ଲଗାଣ ବର୍ଷା ଯୋଗୁ ରାଜ୍ୟର ବିଭିନ୍ନ ସ୍ଥାନରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଯାଜପୁର ଜିଲ୍ଲାରେ ପୁଣି ବନ୍ୟା ସ୍ଥିତି ଭୟାବହ ହୋଇଛି। ଦରପନ୍ତରିଆ ଘାଇରେ ବନ୍ୟାଜଳ ପଶିବା ପରେ ବରୀ ଅଞ୍ଚଳର ଅନେକ ପଞ୍ଚାୟତ ପ୍ରଭାବିତ ହୋଇଛି। ବ୍ରାହ୍ମଣୀ ନଦୀରେ ଦ୍ୱିତୀୟ ବନ୍ୟା ଆସିବାରୁ ବରୀର ବିଭିନ୍ନ ଅଞ୍ଚଳ ଏବେ ଜଳମଗ୍ନ।
ଲଗାଣ ବର୍ଷାରେ ବେହାଲ ହୋଇଛି କେନ୍ଦୁଝର ଚମ୍ପୁଆ ଅଞ୍ଚଳ। ପ୍ରବଳ ବର୍ଷା ଯୋଗୁଁ ବୈତରଣୀ ନଦୀର ଜଳସ୍ତର ବଢ଼ିଥିବାବେଳେ ଏବେ ଅନେକ ଅଞ୍ଚଳରେ ଜଳ ନିଷ୍କାସନ ସମସ୍ୟା ଦେଖାଦେଇଛି। ଚମ୍ପୁଆ ବ୍ଲକ ପଡୁଆ ପଞ୍ଚାୟତ ଅନ୍ତର୍ଗତ ମଙ୍ଗଳପୁର ନିକଟରେ ବାଗଡେଗା ନାଳ ପୋଲ ଭାଙ୍ଗିଯିବାରୁ ସ୍ଥିତି ଆହୁରି ଗମ୍ଭୀର ହୋଇଛି।
ଏହାରି ମଧ୍ୟରେ ପଶ୍ଚିମ ସିକ୍କିମରେ ଭୟଙ୍କର ଭୂସ୍ଖଳନ ଘଟିଛି। ଗ୍ୟାଲସିଂ ଜିଲ୍ଲାର ୟୁକସମ୍ ସବ୍ ଡିଭିଜନ୍ ରିମ୍ବି ଓ ସିଙ୍ଗଲିତମ ଅଞ୍ଚଳରେ ଏହି ଭୂସ୍ଖଳନ ହୋଇଛି I ପାହାଡ଼ରୁ ମାଟି ଓ ପଥର ଲଗାତାର ତଳକୁ ଖସୁଥିବାରୁ ଜନବସତି ସହ ଚାଷଜମି ପ୍ରତି ବିପଦ ବଢ଼ିଛି I ଗତ ଶୁକ୍ରବାର ରାତିରୁ ଭୂସ୍ଖଳନ ଆରମ୍ଭ ହୋଇଥିବା ବେଳେ ଏହାପରେ ମଧ୍ୟ ପାହାଡ଼ ଓ ମାଟିର ଗତି ଜାରି ରହିଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ଆତଙ୍କ ବଢ଼ିଛି।
ସ୍ୱାଧୀନତା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲାଲକିଲ୍ଲାରୁ ଦେଶକୁ ସମ୍ବୋଧିତ କରି କହିଛନ୍ତି, ୧ କୋଟି ଯୁବବର୍ଗଙ୍କୁ ଦିଆଯିବ ଏଆଇ ଦକ୍ଷତା ତାଲିମ । ଏହାସହ ସେ କହିଛନ୍ତି, ଗତ ୧୨ ବର୍ଷ ମଧ୍ୟରେ ପ୍ରତିରକ୍ଷା ଉତ୍ପାଦନ ପ୍ରାୟ ଚାରି ଗୁଣା ହୋଇଥିବାବେଳେ, ଖଦି ଏବଂ ଗ୍ରାମୋଦ୍ୟୋଗ ଉତ୍ପାଦନ ପ୍ରାୟ ପାଞ୍ଚ ଗୁଣା ହୋଇଛି।
