ଓଡ଼ିଶା-ଛତିଶଗଡ଼ ମଧ୍ୟରେ ଦୀର୍ଘଦିନ ଧରି ଚାଲିଥିବା ମହାନଦୀ ଜଳ ବିବାଦର ସମାଧାନ ନେଇ ପୁଣି ଥରେ ଆଶା ସଞ୍ଚାର ହୋଇଛି । ବିବାଦର ଆଇନଗତ ପ୍ରକ୍ରିୟା ସହ ସମାନ୍ତରାଳ ଭାବେ ଦୁଇ ରାଜ୍ୟ ମଧ୍ୟରେ ଆଲୋଚନା ଓ ବୈଷୟିକ ସ୍ତରରେ ସମାଧାନର ବାଟ ଖୋଜାଯାଉଛି।
ଭାରତ ଏବଂ ପାକିସ୍ତାନ ମଧ୍ୟରେ ଦୀର୍ଘ ଦିନ ପରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହେଉଛି। ଭାରତୀୟ ପ୍ରତିନିଧି ଦଳ ସୋମବାର ଏକ ଉଚ୍ଚସ୍ତରୀୟ ବୈଠକ ପାଇଁ ଇସଲାମାବାଦରେ ପହଞ୍ଚିଛନ୍ତି । ଭାରତ ସାଂଘାଇ ସହଯୋଗ ସଂଗଠନ (ଏସସିଓ) ଜାତୀୟ ସଂଯୋଜକଙ୍କ ବୈଠକରେ ଅଂଶଗ୍ରହଣ କରୁଛି। ଏହି ବୈଠକରେ ପାକିସ୍ତାନର ଅଧ୍ୟକ୍ଷତାରେ ଅନୁଷ୍ଠିତ ହେବାକୁ ଥିବା କାର୍ଯ୍ୟକ୍ରମଗୁଡ଼ିକର କ୍ୟାଲେଣ୍ଡରକୁ ଅନୁମୋଦନ କରାଯିବ।
ଗୋଟିଏ ପଟେ ଗର୍ଭ ଯନ୍ତ୍ରଣାରେ ଛଟପଟ। ଆଉ ଗୋଟିଏ ପଟେ ଆମ୍ବୁଲାନ୍ସକୁ ଘଣ୍ଟା ଘଣ୍ଟା ଅପେକ୍ଷା। ୪ ଘଣ୍ଟା ଅପେକ୍ଷା ପରେ ଟାଟା ମ୍ୟାଜିକ୍ରେ ବୁହା ହେଲେ ଗର୍ଭବତୀ। ମାଲକାନଗିରି ଜିଲ୍ଲା ମାନ୍ୟମକୋଣ୍ଡା ପଞ୍ଚାୟତର ତମଗୁଡ଼ା ଗାଁରୁ ଆସିଛି ଏଭଳି ଅଭିଯୋଗ। ଗାଁର ଦୁର୍ଗୀ ବେକ ନାମକ ଜଣେ ଗର୍ଭବତୀ ମହିଳା ଗର୍ଭ ଯନ୍ତ୍ରଣାରେ ଥିବାବେଳେ କାଲିମେଳା ମେଡିକାଲ ଯିବା ପାଇଁ ୧୦୮ ଆମ୍ବୁଲାନ୍ସକୁ ଫୋନ୍ କରାଯାଇଥିଲା ।
ସ୍ବାଭିମାନ ଅଞ୍ଚଳକୁ ମିଳିଛି ନୂଆ ପରିଚୟ। ସ୍ବାଭିମାନର ସହ ବଞ୍ଚିବା ଶିକ୍ଷିଲେଣି ଏଠାକାର ଲୋକେ। ଏଣିକି ଆଉ ଡରି, ଲୁଚି ଛପି ଗଞ୍ଜେଇ ଚାଷ କରିବେ ନାହିଁ। ଗଞ୍ଜେଇ ଛାଡ଼ି ଏଠାକାର ଆଦିବାସୀ ଲୋକେ ହଳଦୀ ଓ ମାଣ୍ଡିଆ ଚାଷ କରି ବେଶ ସଫଳ ହେବା ସହ ଜିଲ୍ଲା ପାଇଁ ଗୌରବ ଆଣିଛନ୍ତି। ଦିନ ଥିଲା ବେଆଇନ ଭାବରେ ଟନ ଟନ ଗଞ୍ଜେଇ ଫସଲ କରୁଥିଲେ ସ୍ବାଭିମାନ ଅଞ୍ଚଳବାସୀ। ଏଠାରେ ସମତଳ ଜମି କମ ଥିବା ଯୋଗୁଁ ପାହାଡିଆ ଅଞ୍ଚଳରେ ଖାଲି ଗଂଜେଇ ଚାଷ କରୁଥିଲେ।
