UPI ପେମେଣ୍ଟରେ ଲାଗିବାକୁ ଥିବା MDR ଚାର୍ଜ ବିରୋଧରେ ଅକ୍ଟୋବର ୨ ତାରିଖରେ ‘No UPI Day’ ପ୍ରତିବାଦ କରାଯାଉଛି। ବ୍ୟବସାୟୀମାନେ କଳା କପଡ଼ାରେ ନିଜର QR ସ୍କାନରକୁ ଢାଙ୍କି ଦେଇଛନ୍ତି। ଅକ୍ଟୋବର ୧୫ରୁ ୨ ହଜାର ଟଙ୍କାରୁ ଅଧିକ UPI ପେମେଣ୍ଟ ଉପରେ ୦.୪ ପ୍ରତିଶତ MDR ଚାର୍ଜ ଲାଗିବ।
କ୍ଲାସ୍ରୁମ୍ରେ ପାଠପଢ଼ା ଚାଲିଥିବାବେଳେ ଅଘଟଣ ଘଟିଛି। ହଠାତ୍ ଛାତରୁ କଂକ୍ରିଟ୍ ଅଂଶ ଖସି ପଡ଼ିବାରୁ ଜଣେ ଅଷ୍ଟମ ଶ୍ରେଣୀ ଛାତ୍ର ଆହତ େହାଇଛନ୍ତି। ଏଭଳି ଅଘଟଣ ଚିତ୍ରକୋଣ୍ଡା ପିଏମ୍ଶ୍ରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ଘଟିଛି। ଏହି ଘଟଣା ପରେ ବିଦ୍ୟାଳୟର ଭିତ୍ତିଭୂମି ଓ ଛାତ୍ରଛାତ୍ରୀଙ୍କ ସୁରକ୍ଷା ନେଇ ପ୍ରଶ୍ନ ଉଠିଛି। ସୂଚନା ଅନୁସାରେ, ଶୁକ୍ରବାର ବିଦ୍ୟାଳୟରେ ନିୟମିତ ଭାବେ ପାଠପଢ଼ା ଚାଲିଥିଲା।
ପୁଣି ଡରାଇଲାଣି ଅକ୍ଟୋବର! ବଙ୍ଗୋପସାଗରରେ ବାତ୍ୟା ଆଶଙ୍କା। ଆନ୍ଧ୍ର-ଓଡ଼ିଶା ଉପକୂଳମୁହାଁ ହେଉଛି ଘୂର୍ଣ୍ଣିବଳୟ। ଭାରତୀୟ ପାଣିପାଗ ବିଭାଗର ପୂର୍ବାନୁମାନ ପରେ ଉପକୂଳବର୍ତ୍ତୀ ଅଞ୍ଚଳରେ ଚିନ୍ତା ବଢ଼ିବାରେ ଲାଗିଛି। ଅକ୍ଟୋବର ମାସ ଆରମ୍ଭରୁ ପୁଣିଥରେ ବଙ୍ଗୋପସାଗରରେ ପ୍ରକୃତିର ରୂପ ବଦଳିବାରେ ଲାଗିଛି। ମୌସୁମୀ ପରବର୍ତ୍ତୀ ବାତ୍ୟା ଋତୁ ଆରମ୍ଭ ହୋଇସାରିଥିବା ବେଳେ ପାଣିପାଗ ବିଭାଗର ଏହି ଆକଳନ ଚିନ୍ତା ବଢ଼ାଇ ଦେଇଛି।
ଗାନ୍ଧୀ ଜୟନ୍ତୀରେ ଗାନ୍ଧୀଗିରି। ବଲାଙ୍ଗୀର ଜିଲ୍ଲା ସଇଁତଳାକୁ ଏନଏସି ଦାବିରେ ୩୦ କିମି ଚାଲିଲେ ଆନ୍ଦୋଳନକାରୀ। ଆଜି ଭୋର ୪ଟାରୁ ବିଭିନ୍ନ ସଙ୍ଗଠନର କର୍ମକର୍ତ୍ତାଙ୍କ ସହ ଶହ ଶହ ମହିଳା ଏବଂ ପୁରୁଷ ସଇଁତଳାରୁ ବାହାରି ବଲାଙ୍ଗୀର ଅଭିମୁଖେ ଶୋଭାଯାତ୍ରାରେ ବାହାରି ଥିଲେ। ବଲାଙ୍ଗୀର ଆସି ଜିଲ୍ଲାପାଳଙ୍କୁ ଦାବିପତ୍ର ଦେଇଛନ୍ତି। ଏହାସହ ଆନ୍ଦୋଳନକାରୀମାନେ ଜିଲ୍ଲାପାଳଙ୍କ ସହ ଆଲୋଚନା କରିଛନ୍ତି।
