ବଦଳିଲେ ରେଭେନ୍ସା ଚିଫ୍ ୱାର୍ଡେନ୍ । କଟକ ରେଭେନ୍ସା ବିଶ୍ୱବିଦ୍ୟାଳୟ ହଷ୍ଟେଲ ବିବାଦକୁ ନେଇ ଚର୍ଚ୍ଚା ଲାଗି ରହିଥିବା ବେଳେ, ସାମ୍ନାକୁ ଆସିଛି ବଡ଼ ନିଷ୍ପତ୍ତି। ରେଭେନ୍ସା ହଷ୍ଟେଲ୍ ଚିଫ୍ ଓ୍ୱାର୍ଡେନଙ୍କ ବଦଳି ହୋଇଛି । ସୁଦର୍ଶନ ମିଶ୍ରଙ୍କ ସ୍ଥାନରେ ପୂର୍ଣ୍ଣେନ୍ଦୁ ପାଢ଼ୀ ହୋଇଛନ୍ତି ନୂଆ ଚିଫ୍ ଓ୍ୱାର୍ଡେନ। ୨ ଜଣ ଡେପୁଟି ଚିଫ୍ ଓ୍ୱାର୍ଡେନଙ୍କୁ ମଧ୍ୟ ବଦଳି କରାଯାଇଛି । ଦୀପ୍ତି ରାଉତ ଓ ଦ୍ୱିତୀକୃଷ୍ଣ ବେହେରା ହେଲେ ନୂଆ ଡେପୁଟି ଚିଫ୍ ଓ୍ୱାର୍ଡେନ ।
କଟକ ଚୌଧୁରୀ ବଜାର ଛକ ନିକଟ ଏକ ଦୋକାନରେ ଭୟଙ୍କର ଅଗ୍ନିକାଣ୍ଡ ହୋଇଛି । ବିଭିନ୍ନ ପ୍ରକାର କପଡ଼ା ଓ ବ୍ୟାଗ୍ ସାମଗ୍ରୀ ଦୋକାନରେ ନିଆଁ ଲାଗିଯାଇଛି । ସର୍ଟ ସର୍କିଟ ଯୋଗୁଁ ଅଗ୍ନିକାଣ୍ଡ ଘଟିଥିବା ପ୍ରାଥମିକ ସୂତ୍ରରୁ ଜଣାପଡ଼ିଛି ।
ଓଡ଼ିଶାର ପରବର୍ତ୍ତୀ ପୁଲିସ ମହାନିର୍ଦ୍ଦେଶକ (ଡିଜିପି) ନିଯୁକ୍ତିକୁ ନେଇ ଚାଲିଥିବା ବିବାଦ ଏବେ ସୁପ…
ଲାଞ୍ଚ ନେବାବେଳେ ଧରା ପଡ଼ିଲେ ଜିଲ୍ଲା କୃଷି ଅଧିକାରୀ। ୧୫ ହଜାର ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ ଜାଲରେ ପଡ଼ିଛନ୍ତି ବ୍ରହ୍ମପୁରର ମୁଖ୍ୟ ଜିଲ୍ଲା କୃଷି ଅଧିକାରୀ। ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନାରେ ମିଶ୍ରିତ କୃଷି ପ୍ରଣାଳୀ ଅଧୀନରେ ଥିବା ଫାଇଲ୍ ପ୍ରୋସେସ୍ କରିବା ପାଇଁ ଲାଞ୍ଚ ନେବା ବେଳେ ଧରାପଡ଼ିଛନ୍ତି ବ୍ରହ୍ମପୁର ମୁଖ୍ୟ ଜିଲ୍ଲା କୃଷି ଅଧିକାରୀ ବ୍ୟୋମକେଶ ମିଶ୍ର।
ପୁଣି ଥରେ ବୃଦ୍ଧି ପାଇଛି ଛେନା ଓ ପନିରର ମୂଲ୍ୟ। ଓମଫେଡ କ୍ଷୀରର ଦର ବୃଦ୍ଧି ଏବଂ ଗୋ-ଖାଦ୍ୟ ଦର ବଢ଼ିବାର ପ୍ରଭାବ ଏବେ ଛେନା ଓ ପନିର ଉପରେ ପଡ଼ିଛି। ଏହି ଦୁଗ୍ଧଜାତ ଦ୍ରବ୍ୟର ମୂଲ୍ୟ ପୁଣି ଥରେ ବୃଦ୍ଧି କରିବାକୁ ରାଜଧାନୀ ଦୁଗ୍ଧଜାତ ବ୍ୟବସାୟୀ ସୁରକ୍ଷା ଟ୍ରଷ୍ଟ ପକ୍ଷରୁ ନିଷ୍ପତ୍ତି ନିଆଯାଇଛି। ସଂଘ ପକ୍ଷରୁ ଜାରି ପ୍ରେସ ଇସ୍ତାହାର ଅନୁସାରେ, ପରିବର୍ତ୍ତିତ ଦର୧୫ ଅଗଷ୍ଟ ୨୦୨୬ରୁ ଲାଗୁହେବ।