ରାଷ୍ଟ୍ରପତି ଦ୍ରୌପଦୀ ମୁର୍ମୁ ୭୮ଜଣଙ୍କୁ ବୀରତ୍ୱ ପୁରସ୍କାର ପ୍ରଦାନ ପାଇଁ ଅନୁମୋଦନ କରିଛନ୍ତି । ପ୍ରତିରକ୍ଷା ବାହିନୀ ଏବଂ କେନ୍ଦ୍ରୀୟ ସଶସ୍ତ୍ର ପୁଲିସ ବାହିନୀର କର୍ମଚାରୀମାନଙ୍କ ପାଇଁ ୭୮ଟି ବୀରତ୍ୱ ପୁରସ୍କାର ଅନୁମୋଦନ କରିଛନ୍ତି । ଏହି ୭୮ ସାହସିକତା ପୁରସ୍କାର ମଧ୍ୟରୁ ୧୩ ଜଣଙ୍କୁ ମରଣୋତ୍ତର ସମ୍ମାନ ରହିଛି।
ଲଗାଣ ବର୍ଷା ଯୋଗୁ ଉତ୍ତର ଓଡ଼ିଶାରେ ବନ୍ୟା ପରିସ୍ଥିତି ଦେଖାଯାଇଥିବା ଏହା ଉପରେ ନଜର ରଖାଯାଇଛି। ବାଲେଶ୍ୱର, ଭଦ୍ରକ ଓ ଯାଜପୁର ଜିଲ୍ଲାରେ ମଧ୍ୟମ ଧରଣର ବନ୍ୟା ଆଶଙ୍କା ରହିଥିବାରୁ ଗ୍ରାଉଣ୍ଡରେ ଅଧିକାରୀମାନେ ମୁତୟନ ଅଛନ୍ତି। ପ୍ରଭାବିତ ଅଞ୍ଚଳରେ ଲୋକଙ୍କୁ ସ୍ଥାନାନ୍ତରଣ ମଧ୍ୟ ଆରମ୍ଭ ହୋଇଛି। ଏନେଇ ଏସଆରସି ରାଜେଶ ପ୍ରଭାକର ପାଟିଲ ସୂଚନା ଦେଇଛନ୍ତି।
କୁନି ପୁଅର ଚିକିତ୍ସା ପାଇଁ କୋଲକାତା ଯିବା ଲାଗି ବିମାନକୁ କରିଥିଲେ ଅପେକ୍ଷା। ବିମାନ ବିଳମ୍ବ ନେଇ ଘୋଷଣା ପରେ ବି ସେ ଧର୍ଯ୍ୟ ହାରି ନଥିଲେ। କୋଳରେ ଅସୁସ୍ଥ ପୁଅ, ଆଉ ଘୋଷଣା ହେଲା ବିମାନ ସମ୍ପୂର୍ଣ୍ଣ ବାତିଲ। ଯାହାକୁ ନେଇ ମାଆ ମନ ବିଚଳିତ ହେବା ସହ ଧର୍ଯ୍ୟହରା ହୋଇପଡ଼ିଥିଲେ। ବିମାନ ବାତିଲକୁ ନେଇ ମହିଳା ତାତି ଉଠିଥିବାବେଳ, ଏୟାରପୋର୍ଟରେ କଲେ ଭଙ୍ଗାରୁଜା ।
ବିଶିଷ୍ଟ ପୋଲିସ୍ ସେବା ପୁରସ୍କାର ୨୦୨୬ ଘୋଷଣା ହୋଇଛି। ଓଡ଼ିଶାର ୧୭ ଜଣଙ୍କୁ ମିଳିବ ପୋଲିସ୍ ସେବା ପୁରସ୍କାର। ୫ ଜଣଙ୍କୁ ସାହସିକତା ଓ ୨ ଜଣଙ୍କୁ ମିଳିବ ରାଷ୍ଟ୍ରପତି ପଦକ। ପ୍ରଶଂସନୀୟ ସେବା ପଦକ ପାଇଁ ୧୦ ଜଣ ମନୋନୀତ ହୋଇଛନ୍ତି। ଏଡିଜି ସଂଜୀବ ପଣ୍ଡା ଓ ଡିଏସପି ସ୍ମିତାରାଣୀ ମହାନ୍ତିଙ୍କୁ ମିଳିବ ରାଷ୍ଟ୍ରପତି ପଦକ।
ବହୁ ଚର୍ଚ୍ଚିତ ଆରଜି କର ଦୁଷ୍କର୍ମ ମାମଲାରେ ବାଲେଶ୍ବରର ସିମୁଳିଆରୁ ପୂର୍ବତନ ଟିଏମସି ବିଧାୟକ ନିର୍ମଳ ଘୋଷ ଗିରଫ। ଆରଜି କର ମେଡିକାଲ କଲେଜ ଦୁଷ୍କର୍ମ ଓ ହତ୍ୟା ମାମଲାରେ ଏକ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ପୀଡ଼ିତା ଡାକ୍ତରଙ୍କ ଶବକୁ ତରବରିଆ ଭାବେ ଦାହ କରିବା ଏବଂ ପ୍ରମାଣ ନଷ୍ଟ କରିବା ଅଭିଯୋଗରେ ତୃଣମୂଳ କଂଗ୍ରେସର ପୂର୍ବତନ ବିଧାୟକ ନିର୍ମଳ ଘୋଷଙ୍କୁ ପୋଲିସ ଗିରଫ କରିଛି।
