ଦିନକୁ ଦିନ ବଢ଼ିବାରେ ଲାଗିଛି କୋରାପୁଟ କଫିର ଚାହିଦା। ଏଣିକି ସରକାରୀ କାର୍ଯ୍ୟକ୍ରମ ହେଉ କି ଉପହାର କିଟରେ ମିଳିବ କୋରାପୁଟ କଫି। ସରକାରୀ ବୈଠକରେ ବି କୋରାପୁଟ କଫିର ସ୍ୱାଦ ପାଇବେ। କୋରାପୁଟ କଫିର ଅଧିକ ପ୍ରଚାର ପ୍ରସାର ପାଇଁ ଏମିତି କିଛି ପଦକ୍ଷେପ ନିଆଯାଉଛି। ଓଡ଼ିଶାର ସ୍ୱଦେଶୀ ଉତ୍ପାଦ "କୋରାପୁଟ କଫି'ର ପ୍ରଚାର ଓ ପ୍ରସାର ସହ ଏହାକୁ ଜାତୀୟସ୍ତରରେ ଏକ ସ୍ୱତନ୍ତ୍ର ପରିଚୟ ଦେବା ଦିଗରେ ଲୋକଙ୍କ ସରକାର ପ୍ରତିବଦ୍ଧ।
ବ୍ରହ୍ମପୁର ଏମକେସିଜି ମେଡିକାଲ କଲେଜ ହସ୍ପିଟାଲରେ ଜନ୍ମ ନେଇଛି ଦୁଇଟି ମୁଣ୍ଡ ଥିବା ଶିଶୁ। କନ୍ଧମାଳ ଜିଲ୍ଲାର ଜଣେ ମହିଳା ଏହି ଶିଶୁକୁ ଜନ୍ମ ଦେଇଛନ୍ତି। ଶିଶୁଟିର ଗୋଟିଏ ଶରୀର ଥିବା ବେଳେ ଦୁଇଟି ମୁଣ୍ଡ ରହିଥିବା ଜଣାପଡ଼ିଛି। ଏହି ଘଟଣାକୁ ନେଇ ମେଡିକାଲରେ ଚର୍ଚ୍ଚା ଜୋର ଧରିଛି। ସୂଚନା ଅନୁଯାୟୀ, ଶିଶୁଟି ଜନ୍ମ ହେବା ପରେ ତାକୁ ତୁରନ୍ତ ଡାକ୍ତରୀ ନିରୀକ୍ଷଣରେ ରଖାଯାଇଛି।
ଦେଶରେ ଷ୍ଟାର୍ଟଅପ୍ କ୍ଷେତ୍ରରେ ବଡ଼ ପରିବର୍ତ୍ତନ ଆସିଛି। ୨୦୧୪ ପୂର୍ବରୁ ଭାରତରେ ମାତ୍ର କିଛି ଶହ ଷ୍ଟାର୍ଟଅପ୍ ଥିବାବେଳେ ଏବେ ଏହି ସଂଖ୍ୟା ୨.୫ ଲକ୍ଷ ଟପିଛି। ଏକ କାର୍ଯ୍ୟକ୍ରମରେ ଯୋଗଦେଇ ଏହି ସୂଚନା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ପ୍ରଧାନମନ୍ତ୍ରୀ କହିଛନ୍ତି, ଦେଶର ପ୍ରାୟ ଅଧା ଷ୍ଟାର୍ଟଅପ୍ ଛୋଟ ସହରରୁ ଆସୁଛି। ସେହିପରି ୪୫ ପ୍ରତିଶତ ଷ୍ଟାର୍ଟଅପ୍ରେ ଅତି କମ୍ରେ ଜଣେ ମହିଳା ନିର୍ଦ୍ଦେଶକ କିମ୍ବା ଅଂଶୀଦାର ଅଛନ୍ତି। ଏହାଦ୍ୱାରା ଅଧିକ ଲୋକଙ୍କୁ ନିଜ ପ୍ରତିଭା ଦେଖାଇବା ଓ ନୂଆ ଉଦ୍ୟୋଗ ଆରମ୍ଭ କରିବାର ସୁଯୋଗ ମିଳୁଛି। ମୋଦୀ କହିଛନ୍ତି, ଆଜିର ଯୁଗରେ ଟେକ୍ନୋଲୋଜି, ଡାଟା, ଜ୍ଞାନ ଓ ନବସୃଜନ ସବୁଠାରୁ ବଡ଼ ଶକ୍ତି। କିନ୍ତୁ ଏହି ଶକ୍ତିର ଉପଯୋଗ କିପରି ହେଉଛି, ତାହା ଗୁରୁତ୍ୱପୂର୍ଣ୍ଣ।