ଓଡ଼ିଶାକୁ ଖୁବଶୀଘ୍ର ମିଳିବ ନୂଆ ପୁଲିସ ଡିଜି। ଏ ନେଇ ଚୟନ ଚାଲିଥିବାବେଳେ ନେଇ ଉତ୍କଣ୍ଠା ବଢ଼ିଛି । ଡିଜିପି ଚୟନ ପ୍ରକ୍ରିୟାକୁ ନେଇ ବିବାଦ ଓ ସୁପ୍ରିମକୋର୍ଟରେ ଦାୟର ଜନସ୍ୱାର୍ଥ ମାମଲା ମଧ୍ୟରେ ଆସନ୍ତାକାଲି ୟୁପିଏସ୍ସି ଚୟନ କମିଟିର ବୈଠକ ବସିବ । ରାଜ୍ୟ ସରକାର ପଠାଇଥିବା ତାଲିକାରୁ ୩ ଜଣ ବରିଷ୍ଠ ଆଇପିଏସ ଅଧିକାରୀଙ୍କ ନାଁ ଚୂଡ଼ାନ୍ତ କରାଯାଇ ସରକାରଙ୍କୁ ପଠାଯିବ ।
ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ରାଜ୍ୟ କ୍ୟାବିନେଟ ବୈଠକ ବୁଧବାର ଅନୁଷ୍ଠିତ ହୋଇଥିଲା । ଏଥିରେ ୬ ବିଭାଗର ୧୦ ପ୍ରସ୍ତାବକୁ କ୍ୟାବିନେଟ ମଞ୍ଜୁରୀ ମିଳିଛି। ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତି ବିଦ୍ୟା ବିଭାଗର ୨ଟି, ଶକ୍ତି ବିଭାଗର ୨ଟି, ଜଳ ସଂପଦ ବିଭାଗର ୨ଟି, ମହିଳା ଓ ଶିଶୁ ବିକାଶ ବିଭାଗର ୨ଟି, କୃଷି ଓ କୃଷକ ସଶକ୍ତିକରଣ ବିଭାଗର ଗୋଟିଏ ଏବଂ ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗର ଗୋଟିଏ ପ୍ରସ୍ତାବ କ୍ୟାବିନେଟରେ ମଞ୍ଜୁରୀ ମିଳିଛି। ବୈଠକ ପରେ ମୁଖ୍ୟ ଶାସନ ସଚିବ ଅନୁ ଗର୍ଗ ଏ ନେଇ ସୂଚନା ଦେଇଛନ୍ତି।
ରାସ୍ତାକଡ଼ରେ ଛିଡ଼ା ହୋଇଥିବା ଏକ କାର ଭିତରୁ ଯୁବତୀଙ୍କୁ ଟାଣି ନେଇ ଗଣ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି। ଏଥିସହ ତାଙ୍କ ପୁରୁଷ ବନ୍ଧୁଙ୍କୁ ମଧ୍ୟ ଦୁର୍ବୃତ୍ତମାନେ ମାଡ଼ ମାରିଥିବା ସୂଚନା ମିଳିଛି। ଘଟଣାର ତଦନ୍ତ କରି ୨ ଜଣଙ୍କୁ ଗିରଫ କରିଛି କଟକ ଗ୍ରାମାଞ୍ଚଳ ପୋଲିସ।
