ପ୍ରବଳ ବର୍ଷା ଯୋଗୁ କେନ୍ଦୁଝର ଜୁଡିଆ ଘାଟିରେ ଭୂସ୍ଖଳନ ହୋଇଛି । ପାହାଡ଼ରୁ ବଡ଼ ବଡ଼ ପଥର ଓ ମାଟି ଖସି ଜାତୀୟ ରାଜପଥ-୪୯ର ଗୋଟିଏ ପାର୍ଶ୍ୱ ସମ୍ପୂର୍ଣ୍ଣ ଅବରୋଧ ହୋଇଯାଇଛି । କେନ୍ଦୁଝର ସହରରେ ଲଗାଣ ବର୍ଷା ପରେ ଜୁଡିଆ ଘାଟିର ବିଭିନ୍ନ ସ୍ଥାନରେ ପାହାଡ଼ରୁ ପଥର ଖସିଥିଲା । ଫଳରେ ରାଜପଥର ଗୋଟିଏ ପାର୍ଶ୍ୱରେ ଯାତାୟାତ ବାଧାପ୍ରାପ୍ତ ହୋଇଛି ।
ଏହାରି ମଧ୍ୟରେ ପଶ୍ଚିମ ସିକ୍କିମରେ ଭୟଙ୍କର ଭୂସ୍ଖଳନ ଘଟିଛି। ଗ୍ୟାଲସିଂ ଜିଲ୍ଲାର ୟୁକସମ୍ ସବ୍ ଡିଭିଜନ୍ ରିମ୍ବି ଓ ସିଙ୍ଗଲିତମ ଅଞ୍ଚଳରେ ଏହି ଭୂସ୍ଖଳନ ହୋଇଛି I ପାହାଡ଼ରୁ ମାଟି ଓ ପଥର ଲଗାତାର ତଳକୁ ଖସୁଥିବାରୁ ଜନବସତି ସହ ଚାଷଜମି ପ୍ରତି ବିପଦ ବଢ଼ିଛି I ଗତ ଶୁକ୍ରବାର ରାତିରୁ ଭୂସ୍ଖଳନ ଆରମ୍ଭ ହୋଇଥିବା ବେଳେ ଏହାପରେ ମଧ୍ୟ ପାହାଡ଼ ଓ ମାଟିର ଗତି ଜାରି ରହିଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ଆତଙ୍କ ବଢ଼ିଛି।
ଲଗାଣ ବର୍ଷା ଯୋଗୁଁ ସମ୍ବଲପୁର କୁଚିଣ୍ଡାରେ ଭୟଙ୍କର ସ୍ଥିତି ଉପୁଜିଛି। ସାରା ରାତି ଲାଗି ରହିଥିବା ପ୍ରବଳ ବର୍ଷା ଯୋଗୁଁ ପାହାଡ଼ରୁ ହଠାତ୍ ପ୍ରବଳ ବେଗରେ ଝରଣା ପାଣି ତଳକୁ ଆସିଛି । ଫଳରେ କୁଚିଣ୍ଡା ଚକ୍ରଧର ଶିବ ମନ୍ଦିର ପରିସରରେ ପାଣି ପଶିବା ସହ ମନ୍ଦିରର ଅଧା ଅଂଶ ପାଣିରେ ବୁଡ଼ିଯାଇଛି। ହଠାତ୍ ପାଣିର ସ୍ରୋତ ବଢ଼ିଯିବାରୁ ମନ୍ଦିର ଭିତରେ ପୂଜକ ଓ ଅନ୍ୟ କର୍ମଚାରୀ ଫସି ରହିଥିଲେ।
ପ୍ରଥମେ ପ୍ରେମ, ପରେ ପ୍ରତାରଣା। ପ୍ରତାରଣାକୁ ସହ୍ୟ କରି ନ ପାରି ପ୍ରେମିକର ଘର ଆଗରେ ପ୍ରେମିକା ଆତ୍ମହତ୍ୟା ଉଦ୍ୟମ କରିଥିବା ଜଣାପଡ଼ିଛି। ନିଜ ଦେହରେ କିରୋସିନ ଢାଳି ଜୀବନ ହାରିବାକୁ ଚେଷ୍ଟା କରିଛି ସମ୍ପୃକ୍ତ ଯୁବତୀ। ୩ ବର୍ଷର ପ୍ରେମ ପରେ ମିଳିଛି ପ୍ରତାରଣା। ଏହି ଘଟଣା ରାଉରକେଲାର ଝିରପାଣି ଥାନା ଅଞ୍ଚଳରେ ଭାଟ୍ଟାପଡ଼ା ବସ୍ତିରେ ଘଟିଛି। ପ୍ରେମିକର ପ୍ରତାରଣାକୁ ସହ୍ୟ କରି ନପାରି ନିଜ ଦେହରେ କିରୋସିନ ଢାଳି ଜୀବନ ହାରିବାକୁ ଉଦ୍ୟମ କରିଛନ୍ତି ଯୁବତୀ।