କୋକ୍ରୋଚ ଜନତା ପାର୍ଟିକୁ ଲାଗିଛି ବଡ଼ ଝଟକା। ଏଣିକି ରାଜଧାନୀ ନୂଆଦିଲ୍ଲୀର ଜନ୍ତର-ମନ୍ତରରେ ଆଉ କରିପାରିବେନି ବିକ୍ଷୋଭ ପ୍ରଦର୍ଶନ। ପ୍ରତିବାଦ ଉପରେ ଲାଗିଲା କଟକଣା । ଏଣିକି ଦିଲ୍ଲୀର ଅନ୍ୟ ୩ଟି ସ୍ଥାନରେ ପ୍ରତିବାଦ ପାଇଁ ସରକାର ସ୍ଥିର କରିଛନ୍ତି । କେନ୍ଦ୍ର ଗୃହ ମନ୍ତ୍ରାଳୟ ଦ୍ବାରା ଗଠିତ କମିଟିର ସୁପାରିସ ପରେ ଏଭଳି ପଦକ୍ଷେପ ନିଆଯାଇଛି।
ଭିଜିଲାନ୍ସ ପଞ୍ଝାରେ ଧର୍ମଶାଳାର ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ (ଏବିଇଓ) ଜୟଦେବ ଜେନା। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ତାଙ୍କ ଘର, କାର୍ଯ୍ୟାଳୟ ଓ ସମ୍ପର୍କୀୟଙ୍କ ଘର ସମେତ ୭ଟି ସ୍ଥାନରେ ଭିଜିଲାନ୍ସ ଏକକାଳୀନ ଚଢ଼ଉ କରିଛି। ଏହି ଚଢ଼ଉ ସମୟରେ ତାଙ୍କର ଏକାଧିକ ବହୁତଳ କୋଠା ଓ ୧୯ଟି ପ୍ଲଟ୍ ଠାବ ହୋଇଥିବା
ଚାଷୀଙ୍କ ପରିଶ୍ରମ ଯେତେବେଳେ ଯବାନଙ୍କ ଶକ୍ତିରେ ପରିଣତ ହୁଏ, ସେତେବେଳେ ଦେଶର ସୁରକ୍ଷା ଆହୁରି ମଜଭୁତ ହୁଏ। ଏହି ଭାବନାକୁ ଆଧାର କରି ଭାରତୀୟ ସେନା ପାଇଁ ‘ଭାରତ ରାଇସ୍’ ଲଞ୍ଚ କରାଯାଇଛି। ସୋମବାର ନୂଆଦିଲ୍ଲୀରେ ଆୟୋଜିତ ଏକ କାର୍ଯ୍ୟକ୍ରମରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏବଂ ଉପଭୋକ୍ତା ବ୍ୟାପାର, ଖାଦ୍ୟ ଓ ସାର୍ବଜନୀନ ବଣ୍ଟନ ମନ୍ତ୍ରୀ ପ୍ରହ୍ଲାଦ ଯୋଶୀଙ୍କ ଉପସ୍ଥିତିରେ ଏହାର ଶୁଭାରମ୍ଭ ହୋଇଛି।
