ଦଳର ନେତା ଅଭିଜିତ ଦୀପକେ ସମର୍ଥକମାନଙ୍କୁ ସମ୍ବୋଧିତ କରି କହିଥିଲେ ଯେ, ଲଗାତାର ସଂଘର୍ଷ ଯୋଗୁଁ ସରକାର ଶେଷରେ ନତମସ୍ତକ ହେବାକୁ ବାଧ୍ୟ ହୋଇଛନ୍ତି।
ପିଲାଙ୍କ ଆଗରେ ମୁଣ୍ଡ ନୁଆଁଇଛନ୍ତି କେନ୍ଦ୍ର ସରକାର। କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ପରେ କକ୍ରୋଚ ଜନତା ପାର୍ଟି (ସିଜେପି) ନେତୃତ୍ବରେ ନୂଆଦିଲ୍ଲୀର ଜନ୍ତରମନ୍ତରଠାରେ ଚାଲିଥିବା ଆନ୍ଦୋଳନରେ ଅଂଶଗ୍ରହଣ କରିଥିବା ଛାତ୍ରମାନଙ୍କ ମଧ୍ୟରେ ଖୁସିର ଲହର ଖେଳିଯାଇଛି। ସିଜେପି ପ୍ରତିଷ୍ଠାତା ଅଭିଜିତ୍ ଦୀପ୍କେ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫାକୁ ଗଣତନ୍ତ୍ରର ବିଜୟ ବୋଲି କହିଛନ୍ତି।
ଶେଷରେ ଛାତ୍ରଛାତ୍ରୀଙ୍କ ବିଜୟ ହୋଇଛି। କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନିଜ ପଦରୁ ଇସ୍ତଫା ଦେଇଛନ୍ତି। ସେ ତାଙ୍କ ଇସ୍ତଫା ପତ୍ର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନିକଟକୁ ପଠାଇ ଦେଇଛନ୍ତି। ନିଟ-ୟୁଜି ପରୀକ୍ଷାରେ ହୋଇଥିବା ଅନିୟମିତତାକୁ ନେଇ ଦେଶବ୍ୟାପୀ ଜାରି ରହିଥିବା ବିବାଦ ଏବଂ ଜନ୍ତର-ମନ୍ତରରେ ଚାଲିଥିବା ଛାତ୍ର ଆନ୍ଦୋଳନ ମଧ୍ୟରେ ସେ ଏହି ନିଷ୍ପତ୍ତି ନେଇଛନ୍ତି ।
ସମ୍ବଲପୁରର ବିଶ୍ୱପ୍ରସିଦ୍ଧ ହୀରାକୁଦ ଜଳଭଣ୍ଡାର ଏବେ ପର୍ଯ୍ୟଟକଙ୍କ ପାଇଁ ଏକ ନୂଆ ଓ ଆକର୍ଷଣୀୟ ରୂପରେ ସଜେଇ ହେବାକୁ ଯାଉଛି l ଏଣିକି କେରଳ କିମ୍ବା କୋଲକାତା ନୁହେଁ, ବରଂ ସମ୍ବଲପୁର ସ୍ଥିତ ହୀରାକୁଦ ଜଳଭଣ୍ଡାରର ନୀଳ ଜଳରାଶି ମଧ୍ୟରେ ପର୍ଯ୍ୟଟକମାନେ ହାଉସବୋଟ୍ର ଭରପୂର ଆନନ୍ଦ ନେଇପାରିବେ l