ଫୁଲୁଛି ମହାନଦୀ । ଉପରମୁଣ୍ଡ ଓ ମହାନଦୀ ଅବବାହିକାରେ ପ୍ରବଳ ବର୍ଷା ଯୋଗୁ ମହାନଦୀରେ ବନ୍ୟା ସ୍ଥିତି ସୃଷ୍ଟି ହୋଇଛି । ଏଥିପାଇଁ ହୀରାକୁଦର ୩୦ଟି ଗେଟ୍ ଖୋଲିଛି । ଉପରମୁଣ୍ଡରୁ ଆସୁଥିବା ପାଣି ପହଞ୍ଚିବା ପରେ ଆଜି ସନ୍ଧ୍ୟା ସୁଦ୍ଧା ମୁଣ୍ଡୁଳିରେ ୮ଲକ୍ଷ କ୍ୟୁସେକ ପାଣି ପ୍ରବାହିତ ହେବ ବୋଲି ଆକଳନ କରାଯାଇଛି । ମହାନଦୀରେ ଛୋଟ ଧରଣର ବନ୍ୟା ସ୍ଥିତି ସୃଷ୍ଟି ହେବ ବୋଲି ଜଳସମ୍ପଦ ସର୍ବୋଚ୍ଚ ଯନ୍ତ୍ରୀ ଦିଲ୍ଲୀପ ରାଉତ ସୂଚନା ଦେଇଛନ୍ତି ।
ବରଗଡ଼ ବିଜେପୁର ନିକଟରେ ଭାରସାମ୍ୟ ହରାଇ ଏକ ସ୍କୋର୍ପିଓ ଗାଡ଼ି ଓଲଟି ପଡ଼ିଥିବାବେଳେ ଅଳ୍ପକେ ବର୍ତ୍ତିଲେ ୨ ଯାତ୍ରୀ। ସ୍କୋର୍ପିଓ ଗାଡ଼ିଟି ତାଳପଦର ପଟୁ ବିଜେପୁର ଅଭିମୁଖେ ଦ୍ରୁତ ଗତିରେ ଯାଉଥିବାବେଳେ ଉତ୍ତାଳି ନଦୀ ନିକଟରେ ଭାରସାମ୍ୟ ହରାଇ ଓଲଟି ପଡ଼ିଥିଲା। ଦୁର୍ଘଟଣା ସମୟରେ ଗାଡ଼ି ଭିତରେ ଦୁଇଜଣ ଥିଲେ। ଗାଡ଼ି ଓଲଟି ପଡ଼ିବା ଦେଖି ସ୍ଥାନୀୟ ଲୋକେ ତୁରନ୍ତ ଘଟଣାସ୍ଥଳକୁ ଧାଇଁ ଆସିଥିଲେ।
ହୀରାକୁଦ ଜଳଭଣ୍ଡାରର ୨୮ଟି ସ୍ଲୁଇସ୍ ଗେଟ୍ ଖୋଲାଯିବା ଫଳରେ ପଛୁଆ ଜଳ (ବ୍ୟାକ୍ ୱାଟର୍) ପ୍ରଭାବରେ ଅମ୍ବାଭୋନା ବ୍ଲକ୍ ଅନ୍ତର୍ଗତ ଚିଖିଲି, ଅନ୍ତରାଡ଼ି, ଘୁଗୁରାପାଲି ଓ ବେନିଆପାଲି ଗ୍ରାମରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଏହି ବିପଦପୂର୍ଣ୍ଣ ସ୍ଥିତିକୁ ଦୃଷ୍ଟିରେ ରଖି ରାଜସ୍ୱ ବିଭାଗ, ପଞ୍ଚାୟତ ସମିତି, ଅଗ୍ନିଶମ ବାହିନୀ ଏବଂ ପୋଲିସ ପ୍ରଶାସନର ଏକ ମିଳିତ ଟିମ୍ ଦ୍ୱାରା ତୁରନ୍ତ ବ୍ୟାପକ ଉଦ୍ଧାର ଅଭିଯାନ ଆରମ୍ଭ କରାଯାଇଛି।
ନୂଆଦିଲ୍ଲୀ(ସତ୍ୟପାଠବ୍ୟୁରୋ): ଭାରତରେ ଆଧାର କାର୍ଡ ଏବେ ଏକ ଗୁରୁତ୍ୱପୂର୍ଣ୍ଣ ପରିଚୟପତ୍ର ଭାବେ ବ୍ୟ…