ବର୍ଷା ହେଲେ ବାହ୍ୟଜଗତରୁ ବିଚ୍ଛିନ୍ନ ହେଉଛି ଗାଁ। ଜରୁରୀ ଅବସ୍ଥାରେ ବି ଲୋକେ ବାହାରକୁ ବାହାରି ପାରୁ ନାହାନ୍ତି। ଆମ୍ବୁଲାନ୍ସ ଆସିଲେ ବି ଗାଁ ଭିତରକୁ ଯାଇ ପାରୁନି। ଏଭଳି ଦୁର୍ଦିନରେ ଦିନ ବିତାଉଛନ୍ତି ଦୁର୍ଗମ ଅଞ୍ଚଳବାସୀ। ଦେବଗଡ଼ ଜିଲ୍ଲାରେ ଲଗାଣ ବର୍ଷା ଲାଗି ରହିଥିବାବେଳେ ବାରକୋଟ ବ୍ଲକ କାଳିଆପାଳ ଗ୍ରାମକୁ ବିଚ୍ଛିନ୍ନ ହୋଇଛି ଯୋଗାଯୋଗ। ନାଳରେ ବନ୍ୟା ପାଣି ପ୍ରବାହିତ ହେଉଥିବାରୁ ଆଗକୁ ଯାଇ ପାରିଲାନି ଆମ୍ବୁଲାନ୍ସ। ଗର୍ଭବତୀ ମହିଳାଙ୍କୁ ବୋହି ନାଳ ପାର କଲେ ଆଶା ଦିଦି ଓ ପରିବାର।
ଉତ୍ତର ଓଡ଼ିଶାରେ ପ୍ରବଳ ବର୍ଷା ହୋଇଥିବାବେଳେ ପାଣିପାଗ ବିଭାଗ ପକ୍ଷରୁ ସତର୍କ କରାଯାଇଛି। ଲଘୁଚାପ ପ୍ରଭାବରେ ଆଜି ଉତ୍ତର ଓଡ଼ିଶାର ୪ ଜିଲ୍ଲାରେ ଭୀଷଣ ବର୍ଷା ହୋଇଛି । ମୟୁରଭଞ୍ଜ, କେନ୍ଦୁଝର, ବାଲେଶ୍ବର ଓ ଭଦ୍ରକ ଜିଲ୍ଲାକୁ ରେଡ୍ ଆଲର୍ଟ ଜାରି ହୋଇଛି । ସେହିପରି ସୁନ୍ଦରଗଡ଼, ଝାରସୁଗୁଡ଼ା, ସମ୍ବଲପୁର, ଦେଓଗଡ଼, ଅନୁଗୋଳ, ଢେଙ୍କାନାଳ, ଯାଜପୁର, କଟକ, ଖୋର୍ଦ୍ଧା, ଜଗତସିଂହପୁର ଓ କେନ୍ଦ୍ରାପଡ଼ା ଜିଲ୍ଲାକୁ ଅରେଞ୍ଜ ଆଲର୍ଟ ଜାରି ହୋଇଛି ।
ଅଚାନକ ମାଡ଼ି ଆସିଲା ବନ୍ୟା ପାଣି । ଗାଈ ଚରାଇବାକୁ ଯାଇ ନଦୀ ମଝିରେ ଫସିଗଲେ ଆଦିବାସୀ ମହିଳା । ଦୀର୍ଘ ଦୁଇ ଘଣ୍ଟାର ଅପରେସନ ପରେ ମହିଳାଙ୍କୁ ଉଦ୍ଧାର କରିଛି ଦମକଳ ବାହିନୀ । ଅନୁଗୁଳ ଜିଲ୍ଲା ପାଲଲହଡ଼ା ବ୍ଲକ ପେଚାମୁଣ୍ଡି ପଞ୍ଚାୟତ ଶିମିଳିପାଳ ଗାଁ ନିକଟ ମାଙ୍କଡ଼ା ନଦୀ ପାଖରେ ପ୍ରାୟ ୫୦ଟି ଗାଈ ଚରାଉଥିଲେ ଆଦିବାସୀ ମହିଳା ପାର୍ବତୀ ମୁଣ୍ଡା