ଭୁବନେଶ୍ୱର, (ସତ୍ୟପାଠ ବ୍ୟୁରୋ): ଗୁରୁବାର ଭୁବନେଶ୍ୱରରେ ଜଣେ ୨୬ ବର୍ଷୀୟା ଯୁବତୀଙ୍କୁ ତାଙ୍କ ଭଡ଼ାଘ…
ବିଏମସି ପକ୍ଷରୁ ଖଣ୍ଡଗିରିରେ ଆୟୋଜିତ ଏକ ଦିନ୍, ଏକ ଘଣ୍ଟା, ଏକ ସାଥ୍’ ସ୍ୱଚ୍ଛତା ଅଭିଯାନରେ ଯୋଗଦେଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ଏହି ଅବସରରେ ଭୁବନେଶ୍ୱରକୁ ଦେଶର ନମ୍ବର ୱାନ୍ ସ୍ୱଚ୍ଛ ସହର କରିବାକୁ ଆହ୍ୱାନ ଦେଇଛନ୍ତି ମୁଖ୍ୟମନ୍ତ୍ରୀ। ଆଉ କହିଛନ୍ତି, ସହରର ସ୍ୱଚ୍ଛତା ପାଇଁ ପ୍ରତ୍ୟେକ ନାଗରିକ ସଚେତନ ହେବା ଦରକାର।
ଶ୍ରୀମନ୍ଦିରରେ ଦିବ୍ୟାଙ୍ଗ ଏବଂ ବୟସ୍କ ଭକ୍ତମାନଙ୍କ ସୁଗମ ଦର୍ଶନ ପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ଉତ୍ତର ଦ୍ୱାରରେ ସ୍ୱତନ୍ତ୍ର ବ୍ୟବସ୍ଥା ଆୟୋଜନ କରାଯାଉଛି। ଶ୍ରୀମନ୍ଦିରର ଉତ୍ତର ଦ୍ୱାର ଗୁମୁଟ ଠାରୁ କୂର୍ମ ବେଢ଼ା ପର୍ଯ୍ୟନ୍ତ ରାମ୍ପ୍ ଏବଂ ରେଲିଂ ନିର୍ମାଣ ଇତି ମଧ୍ୟରେ ସରିଛି। ଏହାସହ ଦିବ୍ୟାଙ୍ଗ ଏବଂ ବୟସାଧିକ୍ୟ ଶ୍ରଦ୍ଧାଳୁଙ୍କୁ ସହଯୋଗ କରିବା ପାଇଁ ସ୍ୱତନ୍ତ୍ର ଭାବେ ତାଲିମପ୍ରାପ୍ତ ସ୍ୱେଚ୍ଛାସେବୀ ଏହି କାର୍ଯ୍ୟରେ ନିୟୋଜିତ ହେବେ।
ଅକ୍ଟୋବର ୨ରେ ପାଳନ ହେବାକୁ ଥିବା ‘ନୋ ୟୁପିଆଇ ଡେ’ ଆହ୍ୱାନକୁ ବ୍ୟବସାୟୀ ସଂଗଠନଗୁଡ଼ିକ ପ୍ରତ୍ୟାହାର କରିଛନ୍ତି। ୟୁପିଆଇ ଉପରେ ଲଗାଯାଇଥିବା ମର୍ଚ୍ଚାଣ୍ଟ ଡିସକାଉଣ୍ଟ ରେଟ୍ (ଏମ୍ଡିଆର୍)କୁ ନେଇ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ସହ ବୈଠକ ପରେ ବ୍ୟବସାୟୀ ସଂଗଠନଗୁଡ଼ିକ ଏହି ନିଷ୍ପତ୍ତି ନେଇଛନ୍ତି।
