ଟିଏମସିର ଫ୍ରିଜ୍ ହୋଇଥିବା ବ୍ୟାଙ୍କ ଆକାଉଣ୍ଟକୁ ନେଇ ସୁପ୍ରିମକୋର୍ଟରେ ଶୁଣାଣି ହୋଇଛି । ଫ୍ରିଜ୍ ହୋଇଥିବା ଆକାଉଣ୍ଟ ଚଳାଇବାକୁ ଅନୁମତି ଦେବା ପାଇଁ ତୃଣମୂଳ କଂଗ୍ରେସ ପକ୍ଷରୁ କରାଯାଇଥିବା ଆବେଦନକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି । କୋଲକାତା ହାଇକୋର୍ଟରେ ଚାଲିଥିବା ମାମଲାରେ ହସ୍ତକ୍ଷେପ କରିବାକୁ ମଧ୍ୟ ଶୀର୍ଷକୋର୍ଟ ମନା କରିଛନ୍ତି ।
ଫୋନ୍ ଯୋଗେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ସହ କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବ୍ୟବସାୟ-ପ୍ରତିରକ୍ଷା, ସହ ଅନ୍ୟ ଦ୍ବିପାକ୍ଷୀକ ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଆଲୋଚନା କଲେ ଉଭୟ ନେତା । ଏଥି ସହିତ ବିଶ୍ବରେ ଶାନ୍ତି ପ୍ରତିଷ୍ଠା ଏବଂ ସୁରକ୍ଷା ଦିଗରେ କାମ କରିବା ପାଇଁ ସହମତ ହୋଇଛନ୍ତି ମୋଦି ଓ ଟ୍ରମ୍ପ୍ । ଏନେଇ ପ୍ରଧାନମନ୍ତ୍ରୀ ନିଜ ଏକ୍ସ ଆକାଉଣ୍ଟରେ ପୋଷ୍ଟ୍ କରି ସୂଚନା ଦେଇଛନ୍ତି।
ଦିଲ୍ଲୀ ବିମାନବନ୍ଦରରୁ ତିନିଜଣ ଭାରତୀୟ ଯାତ୍ରୀଙ୍କଠାରୁ ୧.୦୩ କୋଟି ଟଙ୍କାର ଚୀନ୍ ନିର୍ମିତ ୧୦ଟି ସାମରିକ ଡ୍ରୋନ୍ ଜବତ କରାଯାଇଛି। ଏହି ତିନି ଯାତ୍ରୀ ଗତ ୨୫ ତାରିଖରେ ହଂକଂରୁ ଭିଏତ୍ନାମ ଦେଇ ଦିଲ୍ଲୀ ଟର୍ମିନାଲ୍-୩ରେ ପହଞ୍ଚି ଥିଲେ। ଗୁପ୍ତ ସୂଚନା ଆଧାରରେ ଗ୍ରୀନ୍ ଚ୍ୟାନେଲ୍ ଅତିକ୍ରମ କରୁଥିବା ସମୟରେ ସେମାନଙ୍କୁ ସୀମାଶୁଳ୍କ ଅଧିକାରୀ ଧରି ନେଇଥିଲେ।
ଦୁବାଇରୁ ତେଲ ଅଭିଭ ଯାଉଥିବା ଫ୍ଲାଏଦୁବାଇର ଏଫଜେଡ୍୍ ବିମାନରେ ରକ୍ତାକ୍ତ ସଂଘର୍ଷ ହୋଇଥିଲା। ମଝି ଆକାଶରେ ଛୁରା ମାଡ଼ ଖାଇ ବୀରତ୍ଵ ଦେଖାଇଲେ ଭାରତୀୟ ପାଇଲଟ। କ୍ୟାପ୍ଟେନ ସ୍ମିଥ ମଚ୍ଛରଙ୍କ ପାଇଁ ବଞ୍ଚିଗଲା ୧୭୬ ଯାତ୍ରୀଙ୍କ ଜୀବନ । ସ୍ମିଥଙ୍କ ସାହାସିକତା ପାଇଁ ପ୍ରଶଂସା କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିଶ୍ଵବ୍ୟାପୀ ଛୁଟୁଛି ସାବାସୀର ସୁଅ ।