ନିଜ ବାଇକରେ ଗ୍ରାମକୁ ଯିବା ସମୟରେ କେଶର୍ମାଲ ଗ୍ରାମ ନିକଟରେ ନଦୀର ଜଳ ସ୍ରୋତରେ ଭାସିଯାଇ ନିଖୋଜ ହୋଇଯାଇଛନ୍ତି ଅବସର ପ୍ରାପ୍ତ ବୀର ଯବାନ l ଘଟଣାରୁ ପ୍ରକାଶ ଯେ, କେଶରାମାଳ ପଞ୍ଚାୟତର ଗରିଆମାଳ ଗ୍ରାମର ଅବସର ପ୍ରାପ୍ତ ବୀର ଯବାନ ସୁନୀଲ ତିଗା(୪୬)ଅବସର ଗ୍ରହଣ କରିବା ପରେ ନିକଟସ୍ଥ ବିଭିନ୍ନ ଗ୍ରାମାଞ୍ଚଳରେ ହକି ଖେଳିବା ପ୍ରଶିକ୍ଷଣ ଦେବା ସହ ସାମାଜିକ କାର୍ଯ୍ୟକ୍ରମ କରି ଆସୁଥିଲେ l
ସ୍ୱାଧୀନତା ଦିବସ ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ରାଜ୍ୟବାସୀଙ୍କ ପାଇଁ ଅନେକ ବଡ଼ ଘୋଷଣା କରିଛନ୍ତି । ବିଶେଷକରି ଯୁବବର୍ଗ, ଚାକିରି ଆଶାୟୀ, ଛାତ୍ରଛାତ୍ରୀ ଓ ପେନସନ୍ଧାରୀଙ୍କୁ ନେଇ ସରକାର ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଘୋଷଣା କରିଛନ୍ତି ।
ସ୍ୱାଧୀନତା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲାଲକିଲ୍ଲାରୁ ଦେଶକୁ ସମ୍ବୋଧିତ କରି କହିଛନ୍ତି, ୧ କୋଟି ଯୁବବର୍ଗଙ୍କୁ ଦିଆଯିବ ଏଆଇ ଦକ୍ଷତା ତାଲିମ । ଏହାସହ ସେ କହିଛନ୍ତି, ଗତ ୧୨ ବର୍ଷ ମଧ୍ୟରେ ପ୍ରତିରକ୍ଷା ଉତ୍ପାଦନ ପ୍ରାୟ ଚାରି ଗୁଣା ହୋଇଥିବାବେଳେ, ଖଦି ଏବଂ ଗ୍ରାମୋଦ୍ୟୋଗ ଉତ୍ପାଦନ ପ୍ରାୟ ପାଞ୍ଚ ଗୁଣା ହୋଇଛି।
ଲଗାଣ ବର୍ଷା ଯୋଗୁଁ ରାଜ୍ୟର ବିଭିନ୍ନ ନଦୀରେ ଜଳ ସ୍ତର ବୃଦ୍ଧି ପାଇଛି। ଏନେଇ ଲଗାତାର ମନିଟରିଂ କରାଯାଉଥିବାବେଳେ ରାଜ୍ୟରେ ଏବେ ବନ୍ୟା ପରିସ୍ଥିତି ନାହିଁ ବୋଲି କହିଛନ୍ତି ଜଳ ସମ୍ପଦ ବିଭାଗ ସର୍ବୋଚ୍ଚ ଯନ୍ତ୍ରୀ। ରାଜ୍ୟରେ ବର୍ତ୍ତମାନ କୌଣସି ବନ୍ୟା ପରିସ୍ଥିତି ନାହିଁ ବୋଲି ଜଳ ସମ୍ପଦ ବିଭାଗର ସର୍ବୋଚ୍ଚ ଯନ୍ତ୍ରୀ ସ୍ପଷ୍ଟ କରିଛନ୍ତି ।
ଏଗ୍ରି-ଷ୍ଟାକ୍ ପଞ୍ଜୀକରଣ ନେଇ ଚିନ୍ତାରେ ଚାଷୀ। ଏହାକୁ ନେଇ ଚାଷୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିବାବେଳେ ଏକ ବଡ଼ ଆଶ୍ୱସ୍ତିକର ଖବର ଆସିଛି। ଧାନକିଣା ପଞ୍ଜୀକରଣକୁ ନେଇ ଚାଷୀଙ୍କ ମଧ୍ୟରେ ଲାଗି