ଭାରତୀୟ ନୌସେନାର ତୃତୀୟ ଅଗଭୀର ଜଳ ଆଣ୍ଟି-ସବମେରିନ୍ ଯୁଦ୍ଧପୋତ ‘ମାଙ୍ଗରୋଲ୍’କୁ ମୁମ୍ବାଇ ନୌସେନାରେ ସାମିଲ କରାଯାଇଛି। ଏହା ନୌସେନାର ବୁଡ଼ାଜାହାଜ ବିରୋଧୀ ଯୁଦ୍ଧ କ୍ଷମତାକୁ ସୁଦୃଢ଼ କରିବ ବୋଲି ଆଶା କରାଯାଉଛି। ବିଶେଷକରି ଉପକୂଳ ଜଳସୀମାରେ, ଯେଉଁଠାରେ ବଡ଼ ଯୁଦ୍ଧଜାହାଜଗୁଡ଼ିକର କାର୍ଯ୍ୟକାରିତାରେ ସମସ୍ୟା ସୃଷ୍ଟି ହୋଇଥାଏ ସେଠାରେ ଏହା ଉଲ୍ଲେଖନୀୟ କାର୍ଯ୍ୟ ଦକ୍ଷତା ପ୍ରଦର୍ଶନ କରିବ।
ଦେଶର ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କ ପାଇଁ ଅଡୁଆ ବଢ଼ିଲା। ନିର୍ବାଚନ ପ୍ରକ୍ରିୟାରେ ଅନିୟମିତତା, ଭୋଟର ତାଲିକାର ସ୍ୱତନ୍ତ୍ର ସଘନ ସଂଶୋଧନ ବା ଏସ୍ଆଇଆର୍ ଏବଂ ନିର୍ବାଚନ କମିଶନଙ୍କ କାର୍ଯ୍ୟଶୈଳୀକୁ ନେଇ ଉଠିଥିବା ପ୍ରଶ୍ନ ଏବେ ସୁପ୍ରିମକୋର୍ଟରେ ପହଞ୍ଚିଛି। ଜ୍ଞାନେଶ କୁମାରଙ୍କ ବିରୋଧରେ ଦାଖଲ ଆବେଦନଗୁଡ଼ିକର ଶୁଣାଣି ପାଇଁ ସର୍ବୋଚ୍ଚ ନ୍ୟାୟାଳୟ ସମ୍ମତି ପ୍ରକାଶ କରିଛନ୍ତି।
୨୦୨୬ ମସିହାରେ ଅର୍ଥନୀତି କ୍ଷେତ୍ରରେ ୨ ଜଣ ଆମେରିକୀୟ ଅର୍ଥନୀତିଜ୍ଞ ରବର୍ଟ ଇ. ହଲ୍ ଓ ମାଇକେଲ୍ ଉଡଫୋର୍ଡଙ୍କୁ ମିଳିତ ଭାବେ ପ୍ରତିଷ୍ଠିତ ନୋବେଲ ପୁରସ୍କାର ପ୍ରଦାନ ପାଇଁ ଘୋଷଣା କରାଯାଇଛି। ଷ୍ଟକହୋମସ୍ଥିତ ରୟାଲ୍ ସ୍ଵିଡିସ୍ ଏକାଡେମୀ ଅଫ୍ ସାଇନ୍ସେସ୍ ପକ୍ଷରୁ ଏହି ପୁରସ୍କାର ଘୋଷଣା କରାଯାଇଛି ।
ସୁଦାନରେ ଏକ ସୁନା ଖଣି ଉପରେ ହୋଇଥିବା ଏୟାର ଷ୍ଟ୍ରାଇକ୍ରେ ୭୨ ଜଣ ଶ୍ରମିକଙ୍କ ମୃତ୍ୟୁ ଘଟିଛି। ଅନେକ ଗୁରୁତର ଆହତ ହୋଇଛନ୍ତି। ସୁଦାନ ଏବଂ ମିଶର ମଧ୍ୟରେ ଥିବା ବିବାଦୀୟ ସୀମା ନିକଟରେ ଏୟାର ଷ୍ଟ୍ରାଇକ୍ ହୋଇଥିବା କୁହାଯାଉଛି। ଇମରଜେନ୍ସି ଲୟାର୍ସ ନାମକ ଏକ ସଂଗଠନ ପକ୍ଷରୁ ଗଣମାଧ୍ୟମକୁ କୁହାଯାଇଛି, ଏୟାର ଷ୍ଟ୍ରାଇକ୍ ଇଜିପ୍ଟର ବାୟୁସେନା ଦ୍ୱାରା କରାଯାଇଥିଲା। ତେବେ ସଂଗଠନ ନିଜର ଦାବିକୁ ସମର୍ଥନ କରିବା ପାଇଁ କୌଣସି ସ୍ପଷ୍ଟ ପ୍ରମାଣ ପ୍ରଦାନ କରିନାହିଁ।