ଜଗନ୍ନାଥ ମନ୍ଦିର ସଦର ସଭାଗୃହ କାର୍ଯ୍ୟାଳୟରେ ଶ୍ରୀମନ୍ଦିର ପରିଚାଳନା କମିଟି ବୈଠକ ଆରମ୍ଭ ହୋଇଛି। ପରିଚାଳନା କମିଟି ସ୍ଥାୟୀ ସଭାପତି ଗଜପତି ଦିବ୍ୟସିଂହ ଦେବଙ୍କ ଅଧ୍ୟକ୍ଷତାରେ ବୈଠକ ଅନୁଷ୍ଠିତ ହେଉଛି। ଉପସ୍ଥିତ ଅଛନ୍ତି ଶ୍ରୀମନ୍ଦିର ପରିଚାଳନା କମିଟି ସଦସ୍ୟ। ୭ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ହେବ ଆଲୋଚନା। ବୈଠକର ଏଜେଣ୍ଡା ଅନୁଯାୟୀ ଶ୍ରୀଜଗନ୍ନାଥ ମନ୍ଦିର ଭୂମି ପରିଚାଳନା ଅଧିନିୟମ ୨୦୨୬ ର ହେବ ଅବଗତି ।
ଗଭୀର ଅବପାତ ପ୍ରଭାବରେ ଗଞ୍ଜାମ ଜିଲ୍ଲାରେ ଲଗାଣ ବର୍ଷା ଯୋଗୁଁ ଖଲ୍ଲିକୋଟ ବ୍ଲକ କୋମଣ୍ଡ ପଞ୍ଚାୟତ ବଡରାମପଲ୍ଲୀ ଅଞ୍ଚଳରେ ଦେଖାଦେଇଛି ବନ୍ୟା ସ୍ଥିତି । ବଡରାମପଲ୍ଲୀରୁ ବିଳାସପୁର ରାସ୍ତାରେ ଏବେ ବି ପ୍ରାୟ ୫ ଫୁଟ ଉଚ୍ଚରେ ଚାଲିଛି ବନ୍ୟା ପାଣି । ଫଳରେ ରାସ୍ତାରେ ଯାତାୟାତ ବାଧାପ୍ରାପ୍ତ ହୋଇଛି । ଖରଖରି ନାଳରେ ପାଣି ବଢ଼ିବା ପରେ ବଡରାମପଲ୍ଲୀ ଅଞ୍ଚଳରେ ଉପୁଜିଛି ବନ୍ୟା ସ୍ଥିତି ।
ବିଶ୍ୱ ମଞ୍ଚରେ ନେପାଳ ପ୍ରଧାନମନ୍ତ୍ରୀ ବାଲେନ ଶାହଙ୍କ ଦମଦାର ବାର୍ତ୍ତା ଦେଇଛନ୍ତି। ଜାତିସଂଘ ସାଧାରଣ ସଭାରେ ନିଜର ପ୍ରଥମ ଅଭିଭାଷଣରେ ବିଶ୍ୱ ବ୍ୟବସ୍ଥାକୁ ନେଇ ଉଠାଇଲେ ବଡ଼ ପ୍ରଶ୍ନ। ଜଳବାୟୁ ପରିବର୍ତ୍ତନଠାରୁ ଆରମ୍ଭ କରି ଯୁଦ୍ଧ ଏବଂ ବିଶ୍ୱ ଯୋଗାଣ ବ୍ୟବସ୍ଥା- ସବୁକୁ ନେଇ ରଖିଲେ ନିଜର ମତ। ବାଲେନ ଶାହ କହିଛନ୍ତି, ବିଶ୍ୱ ଏମିତି ଏକ ବ୍ୟବସ୍ଥା ତିଆରି କରିଛି, ଯେଉଁଠି ଯୁଦ୍ଧ ପାଇଁ ଅସ୍ତ୍ରଶସ୍ତ୍ର ଅତି ସହଜରେ ସୀମା ପାର ହୋଇପାରୁଛି, କିନ୍ତୁ ଲୋକଙ୍କ ମୌଳିକ ଆବଶ୍ୟକତା- ଖାଦ୍ୟ, ସାର, ଇନ୍ଧନ ଭଳି ଜରୁରୀ ସାମଗ୍ରୀ ପହଞ୍ଚାଇବାରେ ବ୍ୟବସ୍ଥା ବିଫଳ ହେଉଛି ।