ଟିଏମସିର ଫ୍ରିଜ୍ ହୋଇଥିବା ବ୍ୟାଙ୍କ ଆକାଉଣ୍ଟକୁ ନେଇ ସୁପ୍ରିମକୋର୍ଟରେ ଶୁଣାଣି ହୋଇଛି । ଫ୍ରିଜ୍ ହୋଇଥିବା ଆକାଉଣ୍ଟ ଚଳାଇବାକୁ ଅନୁମତି ଦେବା ପାଇଁ ତୃଣମୂଳ କଂଗ୍ରେସ ପକ୍ଷରୁ କରାଯାଇଥିବା ଆବେଦନକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି । କୋଲକାତା ହାଇକୋର୍ଟରେ ଚାଲିଥିବା ମାମଲାରେ ହସ୍ତକ୍ଷେପ କରିବାକୁ ମଧ୍ୟ ଶୀର୍ଷକୋର୍ଟ ମନା କରିଛନ୍ତି ।
ଫୋନ୍ ଯୋଗେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ସହ କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବ୍ୟବସାୟ-ପ୍ରତିରକ୍ଷା, ସହ ଅନ୍ୟ ଦ୍ବିପାକ୍ଷୀକ ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଆଲୋଚନା କଲେ ଉଭୟ ନେତା । ଏଥି ସହିତ ବିଶ୍ବରେ ଶାନ୍ତି ପ୍ରତିଷ୍ଠା ଏବଂ ସୁରକ୍ଷା ଦିଗରେ କାମ କରିବା ପାଇଁ ସହମତ ହୋଇଛନ୍ତି ମୋଦି ଓ ଟ୍ରମ୍ପ୍ । ଏନେଇ ପ୍ରଧାନମନ୍ତ୍ରୀ ନିଜ ଏକ୍ସ ଆକାଉଣ୍ଟରେ ପୋଷ୍ଟ୍ କରି ସୂଚନା ଦେଇଛନ୍ତି।
ଦିଲ୍ଲୀ ବିମାନବନ୍ଦରରୁ ତିନିଜଣ ଭାରତୀୟ ଯାତ୍ରୀଙ୍କଠାରୁ ୧.୦୩ କୋଟି ଟଙ୍କାର ଚୀନ୍ ନିର୍ମିତ ୧୦ଟି ସାମରିକ ଡ୍ରୋନ୍ ଜବତ କରାଯାଇଛି। ଏହି ତିନି ଯାତ୍ରୀ ଗତ ୨୫ ତାରିଖରେ ହଂକଂରୁ ଭିଏତ୍ନାମ ଦେଇ ଦିଲ୍ଲୀ ଟର୍ମିନାଲ୍-୩ରେ ପହଞ୍ଚି ଥିଲେ। ଗୁପ୍ତ ସୂଚନା ଆଧାରରେ ଗ୍ରୀନ୍ ଚ୍ୟାନେଲ୍ ଅତିକ୍ରମ କରୁଥିବା ସମୟରେ ସେମାନଙ୍କୁ ସୀମାଶୁଳ୍କ ଅଧିକାରୀ ଧରି ନେଇଥିଲେ।
ଦୁବାଇରୁ ତେଲ ଅଭିଭ ଯାଉଥିବା ଫ୍ଲାଏଦୁବାଇର ଏଫଜେଡ୍୍ ବିମାନରେ ରକ୍ତାକ୍ତ ସଂଘର୍ଷ ହୋଇଥିଲା। ମଝି ଆକାଶରେ ଛୁରା ମାଡ଼ ଖାଇ ବୀରତ୍ଵ ଦେଖାଇଲେ ଭାରତୀୟ ପାଇଲଟ। କ୍ୟାପ୍ଟେନ ସ୍ମିଥ ମଚ୍ଛରଙ୍କ ପାଇଁ ବଞ୍ଚିଗଲା ୧୭୬ ଯାତ୍ରୀଙ୍କ ଜୀବନ । ସ୍ମିଥଙ୍କ ସାହାସିକତା ପାଇଁ ପ୍ରଶଂସା କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିଶ୍ଵବ୍ୟାପୀ ଛୁଟୁଛି ସାବାସୀର ସୁଅ ।