ସୁପ୍ରିମକୋର୍ଟକୁ ଖୁବ୍ଶୀଘ୍ର ୩ ଜଣ ନୂଆ ବିଚାରପତି ମିଳିପାରନ୍ତି। ସୁପ୍ରିମକୋର୍ଟ କଲେଜିୟମ ଗୁଜରାଟ ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ସୁନୀତା ଅଗ୍ରୱାଲ, ଦିଲ୍ଲୀ ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ଦେବେନ୍ଦ୍ର କୁମାର ଉପାଧ୍ୟାୟ ଏବଂ ତେଲଙ୍ଗାନା ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ଅପରେଶ କୁମାର ସିଂହଙ୍କୁ ସୁପ୍ରିମକୋର୍ଟର ବିଚାରପତି ଭାବେ ପଦୋନ୍ନତି ପାଇଁ ସୁପାରିସ କରିଛି।
କାଶ୍ମୀର ପ୍ରସଙ୍ଗକୁ ନେଇ ପୁଣି ଥରେ ଜାତିସଂଘ ମାନବାଧିକାର ପରିଷଦରେ ଭାରତ ଓ ପାକିସ୍ତାନ ମଧ୍ୟରେ ବାକ୍ଯୁଦ୍ଧ ଦେଖିବାକୁ ମିଳିଛି। ଜେନେଭାରେ ଚାଲିଥିବା ଜାତିସଂଘ ମାନବାଧିକାର ପରିଷଦର ୬୩ତମ ଅଧିବେଶନରେ ଦୁଇ ଦେଶ ଜମ୍ମୁ-କାଶ୍ମୀର ପ୍ରସଙ୍ଗରେ ପରସ୍ପରର ମତକୁ ଖଣ୍ଡନ କରିଛନ୍ତି। ପାକିସ୍ତାନ ପକ୍ଷରୁ କାଶ୍ମୀରକୁ ଏକ ଅନ୍ତର୍ଜାତୀୟ ବିବାଦୀୟ ଅଞ୍ଚଳ ଭାବେ ଉପସ୍ଥାପନ କରାଯାଇଛି।
ସାଧାରଣ ଜନତାଙ୍କ ଉପରେ ପଡ଼ିଛି ମହଙ୍ଗାମାଡ଼। ଅକ୍ଟୋବର ୧ ରୁ ବହୁ ନିୟମରେ ପରିବର୍ତ୍ତନ ହୋଇଛି। ଏଲପିଜି ସିଲିଣ୍ଡର ଦାମ୍, ବଡ଼ ଏଫଡି ଉପରେ ସୁଧ ହାର, ଏଟିଏମରୁ ଟଙ୍କା ଉଠାଣ, ଏନପିଏସ୍ ଚାର୍ଜ ଏବଂ ଏନଆରଆଇଙ୍କଠାରୁ ସମ୍ପତ୍ତି କିଣିବା ଉପରେ ଟିଡିଏସ୍ ସମ୍ବନ୍ଧୀୟ ନିୟମରେ ପରିବର୍ତ୍ତନ ହୋଇଛି। ଘରୋଇ ଗ୍ରାହକଙ୍କୁ ଏଲପିଜି ବୁକିଂ ପାଇଁ ବାୟୋମେଟ୍ରିକ୍ ଆଧାର ପ୍ରମାଣୀକରଣ ସମ୍ପୂର୍ଣ୍ଣ କରିବାକୁ ପଡ଼ିବ।