ନାଗପୁରରୁ ମୁମ୍ବାଇ ଯାଉଥିବା ଦୂରନ୍ତୋ ଏକ୍ସପ୍ରେସରେ ପଥର ମାଡ଼ ହୋଇଛି। ଶୁକ୍ରବାର ରାତିରେ ଥାଣେର କସରା ଘାଟ ନିକଟରେ ଟ୍ରେନର ଏସି ୩-ଟାୟାର କୋଚର ଝରକା ଉପରେ ପଥର ଫିଙ୍ଗାଯାଇଥିଲା। ପଥରଟି ଝରକା କାଚ ଭାଙ୍ଗି କୋଚ ଭିତରକୁ ପଶିଯାଇଥିଲା। ଏହି ଘଟଣାରେ ଜଣେ ଯାତ୍ରୀ ସାମାନ୍ୟ ଆହତ ହୋଇଥିବା ଜଣାପଡ଼ିଛି। ଏହି ଘଟଣା କିଛି ସମୟ ପାଇଁ ଯାତ୍ରୀମାନଙ୍କ ମଧ୍ୟରେ ଆତଙ୍କ ସୃଷ୍ଟି କରିଥିଲା। ଘଟଣା ପରେ ରେଳବାଇ ଏବଂ ସୁରକ୍ଷା ଏଜେନ୍ସିଗୁଡ଼ିକ ତଦନ୍ତ ଆରମ୍ଭ କରିଛନ୍ତି।
ଏକ ଦୁର୍ନୀତି ମାମଲାରେ ଓଡ଼ିଶା ଭିଜିଲାନ୍ସ ପକ୍ଷରୁ ବରଗଡ଼ ଜିଲ୍ଲା ଭଟଲି ତହସିଲ କାର୍ଯ୍ୟାଳୟର ଜଣେ ପୂର୍ବତନ ବରିଷ୍ଠ କିରାଣୀଙ୍କୁ ଦୋଷୀ ସାବ୍ୟସ୍ତ କରାଯାଇଛି।
ପ୍ରବଳରୁ ଅତି ପ୍ରବଳ ବର୍ଷା ମଧ୍ୟରେ ସିକ୍କିମର ଗ୍ୟାଲସିଂ ଜିଲ୍ଲାର ରିମ୍ବି ଗାଁରେ ଭୟଙ୍କର ଭୂସ୍ଖଳନ ଘଟିଛି। ଗୁରୁବାର ମଧ୍ୟରାତିରେ ଘଟିଥିବା ଏହି ଭୂସ୍ଖଳନ ଯୋଗୁଁ ଅନେକ ଘର ଓ ସରକାରୀ ଆବାସ କ୍ଷତିଗ୍ରସ୍ତ ହୋଇଛି।
ଭୂସ୍ଖଳନ ଯୋଗୁଁ ଟ୍ରେନ୍ ସେବା ବ୍ୟାପକ ପ୍ରଭାବିତ ହୋଇଛି। ରାୟଗଡ଼ା ଡିଭିଜନର ମାଲିଗୁଡ଼ା–ଛତ୍ରିପୁଟ ଷ୍ଟେସନ ମଧ୍ୟରେ ଭୂସ୍ଖଳନ ଯୋଗୁଁ ଟ୍ରେନ୍ ଚଳାଚଳ ପ୍ରଭାବିତ ହୋଇଛି।
କୋରାପୁଟ ଜିଲ୍ଲାରେ ରେକର୍ଡ ବର୍ଷା ହୋଇଛି । ଗତ ୨୪ ଘଣ୍ଟାରେ ଜିଲ୍ଲାରେ ମୋଟ ୨୬୪୯.୩ ମିଲିମିଟର ବର୍ଷା ରେକର୍ଡ ହୋଇଥିବା ଜରୁରୀକାଳୀନ ବିଭାଗ ପକ୍ଷରୁ ସୂଚନା ମିଳିଛି ।
ସେକ୍ଟର ୭ ଛେଣ୍ଡ ପେଟ୍ରୋଲ ପମ୍ପ ନିକଟରେ ତିନିଜଣ ଛଦ୍ମ ବେଶୀ ୩ ବାବା ରାସ୍ତାରେ ଯାଉଥିବା ମହିଳା ସ୍ନେହଲତା ଜେନାଙ୍କୁ ଟଙ୍କା ମାଗିଥିଲେ।
ଲଗାଣ ବର୍ଷା ଯୋଗୁଁ ଇନ୍ଦ୍ରାବତୀ ନଦୀର ଜଳସ୍ତର ବୃଦ୍ଧି ପାଇଛି। ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ୍ ଖାତିଗୁଡାସ୍ଥିତ ଇନ୍ଦ୍ରାବତୀ ଜଳଭଣ୍ଡାରର ଆଉ ଏକ ଗେଟ୍ ଖୋଲାଯାଇଛି।