ନାୟରା ଏନର୍ଜି ପରେ ଆଉ ଏକ ପ୍ରାଇଭେଟ୍ ଫୁଏଲ୍ କମ୍ପାନୀ ତେଲ ଦର ବୃଦ୍ଧି କରିଛି। ରିଲାଏନ୍ସ ଇଣ୍ଡଷ୍ଟ୍ରିଜର ସହଯୋଗୀ ସଂସ୍ଥା 'ଜିଓ-ବିପି' ପେଟ୍ରୋଲ ଦରରେ ୫ ଟଙ୍କା ଏବଂ ଡିଜେଲ ଦରରେ ୩ ଟଙ୍କା ପ୍ରତି ଲିଟର ବୃଦ୍ଧି କରିଛି। ହରିୟାଣାରେ ଜିଓ-ବିପି ଆଉଟଲେଟ୍ଗୁଡ଼ିକରେ ପେଟ୍ରୋଲ ପ୍ରାୟ ୧୦୯.୮୦ ଟଙ୍କା ଏବଂ ଡିଜେଲ ୯୭.୭୫ ଟଙ୍କା ପ୍ରତି ଲିଟର ଦରରେ ବିକ୍ରି ହେଉଛି।
ମୁଖ୍ୟ ବିଚାରପତି ସୂର୍ଯ୍ୟ କାନ୍ତ ସୋମବାର ଦିନ କହିଛନ୍ତି ଯେ, ସେ 'ଇଣ୍ଡିଆ' ମେଣ୍ଟର ସାଂସଦମାନଙ୍କୁ ସେମାନଙ୍କ ସହ ସାକ୍ଷାତ କରି ନପାରିବାର କାରଣ ବୁଝାଇ ଦେଇଥିଲେ। ସେ ଉଲ୍ଲେଖ କରିଛନ୍ତି ଯେ ରବିବାର ସେ ବିରୋଧୀ ଦଳ ପକ୍ଷରୁ ଏକ ଚିଠି ପାଇଥିଲେ ଏବଂ ସେହି ରାତିରେ ହିଁ ତାହାର ଉତ୍ତର ଦେଇ ସାକ୍ଷାତ କରିନପାରିବାର କାରଣଗୁଡ଼ିକ ସମ୍ପର୍କରେ ଜଣାଇଥିଲେ।
ନେପାଳର ଭୟଙ୍କର ବନ୍ୟାରେ ପ୍ରାୟ ୪୦ଟି ଘର, ୬ଟି ସେତୁ ଏବଂ ଜଳବିଦ୍ୟୁତ ପ୍ରକଳ୍ପ ଶିବିର ଭସାଇ ନେଇଛି। ଏବେବି ୧୦ ରୁ ଅଧିକ ଲୋକ ନିଖୋଜ ଅଛନ୍ତି । ୧୫୦ରୁ ଅଧିକ ବିଦେଶୀ ପର୍ଯ୍ୟଟକ ଫସି ରହିଛନ୍ତି । ବଡ଼ କଥା ହେଉଛି ପ୍ରାରମ୍ଭିକ ଏସଏମଏସ ସତର୍କତା ଯୋଗୁଁ ଅନେକ ଜୀବନ ବଞ୍ଚିଯାଇଛି। ନେପାଳର ମନାସଲୁ ଟ୍ରେକିଂ ଅଞ୍ଚଳରେ ରବିବାର ଆକସ୍ମିକ ବନ୍ୟା ଆସିଥିଲା। କିନ୍ତୁ ସତର୍କ ସୂଚନା ପୂର୍ବରୁ ମିଳିଥିବାରୁ ଲୋକମାନେ ଉଚ୍ଚ ସ୍ଥାନକୁ ପଳାଇ ଯାଇଥିଲେ।
ପାକ୍ ବେଲୁଚିସ୍ତାନ ପ୍ରାନ୍ତରେ ଥିବା ଗ୍ୱାଦର ଜିଲ୍ଲାରେ ବେଲୁଚ୍ ଲିବରେସନ୍ ଆର୍ମୀ ବଡ ଧରଣର ଆକ୍ରମଣ କରିଛି। ଏଥିରେ ପାକ୍ ସୈନ୍ୟ ପୋଷ୍ଟ ଏବଂ ଛୋଟ ଜାହାଜକୁ ଟାର୍ଗେଟ୍ କରାଯାଇଛି । ଫଳରେ ୧୩ ଜଣ ପାକ୍ କୋଷ୍ଟ୍ ଗାର୍ଡଙ୍କ ମୃତ୍ୟୁ ହୋଇଥିବା ବିଏଲଏ ଦାବି କରିଛି। ବିଏଲଏର ନୌସେନା ହମ୍ମାଲ ମ୍ୟାରିଟାଇମ୍ ଡିଫେନ୍ସ ଫୋର୍ସ ଏହି ଆକ୍ରମଣ କରିଛି ।