ଆଜିଠୁ ଗାଡ଼ିର ପିୟୁସିକୁ ନେଇ ଦିଲ୍ଲୀରେ କଡ଼ା ନିୟମ। ଦିଲ୍ଲୀରେ ଚଳାଚଳ କରୁଥିବା ଯାନବାହନ ପାଇଁ ବୈଧ ପ୍ରଦୂଷଣ ନିୟନ୍ତ୍ରଣ (ପିୟୁସି) ପ୍ରମାଣ ପତ୍ର ରଖିବା ଜରୁରୀ ହୋଇପଡ଼ିଛି। ଏହା ନ ଥିଲେ ପେଟ୍ରୋଲ କିମ୍ବା ସିଏନଜି ମିଳିବ ନାହିଁ। ପ୍ରଦୂଷଣ ରୋକିବା ଲାଗି ନିୟମ କଡ଼ାକଡ଼ି କରାଯାଇଛି। ବାୟୁ ଗୁଣବତ୍ତା ପରିଚାଳନା ଆୟୋଗ (ସିଏକ୍ୟୁଏମ) ଏହି ନିୟମ ଯେମିତି କଡ଼ାକଡ଼ି ଭାବେ ପାଳନ କରାଯାଏ, ତାହା ସୁନିଶ୍ଚିତ ପାଇଁ ସରକାରୀ ଅଧିକାରୀ ଏବଂ ପ୍ରବର୍ତ୍ତନ ଏଜେନ୍ସିଗୁଡ଼ିକୁ ନିର୍ଦ୍ଦେଶ ଦେଇଛନ୍ତି।
ବିଶ୍ଵ ଐତିହ୍ୟ ମାନ୍ୟତା ପାଇବ ଭାରତର ୫ ସ୍ଥାନ। ୟୁନେସ୍କୋ ବିଶ୍ୱ ଐତିହ୍ୟ ମାନ୍ୟତା ପାଇବା ପୂର୍ବରୁ ୱାର୍ଲଡ ହେରିଟେଜ୍ ଟେଣ୍ଟାଟିଭ୍ ତାଲିକାରେ ସ୍ଥାନ ପାଇଛି ଭାରତର ୫ ସ୍ଥାନ। ଏଥିରେ ମଧ୍ୟପ୍ରଦେଶର ବିଦିଶା, ଧାର୍, ମୁରୈନା ଓ ରାୟସେନ ଜିଲ୍ଲାର ଚାରି ସ୍ଥାନ ଅଛି । ପଞ୍ଚମଟି ‘ସାଇଟ୍ସ ଅଫ୍ ସତ୍ୟାଗ୍ରହ’ । ବିଦିଶା ଜିଲ୍ଲାର ଉଦୟଗିରି ଗୁମ୍ଫା, ଧାର ଜିଲ୍ଲାର ବାଘ ଗୁମ୍ଫା, ମୁରୈନା ଜିଲ୍ଲାର ଚମ୍ବଲ ଘାଟିର ମନ୍ଦିର ସମୂହ ଓ ରାୟସେନର ଗିନ୍ନୌରଗଡ଼ ଦୁର୍ଗକୁ ତାଲିକାଭୁକ୍ତ କରାଯାଇଛି।
କଟକ ବଡ଼ ମେଡିକାଲ୍ ଏସସିବିରୁ ଆସିଛି ଚାଞ୍ଚଲ୍ୟକର ଅଭିଯୋଗ । ନିଶାମୁକ୍ତ ହେବା ପାଇଁ ମେଡିକାଲ୍କୁ ଆସିଥିବା ଜଣେ ରୋଗୀଙ୍କୁ ସୁରକ୍ଷାକର୍ମୀ ପିଟିପିଟି ମାରିଦେଇଥିବା ନେଇ ପରିବାର ଲୋକେ ଅଭିଯୋଗ ଆଣିଛନ୍ତି । ଏହି ଘଟଣାକୁ ନେଇ ଏବେ ଏସସିବି ପରିସରରେ ଚର୍ଚ୍ଚା ଜୋର ଧରିଛି । ସୂଚନା ଅନୁସାରେ, ଯାଜପୁର ଅଞ୍ଚଳର ଜଣେ ରୋଗୀ ନିଶାମୁକ୍ତି ଚିକିତ୍ସା ପାଇଁ କଟକ ଏସସିବିର ମାନସିକ ରୋଗ ବିଭାଗରେ ଭର୍ତ୍ତି ହୋଇଥିଲେ ।