ସୁପ୍ରିମକୋର୍ଟକୁ ଖୁବ୍ଶୀଘ୍ର ୩ ଜଣ ନୂଆ ବିଚାରପତି ମିଳିପାରନ୍ତି। ସୁପ୍ରିମକୋର୍ଟ କଲେଜିୟମ ଗୁଜରାଟ ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ସୁନୀତା ଅଗ୍ରୱାଲ, ଦିଲ୍ଲୀ ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ଦେବେନ୍ଦ୍ର କୁମାର ଉପାଧ୍ୟାୟ ଏବଂ ତେଲଙ୍ଗାନା ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ଅପରେଶ କୁମାର ସିଂହଙ୍କୁ ସୁପ୍ରିମକୋର୍ଟର ବିଚାରପତି ଭାବେ ପଦୋନ୍ନତି ପାଇଁ ସୁପାରିସ କରିଛି।
କାଶ୍ମୀର ପ୍ରସଙ୍ଗକୁ ନେଇ ପୁଣି ଥରେ ଜାତିସଂଘ ମାନବାଧିକାର ପରିଷଦରେ ଭାରତ ଓ ପାକିସ୍ତାନ ମଧ୍ୟରେ ବାକ୍ଯୁଦ୍ଧ ଦେଖିବାକୁ ମିଳିଛି। ଜେନେଭାରେ ଚାଲିଥିବା ଜାତିସଂଘ ମାନବାଧିକାର ପରିଷଦର ୬୩ତମ ଅଧିବେଶନରେ ଦୁଇ ଦେଶ ଜମ୍ମୁ-କାଶ୍ମୀର ପ୍ରସଙ୍ଗରେ ପରସ୍ପରର ମତକୁ ଖଣ୍ଡନ କରିଛନ୍ତି। ପାକିସ୍ତାନ ପକ୍ଷରୁ କାଶ୍ମୀରକୁ ଏକ ଅନ୍ତର୍ଜାତୀୟ ବିବାଦୀୟ ଅଞ୍ଚଳ ଭାବେ ଉପସ୍ଥାପନ କରାଯାଇଛି।
ସାଧାରଣ ଜନତାଙ୍କ ଉପରେ ପଡ଼ିଛି ମହଙ୍ଗାମାଡ଼। ଅକ୍ଟୋବର ୧ ରୁ ବହୁ ନିୟମରେ ପରିବର୍ତ୍ତନ ହୋଇଛି। ଏଲପିଜି ସିଲିଣ୍ଡର ଦାମ୍, ବଡ଼ ଏଫଡି ଉପରେ ସୁଧ ହାର, ଏଟିଏମରୁ ଟଙ୍କା ଉଠାଣ, ଏନପିଏସ୍ ଚାର୍ଜ ଏବଂ ଏନଆରଆଇଙ୍କଠାରୁ ସମ୍ପତ୍ତି କିଣିବା ଉପରେ ଟିଡିଏସ୍ ସମ୍ବନ୍ଧୀୟ ନିୟମରେ ପରିବର୍ତ୍ତନ ହୋଇଛି। ଘରୋଇ ଗ୍ରାହକଙ୍କୁ ଏଲପିଜି ବୁକିଂ ପାଇଁ ବାୟୋମେଟ୍ରିକ୍ ଆଧାର ପ୍ରମାଣୀକରଣ ସମ୍ପୂର୍ଣ୍ଣ କରିବାକୁ ପଡ଼ିବ।