ବାଣୀବିହାର ଲ’ କଲେଜରେ ପ୍ରବଳ ଉତ୍ତେଜନା ଦେଖାଯାଇଛି। କଲେଜ ଅଧ୍ୟକ୍ଷ ଜୁନିୟର ଓ ସିନିୟରଙ୍କ ଭିତରେ ବିଭେଦ ସୃଷ୍ଟି କରୁଥିବା ନେଇ ଅଭିଯୋଗ କରିଛନ୍ତି ଛାତ୍ରଛାତ୍ରୀ। ଏହାସହ ପିଲାଙ୍କୁ ୱେଲକମ, ଫେରୱେଲ ସହ ଅନ୍ୟ କାର୍ଯ୍ୟକ୍ରମ କରିବାକୁ ଦିଆଯାଉ ନଥିବା ଅଭିଯୋଗ ହେଉଛି। ପ୍ରତିବାଦରେ ଛାତ୍ରଛାତ୍ରୀମାନେ ଅଧ୍ୟକ୍ଷଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି।
ଅବପାତ ରୂପ ନେବାକୁ ଯାଉଛି ବଙ୍ଗୋପସାଗରରରେ ସୃଷ୍ଟ ଲଘୁଚାପ। ଏହାର ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହେବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ।
ଶେଷରେ ଧରା ପଡ଼ିଲା ହଂସ ଖିଆ କୁମ୍ଭୀର। ୩ ଦିନର ଅକ୍ଲାନ୍ତ ପରିଶ୍ରମ ପରେ ବନ ବିଭାଗ ପକ୍ଷରୁ କୁମ୍ଭୀରକୁ ଉଦ୍ଧାର କରାଯାଇଛି। ମାଲକାନଗିରି ଜିଲ୍ଲା ବାଲିମେଳା ବନାଞ୍ଚଳ ଅନ୍ତର୍ଗତ ଚିତାପାରି-୩ ପଞ୍ଚାୟତର ଏମଭି-୧୦୪ ଗାଁରେ ପୋଖରୀରେ ପଶିଥିବା କୁମ୍ଭୀରକୁ ଆଜି ବନ ବିଭାଗ ଓ ଗ୍ରାମବାସୀଙ୍କ ମିଳିତ ଉଦ୍ୟମରେ ସୁରକ୍ଷିତ ଭାବେ ଉଦ୍ଧାର କରାଯାଇଛି। ଗତ ୩ ଦିନ ଧରି ବନ ବିଭାଗର ରେସ୍କ୍ୟୁ ଟିମ୍ ପୋଖରୀରେ ଜାଲ ପକାଇ କୁମ୍ଭୀରକୁ ଧରିବା ପାଇଁ ଉଦ୍ୟମ ଜାରି ରଖିଥିଲା। ଶେଷରେ ଆଜି ସଫଳତା ମିଳିଛି।
ଗାଁକୁ ପକ୍କା ରାସ୍ତା ଖଣ୍ଡିଏ ନଥିବାରୁ ଆସିପାରିଲା ନାହିଁ ଆମ୍ବୁଲାନ୍ସ। ଲଗାଣ ବର୍ଷାରେ ମାଟି ରାସ୍ତା କାଦୁଅ ପଚ ପଚ ହୋଇଥିବାବେଳେ ଖଟିଆରେ ବୁହା ହେଲା ମୃତଦେହ। ସବୁଠାରୁ ବିଡ଼ମ୍ବନାର ବିଷୟ ଗୋଟେ କି ୨ କିମି ନୁହେଁ ୮ କିମି କାଦୁଅ ରାସ୍ତାରେ ଖଟିଆରେ ବୁହାହେଲା ମୃତଦେହ। ଆମ୍ବୁଲାନ୍ସ ଆସିଲା, ହେଲେ ଗାଁକୁ ପହଞ୍ଚି ପାରିଲାନି ।
ପୋକରା ଭାତ ଖାଉଛନ୍ତି ପିଲା। ଏଭଳି ସାଂଘାତିକ ଅଭିଯୋଗ ଆସିଛି ସୁବର୍ଣ୍ଣପୁର ମଝିପଡ଼ାରେ ଥିବା ଉତ୍କଳ ବାଳାଶ୍ରମ ବିରୋଧରେ। କେବଳ ଏତିକି ନୁହେଁ ପିଲାମାନଙ୍କୁ କାମ କରିବା
ଭୁବନେଶ୍ୱର (ସତ୍ୟପାଠ ବ୍ୟୁରୋ): ଓଡ଼ିଶାର ପରବର୍ତ୍ତୀ ପୁଲିସ ମହାନିର୍ଦ୍ଦେଶକ (ଡିଜିପି) ନିଯୁକ୍ତିକ…