ଶିରୋମଣି ଅକାଳୀ ଦଳ ମୁଖ୍ୟ ଏବଂ ପୂର୍ବତନ ପଞ୍ଜାବ ଉପମୁଖ୍ୟମନ୍ତ୍ରୀ ସୁଖବୀର ସିଂହ ବାଦଲଙ୍କ ଉପରେ ମହାରାଷ୍ଟ୍ରର ନାନ୍ଦେଡରେ ଆକ୍ରମଣ କରାଯାଇଛି। ଏହି ଆକ୍ରମଣରେ ତାଙ୍କ ସୁରକ୍ଷା ପାଇଁ ନିୟୋଜିତ ଜଣେ ପୋଲିସ କର୍ମଚାରୀ ମଧ୍ୟ ଆହତ ହୋଇଛନ୍ତି। ସୁଖବୀର ସିଂହ ବାଦଲଙ୍କୁ ଚିକିତ୍ସା ପାଇଁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି।
ସ୍ବାଧୀନତାର ୮ ଦଶନ୍ଧ ପରେ ବି ଗଁାକୁ ରାସ୍ତା ନଥିବାରୁ ହଟହଟା ହୋଇଛନ୍ତି ଜଣେ ଗର୍ଭବତୀ। ଗୋଟିଏ ପଟେ ପ୍ରସବ ଯନ୍ତ୍ରଣା ତ, ଅନ୍ୟ ପଟେ ଖରାପ ରାସ୍ତା ଯୋଗୁଁ ଛଟପଟ ହୋଇଛନ୍ତି ମହିଳା। ଅଧାବାଟରେ ଆମ୍ବୁଲାନ୍ସ ଅଟକି ଥିବାବେଳେ ଦୀର୍ଘ ୩ କିମି ପର୍ଯ୍ୟନ୍ତ ଗର୍ଭବତୀଙ୍କୁ େଷ୍ଟଚରରେ ବୋହିନେଲେ ଆମ୍ବୁଲାନ୍ସ କର୍ମଚାରୀ। ଏଭଳି ଦୃଶ୍ୟ େଦଖିବାକୁ ମିଳିଛି କୋରାପୁଟ ଜିଲ୍ଲା ନନ୍ଦପୁର ବ୍ଲକ ଅତଣ୍ଡା ପଞ୍ଚାୟତ ଅନ୍ତର୍ଗତ ଶ୍ରୀଗ୍ରାମପୁଟ ଗାଁରେ।
ନୂଆଦିଲ୍ଲୀ,(ସତ୍ୟପାଠବ୍ୟୁରୋ): ପ୍ରବଳ ହଟ୍ଟଗୋଳ ମଧ୍ୟରେ ଶେଷ ହୋଇଛି ସଂସଦର ମୌସୁମୀ ଅଧିବେଶନ। ଗୁର…
ହମିରପୁର ଗୋପପୁର ଗାଁ ନିକଟସ୍ଥ ଜଙ୍ଗଲକୁ ଲାଗି ରହିଥିବା ଜମିରେ ଏକ ଗଭୀର ଖାଲରେ ପଡ଼ିଯାଇଥିବା ହାତୀ ଶାବକକୁ ଦୀର୍ଘ ୬ ଘଣ୍ଟାର କସରତ ପରେ ଉଦ୍ଧାର ହୋଇଛି। ଜେସିବି ସାହାଯ୍ୟରେ ବନ ବିଭାଗ ସୁରକ୍ଷିତ ଭାବେ ହାତୀ ଶାବକକୁ ଉଦ୍ଧାର କରିବାରେ ସଫଳ େହାଇଛି। ସୁନ୍ଦରଗଡ଼ ସଦର ଫରେଷ୍ଟ ରେଞ୍ଜ ଅନ୍ତର୍ଗତ ହମିରପୁର ପଞ୍ଚାୟତର ଗୋପପୁର ଗାଁ ନିକଟସ୍ଥ ଜଙ୍ଗଲର ଏକ ଖାଲରେ ଆଜି ଭୋରରୁ ଏକ ହାତୀ ଶାବକ ଗଳି ପଡିଥିଲ।