ପୂର୍ବତନ ବିଧାୟକଙ୍କୁ ବିଭତ୍ସ ଭାବେ ହତ୍ୟା କରାଯାଇଛି। ପୁରୁଣା ବିବାଦ କାରଣରୁ ରାଜସ୍ଥାନର ଭରତପୁର ଜିଲ୍ଲାରେ ପୂର୍ବତନ ବିଧାୟକ ଅତର ସିଂହ ଭଡ଼ାନାଙ୍କୁ ଠେଙ୍ଗାରେ ପିଟିପିଟି ହତ୍ୟା କରାଯାଇଛି। ପଥର କ୍ରଶରକୁ ନେଇ ଅତର ସିଂହଙ୍କୁ ହତ୍ୟା କରାଯାଇଥିବା ସୋମବାର ପୋଲିସ ସୂଚନା ଦେଇଛି। ସୂଚନା ଅନୁସାରେ, ଅତର ସିଂହ ଭୋଣ୍ଡା ଗାଁ ନିକଟରେ ଥିବା କ୍ରଶରକୁ ଯାଇଥିଲେ ।
ସାଉଦି ଆରବର ରାଜଧାନୀ ରିୟାଦ୍ ସ୍ଥିତ ବିମାନବନ୍ଦରରେ ହୋଇଥିବା କ୍ଷେପଣାସ୍ତ୍ର ଆକ୍ରମଣରେ ଜଣେ ଭାରତୀୟଙ୍କ ମୃତ୍ୟୁ ଘଟିଛି । ସାଉଦି ନେତୃତ୍ୱାଧୀନ ମେଣ୍ଟ ଏଥିପାଇଁ ୟେମେନର ଇରାନ-ପୃଷ୍ଠପୋଷକତା ପ୍ରାପ୍ତ ହୁଥି ବିଦ୍ରୋହୀମାନଙ୍କୁ ଦାୟୀ କରିଛି। ସାଉଦି ଆରବରେ ଥିବା ଭାରତୀୟ ଦୂତାବାସ ଏହି ଭାରତୀୟ ନାଗରିକଙ୍କ ମୃତ୍ୟୁକୁ ସ୍ପଷ୍ଟ କରିଛି ।
ଦିଲ୍ଲୀରେ ଅଟକ ନେତାଙ୍କୁ ଛାଡ଼, ନଚେତ୍ ଆନ୍ଦୋଳନ ତୀବ୍ରତର ହେବ। ଆସନ୍ତାକାଲି ସୁଦ୍ଧା ନେତାମାନଙ୍କୁ ମୁକ୍ତ କରା ନଗଲେ ଅନଶନ କିମ୍ବା ପଦଯାତ୍ରା ତୀବ୍ରତର କରିବାକୁ ଚେତାବନୀ ଦେଇଛନ୍ତି ପରିବେଶବିତ୍ ସୋନମ୍ ୱାଙ୍ଗଚୁକ୍। ଦେଶରେ ଏବେ ଅଘୋଷିତ ଜରୁରୀକାଳୀନ ପରିସ୍ଥିତି ଚାଲିଥିବା ସେ କହିଛନ୍ତି।
ମିଳିଲାନି ମହାପ୍ରୟାଣ ସେବା। କୁନି ପୁଅର ଶେଷଯାତ୍ରା ପାଇଁ ବନ୍ଧା ପଡ଼ିଲା ରାସନକାର୍ଡ। ନବରଙ୍ଗପୁର ଜିଲ୍ଲା ପାପଡ଼ାହାଣ୍ଡି ବ୍ଲକ୍ ଅଞ୍ଚଳରେ ଘଟିଛି ଅଭାବନୀୟ ଘଟଣା । କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲରେ ନବଜାତ ଶିଶୁପୁତ୍ରର ମୃତ୍ୟୁ ପରେ ମିଳିଲାନି ମହାପ୍ରୟାଣ ସେବା। ପରିବାର ଲୋକେ ବାଧ୍ୟ ହୋଇ ରାସନ କାର୍ଡ ବନ୍ଧକ ରଖି ଘରୋଇ ଆମ୍ବଲାନ୍ସ ଭଡ଼ା କରି ମୃତଦେହକୁ ଆଣିଥିବା ଅଭିଯୋଗ ହୋଇଛି।