୫୦୦ ଟଙ୍କାର ଲାଞ୍ଚ ମାମଲାରେ ୨୩ ବର୍ଷ ପରେ ବୃଦ୍ଧଙ୍କୁ ଜେଲ୍ ଦଣ୍ଡାଦେଶ ଶୁଣାଇଛନ୍ତି କୋର୍ଟ। ସୁନ୍ଦରଗଡ଼ ସ୍ୱତନ୍ତ୍ର ଭିଜିଲାନ୍ସ କୋର୍ଟରେ ଏକ ଲାଞ୍ଚ ମାମଲାରେ ଏଭଳି ରାୟ ପ୍ରକାଶ ପାଇଛି । ରାଉରକେଲା ପାନପୋଷ ଉପଜିଲ୍ଲାପାଳଙ୍କ କାର୍ଯ୍ୟାଳୟର ରାଜସ୍ୱ ବିଭାଗର ପୂର୍ବତନ କନିଷ୍ଠ କିରାଣି ତଥା ଅବସରପ୍ରାପ୍ତ କର୍ମଚାରୀ କୁଞ୍ଜବିହାରୀ ଜେନା (୭୫)ଙ୍କୁ ଅଦାଲତ ଦୋଷୀସାବ୍ୟସ୍ତ କରି ବର୍ଷେ ସଶ୍ରମ କାରାଦଣ୍ଡରେ ଦଣ୍ଡିତ କରିଛନ୍ତି ।
ନକଲି ବ୍ୟାଙ୍କ ଆକାଉଣ୍ଟ ଖୋଲି ସାଇବର ଠକଙ୍କୁ ବିକ୍ରି କରୁଥିବା ଏକ ଆନ୍ତଃରାଜ୍ୟ ସାଇବର୍ ଅପରାଧ ସିଣ୍ଡିକେଟ ଠାବ କରିଛି ରାଉରକେଲା ପୋଲିସ। ଏଥିରେ ସମ୍ପୃକ୍ତ ୨ ଜଣଙ୍କୁ ଗିରଫ କରାଯାଇଛି। ଗିରଫ ଅଭିଯୁକ୍ତ ହେଲେ ରେଳବାଇ କଲୋନୀର ଶେଖ୍ ଅମନ୍ (୨୨), ଅନ୍ୟ ଜଣେ ଗାନ୍ଧୀ ରୋଡର ଯଶ ରାଜ୍ ସିଂ (୨୪)।
ପ୍ଲାଣ୍ଟସାଇଟ୍ ଥାନା ଅଞ୍ଚଳସ୍ଥ ଗୋପବନ୍ଧୁପାଲି ଅଞ୍ଚଳରୁ ପୁଣି ଦେଶୀ ବନ୍ଧୁକ ଜବତ ହୋଇଛି। ବନ୍ଧୁକ ଧରି ବୁଲୁଥିବା ଜଣେ ଅଭିଯୁକ୍ତକୁ ଗିରଫ କରିଛି ପୋଲିସ। ଅଭିଯୁକ୍ତ ହେଲେ ବିହାରର ମୂଳବାସିନ୍ଦା ତଥା ଗୋପବନ୍ଧୁପାଲି ନୂଆବସ୍ତିର ଚନ୍ଦନ ଯାଦବ(୨୫)। ତାଙ୍କୁ ଆଜି କୋର୍ଟ ଚାଲାଣ କରାଯାଇଛି। ଅଭିଯୁକ୍ତ ନିକଟରୁ ଏକ ଦେଶୀ ବନ୍ଧୁକ ଜବତ କରିଛି ପୋଲିସ।
ବେଆଇନ ମଦ କାରବାର ଉପରେ ଚଢ଼ଉ ସମୟରେ ସୁନ୍ଦରଗଡ଼ ଅବକାରୀ ବିଭାଗର କର୍ମଚାରୀଙ୍କୁ ମଦମାଫିଆଙ୍କ ଗୁଣ୍ଡା ଆକ୍ରମଣ କରିଛନ୍ତି। ଅବକାରୀ ବିଭାଗର ଗାଡ଼ି ଭାଙ୍ଗିରୁଜା କରିଥିବାବେଳେ କର୍ମଚାରୀଙ୍କ ଉପରକୁ ଢେଲା ଓ ପଥର ମାଡ଼ କରିଥିଲେ। ଆକ୍ରମଣରେ ଜଣେ ଅବକାରୀ ଏଏସ୍ଆଇ ଆହତ ହୋଇଛନ୍ତି।