ରହିଥିବା ଦ୍ୱନ୍ଦ୍ୱକୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଦୂର କରିଛନ୍ତି । ସେ ସ୍ପଷ୍ଟ ଭାବେ କହିଛନ୍ତି ଯେ ଏଗ୍ରି-ଷ୍ଟାକ୍ ପଞ୍ଜୀକରଣ ସହିତ ଧାନକିଣା ପାଇଁ ଆବଶ୍ୟକ ହେଉଥିବା ପି-ପାସ୍ ପଞ୍ଜୀକରଣର କୌଣସି ସମ୍ପର୍କ ନାହିଁ ।
ସ୍କୁଲରେ ସ୍ୱାଧୀନତା ଦିବସ ପାଳନ ବେଳେ ୬ ଜଣ ଛାତ୍ରୀ ହଠାତ୍ ଅସୁସ୍ଥ ହୋଇପଡ଼ିଥିଲେ। ଅଭିଭାବକମାନେ ସେମାନଙ୍କୁ ଡାକ୍ତରଖାନା ନେବା ବଦଳରେ ନିକଟସ୍ଥ ମହାମାୟୀ ମଣ୍ଡପରେ ପୂଜାର୍ଚ୍ଚନା କରିଥିବା ଜଣାପଡ଼ିଛି।
ରାଷ୍ଟ୍ରପତି ଦ୍ରୌପଦୀ ମୁର୍ମୁ ୭୮ଜଣଙ୍କୁ ବୀରତ୍ୱ ପୁରସ୍କାର ପ୍ରଦାନ ପାଇଁ ଅନୁମୋଦନ କରିଛନ୍ତି । ପ୍ରତିରକ୍ଷା ବାହିନୀ ଏବଂ କେନ୍ଦ୍ରୀୟ ସଶସ୍ତ୍ର ପୁଲିସ ବାହିନୀର କର୍ମଚାରୀମାନଙ୍କ ପାଇଁ ୭୮ଟି ବୀରତ୍ୱ ପୁରସ୍କାର ଅନୁମୋଦନ କରିଛନ୍ତି । ଏହି ୭୮ ସାହସିକତା ପୁରସ୍କାର ମଧ୍ୟରୁ ୧୩ ଜଣଙ୍କୁ ମରଣୋତ୍ତର ସମ୍ମାନ ରହିଛି।
ପୁରୀ ସ୍ବର୍ଗଦ୍ବାରରେ ଶବ ଦାହ ପାଇଁ କାଠ ନିଅଣ୍ଟ ପଡ଼ୁଛି । ଝାଉଁ ସହ ମିଶାଯାଉଛି ଅନ୍ୟ କାଠ। ଫଳରେ ଶବଦାହରେ ବିଳମ୍ବ ସହ ବଢୁଛି ଧୂଆଁ ଓ ପ୍ରଦୂଷଣ। ସମସ୍ୟାର ସ୍ଥାୟୀ ସମାଧାନ ପାଇଁ ଦୁଇଟି ଉଡ୍-ବେସଡ ଚୁଲା ନିର୍ମାଣ ପାଇଁ ପ୍ରଶାସନ ଯୋଜନା କରିଥିବାବେଳେ ପରମ୍ପରା ଓ ଧାର୍ମିକ ଭାବନାକୁ ନେଇ ଉଠିଛି ପ୍ରଶ୍ନ।
ଭୁବନେଶ୍ୱର (ସତ୍ୟପାଠ ବ୍ୟୁରୋ): ନିକଟରେ ସଂସଦରେ ବିନା ବିତର୍କରେ ପାରିତ ହୋଇଥିବା ଖଣି ଓ ଖଣିଜ ଦ୍ର…
ସ୍ୱାଧୀନତାର ପ୍ରକୃତ ଅର୍ଥ କେବଳ ବିଦେଶୀ ଶାସନରୁ ମୁକ୍ତି ନୁହେଁ, ବରଂ ପ୍ରତ୍ୟେକ ନାଗରିକ ନିଜର ସାମର୍ଥ୍ୟ ଓ ଆକାଂକ୍ଷା ପୂରଣ କରିବା ପାଇଁ ସମାନ ସୁଯୋଗ ପାଇବା ବୋଲି ରାଷ୍ଟ୍ରପତି ଦ୍ରୌପଦୀ ମୁର୍ମୁ କହିଛନ୍ତି । ସ୍ୱାଧୀନତା ଦିବସ ନେଇ ଦେଶବାସୀଙ୍କୁ ଶୁଭେଚ୍ଛା ଜଣାଇ ସେ ରାଷ୍ଟ୍ର ଉଦ୍ଦେଶ୍ୟରେ ବାର୍ତ୍ତା ଦେଇଛନ୍ତି ।