ଆଜିଠୁ ଗାଡ଼ିର ପିୟୁସିକୁ ନେଇ ଦିଲ୍ଲୀରେ କଡ଼ା ନିୟମ। ଦିଲ୍ଲୀରେ ଚଳାଚଳ କରୁଥିବା ଯାନବାହନ ପାଇଁ ବୈଧ ପ୍ରଦୂଷଣ ନିୟନ୍ତ୍ରଣ (ପିୟୁସି) ପ୍ରମାଣ ପତ୍ର ରଖିବା ଜରୁରୀ ହୋଇପଡ଼ିଛି। ଏହା ନ ଥିଲେ ପେଟ୍ରୋଲ କିମ୍ବା ସିଏନଜି ମିଳିବ ନାହିଁ। ପ୍ରଦୂଷଣ ରୋକିବା ଲାଗି ନିୟମ କଡ଼ାକଡ଼ି କରାଯାଇଛି। ବାୟୁ ଗୁଣବତ୍ତା ପରିଚାଳନା ଆୟୋଗ (ସିଏକ୍ୟୁଏମ) ଏହି ନିୟମ ଯେମିତି କଡ଼ାକଡ଼ି ଭାବେ ପାଳନ କରାଯାଏ, ତାହା ସୁନିଶ୍ଚିତ ପାଇଁ ସରକାରୀ ଅଧିକାରୀ ଏବଂ ପ୍ରବର୍ତ୍ତନ ଏଜେନ୍ସିଗୁଡ଼ିକୁ ନିର୍ଦ୍ଦେଶ ଦେଇଛନ୍ତି।
ବିଶ୍ଵ ଐତିହ୍ୟ ମାନ୍ୟତା ପାଇବ ଭାରତର ୫ ସ୍ଥାନ। ୟୁନେସ୍କୋ ବିଶ୍ୱ ଐତିହ୍ୟ ମାନ୍ୟତା ପାଇବା ପୂର୍ବରୁ ୱାର୍ଲଡ ହେରିଟେଜ୍ ଟେଣ୍ଟାଟିଭ୍ ତାଲିକାରେ ସ୍ଥାନ ପାଇଛି ଭାରତର ୫ ସ୍ଥାନ। ଏଥିରେ ମଧ୍ୟପ୍ରଦେଶର ବିଦିଶା, ଧାର୍, ମୁରୈନା ଓ ରାୟସେନ ଜିଲ୍ଲାର ଚାରି ସ୍ଥାନ ଅଛି । ପଞ୍ଚମଟି ‘ସାଇଟ୍ସ ଅଫ୍ ସତ୍ୟାଗ୍ରହ’ । ବିଦିଶା ଜିଲ୍ଲାର ଉଦୟଗିରି ଗୁମ୍ଫା, ଧାର ଜିଲ୍ଲାର ବାଘ ଗୁମ୍ଫା, ମୁରୈନା ଜିଲ୍ଲାର ଚମ୍ବଲ ଘାଟିର ମନ୍ଦିର ସମୂହ ଓ ରାୟସେନର ଗିନ୍ନୌରଗଡ଼ ଦୁର୍ଗକୁ ତାଲିକାଭୁକ୍ତ କରାଯାଇଛି।
ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ତିକ୍ତତା ବଢ଼ିବାରେ ଲାଗିଛି। ଉଭୟ ଦେଶ ମଧ୍ୟରେ ବଢୁଥିବା ଉତ୍ତେଜନା ପୁଣି ଥରେ ସାଧାରଣ ଲୋକଙ୍କ ପାଇଁ ଚିନ୍ତାର କାରଣ ପାଲଟିଛି। ଆଫଗାନିସ୍ତାନର ହେଲମଣ୍ଡ ପ୍ରଦେଶରେ ପାକିସ୍ତାନର ଏୟାର ଷ୍ଟାଇକରେ ୨୨ ଜଣଙ୍କ ମୃତ୍ୟୁ ଘଟିଛି। ୧୧ ଜଣ ଗୁରୁତର ଆହତ ହୋଇଛନ୍ତି। ସ୍ଥାନୀୟ ଅଧିକାରୀଙ୍କ ଅନୁଯାୟୀ, ଆବାସିକ ଘରଗୁଡ଼ିକୁ ଟାର୍ଗେଟ କରାଯାଇଛି।