ଜମ୍ମୁ-କଶ୍ମୀରରେ ସୁରକ୍ଷାକର୍ମୀଙ୍କ ବଡ଼ ଅଭିଯାନ । ସୁରକ୍ଷାକର୍ମୀଙ୍କ ଗୁଳିରେ ଲସ୍କର କମାଣ୍ଡର ହାଶିମ ମୂସା ନିହତ ହୋଇଛି । ଜମ୍ମୁ-କଶ୍ମୀରର ବଡଗାମ ଜିଲ୍ଲାର ୟୁସମର୍ଗ ଅଞ୍ଚଳରେ ସୁରକ୍ଷାବଳଙ୍କୁ ବଡ଼ ସଫଳତା ମିଳିଛି । ଲଶ୍କର-ଏ-ତୈବାର ଟପ୍ କମାଣ୍ଡର ଭାବେ ପରିଚିତ ହାଶିମ ମୂସା ସୁରକ୍ଷାକର୍ମୀଙ୍କ ସହ ଗୁଳିବିନିମୟବେଳେ ନିହତ ହୋଇଥିବା ସୂଚନା ମିଳିଛି।
କେନ୍ଦ୍ର ସରକାର ରବି ଋତୁ ୨୦୨୭-୨୮ ପାଇଁ ୬ଟି ଫସଲର ସର୍ବନିମ୍ନ ସହାୟକ ମୂଲ୍ୟ (MSP) ବୃଦ୍ଧିକୁ ମଞ୍ଜୁରୀ ଦେଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅର୍ଥନୈତିକ ବ୍ୟାପାର ସମ୍ପର୍କିତ କ୍ୟାବିନେଟ୍ କମିଟି (CCEA) ବୁଧବାର, ସେପ୍ଟେମ୍ବର ୩୦, ୨୦୨୬ରେ ଏହି ନିଷ୍ପତ୍ତି ନେଇଛି।
ନନ୍ଦନକାନନରେ ଓରାଙ୍ଗଉଟାନ୍ ଙ୍କ ସ୍ୱାସ୍ଥ୍ୟରେ ଆସିଛି ଉନ୍ନତି । ଓଡ଼ିଶାର ଜଳବାୟୁ ଓରାଙ୍ଗଉଟାନ୍ ଙ୍କୁ ସୁହାଇଥିବା ବେଳେ ବର୍ତ୍ତମାନ ସେମାନଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ଆସିଥିବା ଜଣାପଡ଼ିଛି । ଏପରିକି ସେମାନଙ୍କ ଓଜନ ମଧ୍ୟ ବଢ଼ିଛି । ଓରାଙ୍ଗଉଟାନ୍ ଙ୍କ ସ୍ୱାସ୍ଥ୍ୟ ଉପରେ ବିଶେଷ ନଜର ରଖାଯାଇଛି । ମହୀଶୂରରୁ ସ୍ୱତନ୍ତ୍ର ଡାକ୍ତର ଆସି ସେମାନଙ୍କ ଚିକିତ୍ସା କରୁଛନ୍ତି ।
ଦୁର୍ଗମ ଅଞ୍ଚଳରୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆସୁ ପାରୁନାହାନ୍ତି ରୋଗୀ। ୨ ମାସରୁ ଅଧିକ ହେବ ମାଗଣା ରୋଗୀ ପରିବହନ ସରକାରୀ ବସ୍ ସେବା ଠପ ହୋଇଥିବାବେଳେ ସ୍ଥାନୀୟ ଲୋକେ ହଇରାଣ ହେଉଛନ୍ତି। ଫଳରେ ଦୁର୍ଗମ ଅଞ୍ଚଳର ରୋଗୀ ଠିକ ସମୟରେ ଚିକିତ୍ସା ପାଇ ପାରୁ ନଥିବା ଦେଖାଯାଇଛି। ଦୁର୍ଗମ ସ୍ୱାଭିମାନ ଅଞ୍ଚଳର ରୋଗୀଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ ସହ ଯୋଡ଼ିବା