ଅସରାଏ ବର୍ଷା ହେଲେ ବାହ୍ୟ ଜଗତରୁ ବିଚ୍ଛିନ୍ନ ହୋଇଯାଏ ଗାଁ। ପିଲାମାନେ ସ୍କୁଲ ଯିବାଠୁ ଆରମ୍ଭ କରି ବଜାରବାଟ, ମେଡିକାଲ ଯିବା ସବୁ ଏକପ୍ରକାର ଠପ ହୋଇଯାଏ। ବାରମ୍ବାର ଅଭିଯୋଗ ପରେ ଯାହା ଏକ ବ୍ରିଜ ନିର୍ମାଣ ହୋଇଥିଲା, ଚଳିତ ବର୍ଷାରେ ତାହା ବି ଗୋଟିଏ ପଟ ଧୋଇ ହୋଇଗଲା। ଫଳରେ କାଠ ଗଣ୍ଡି ପକାଇ ଲୋକେ ଯିବା ଆସିବା କରୁଥିବା ଦେଖାଯାଇଛି।
ସରପଞ୍ଚ ଚାମେଲି ଓଝାଙ୍କ ପିଚ୍ଛା ଛାଡ଼ୁନି ବିବାଦ। ଗୋଟିଏ ପରେ ଗୋଟିଏ ବିବାଦରେ ଛନ୍ଦି ହୋଇଯାଉଛନ୍ତି ସେ। କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଲକ ଅନ୍ତର୍ଗତ ତିଖିରି ପଞ୍ଚାୟତର ଚର୍ଚ୍ଚିତ ସରପଞ୍ଚ ଚାମେଲି ଓଝାଙ୍କ ବିରୋଧରେ ଆଗତ ଅନାସ୍ଥା ପ୍ରସ୍ତାବ ଉପରେ ଭୋଟ୍ ହେବ, ମାତ୍ର ଅଦାଲତଙ୍କ ଅନୁମତି ବିନା ଭୋଟ୍ର ଫଳାଫଳ ପ୍ରକାଶ ପାଇବ ନାହିଁ ।
ବଢ଼ୁଛି ଡ୍ରପ ଆଉଟ ସଂଖ୍ୟା, ପାଠରୁ ମୁହଁ ବୁଲାଉଛନ୍ତି ପିଲା। କାମରେ ଆସୁନି ସରକାରୀ ଯୋଜନା। ପିଲାଙ୍କୁ ସ୍କୁଲ ମୁହାଁ କରିବା ପାଇଁ ମଧ୍ୟାହ୍ନ ଭୋଜନଠାରୁ ଆରମ୍ଭ କରି ମାଗଣାରେ ୟୁନିଫର୍ମ ଓ ପୁସ୍ତକ ଯୋଗାଇ ଦିଆଯିବା ସତ୍ତ୍ବେ ଅଧାରୁ ପାଠ ଛାଡ଼ୁଥିବା ଦେଖିବାକୁ ମିଳୁଛି । କଳାହାଣ୍ଡି ଜିଲ୍ଲାରେ ଶିକ୍ଷାର ବିକଳ ଚିତ୍ର ଦେଖିବାକୁ ମିଳିଥିବାବେଳେ ଏହା ଏବେ ମୁଣ୍ଡ ବିନ୍ଧାର କାରଣ ପାଲଟିଛି। ଜିଲ୍ଲାର ୧୩ଟି ବ୍ଲକ୍ରେ ବର୍ତ୍ତମାନ ୩୮୨୦ ଜଣ ଡ୍ରପ୍ ଆଉଟ୍ ଛାତ୍ରଛାତ୍ରୀ ଅଛନ୍ତି।
ରାଜ୍ୟରେ ତୁହାକୁ ତୁହା ବର୍ଷା ଲାଗି ରହିଥିବାବେଳେ ଜନ ଜୀବନ ଅସ୍ତବ୍ୟସ୍ତ ହୋଇପ଼ଡ଼ିଛି। ଉତ୍ତର ପଶ୍ଚିମ ବଙ୍ଗୋପସାଗରରେ ଥିବା ଘୂର୍ଣ୍ଣିବଳୟ ଲଘୁଚାପରେ ପରିଣତ ହେବ । ଏହା ପ୍ରଭାବରେ ରାଜ୍ୟରେ ବର୍ଷା ପ୍ରକୋପ ବଢ଼ିବ । ଆସନ୍ତା ୫-୬ ଦିନ ଧରି ବର୍ଷା ଲାଗି ରହିବ ବିଭିନ୍ନ ଅଞ୍ଚଳରେ ।