ତୁହାକୁ ତୁହା ଲାଗି ରହିଛି ବର୍ଷା। ଛାଡ଼ିବାର ନଁା ଧରୁ ନାହିଁ। ମଧ୍ୟ ରାତିରୁ ଜାରି ରହିଥÒବା ଲଗାଣ ବର୍ଷାରେ କୋଇଡା ବ୍ଲକ ଅନ୍ତର୍ଗତ କେର୍କେଟା ସାହି ନାଲି ପାଣିରେ ଉବୁଟୁବୁ ହେଉଛି। ଗଳିକନ୍ଦି ଦୂର କଥା ମୁଖ୍ୟ ରାସ୍ତାରେ ଆଣ୍ଠୁଏ ନାଲି ପାଣି ଲହଡ଼ି ମାରୁଛି। ପାଣି ନିଷ୍କାସନ ବ୍ୟବସ୍ଥା ନଥିବାରୁ ସେଠାରେ କୃତ୍ରିମ ବନ୍ୟା ସୃଷ୍ଟି ହୋଇଛି, ଯାହାଫଳରେ ୫୦ରୁ ଉର୍ଦ୍ଧ୍ୱ ପରିବାର ଏବେ ଚାରିପାଖରେ ଜଳବନ୍ଦୀ ଅବସ୍ଥାରେ ଦିନ କାଟୁଥିବା ଦେଖିବାକୁ ମିିଳିଛି।
ଭୂକମ୍ପରେ ଥରି ଉଠିଲା ଲେହ-ଲଦାଖ। ସକାଳୁ ସକାଳୁ ଭୂକମ୍ପର ଝଟକା ଅନୁଭବ କରିଥିଲେ ଲଦାଖବାସୀ। ଲଦାଖର ଲେହଠାରେ ଗୁରୁବାର ସକାଳେ ଏକ ବଡ଼ଧରଣର ଭୂକମ୍ପ ଅନୁଭୂତ ହୋଇଛି । ସକାଳ ପ୍ରାୟ ୬ଟା ୫ ମିନିଟ୍ ସମୟରେ ହଠାତ୍ ଭୂକମ୍ପ ହେବାରୁ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା ।
ଓଡ଼ିଶାର ପରବର୍ତ୍ତୀ ପୁଲିସ ମହାନିର୍ଦ୍ଦେଶକ (ଡିଜିପି) ନିଯୁକ୍ତିକୁ ନେଇ ଚାଲିଥିବା ବିବାଦ ଏବେ ସୁପ…
ରାସ୍ତାକଡ଼ରେ ଛିଡ଼ା ହୋଇଥିବା ଏକ କାର ଭିତରୁ ଯୁବତୀଙ୍କୁ ଟାଣି ନେଇ ଗଣ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି। ଏଥିସହ ତାଙ୍କ ପୁରୁଷ ବନ୍ଧୁଙ୍କୁ ମଧ୍ୟ ଦୁର୍ବୃତ୍ତମାନେ ମାଡ଼ ମାରିଥିବା ସୂଚନା ମିଳିଛି। ଘଟଣାର ତଦନ୍ତ କରି ୨ ଜଣଙ୍କୁ ଗିରଫ କରିଛି କଟକ ଗ୍ରାମାଞ୍ଚଳ ପୋଲିସ।
ବାଣୀବିହାର ଲ’ କଲେଜରେ ପ୍ରବଳ ଉତ୍ତେଜନା ଦେଖାଯାଇଛି। କଲେଜ ଅଧ୍ୟକ୍ଷ ଜୁନିୟର ଓ ସିନିୟରଙ୍କ ଭିତରେ ବିଭେଦ ସୃଷ୍ଟି କରୁଥିବା ନେଇ ଅଭିଯୋଗ କରିଛନ୍ତି ଛାତ୍ରଛାତ୍ରୀ। ଏହାସହ ପିଲାଙ୍କୁ ୱେଲକମ, ଫେରୱେଲ ସହ ଅନ୍ୟ କାର୍ଯ୍ୟକ୍ରମ କରିବାକୁ ଦିଆଯାଉ ନଥିବା ଅଭିଯୋଗ ହେଉଛି। ପ୍ରତିବାଦରେ ଛାତ୍ରଛାତ୍ରୀମାନେ ଅଧ୍ୟକ୍ଷଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି।