୨୦୨୭ ଜନଗଣନା ସୋମବାରଠାରୁ ଆରମ୍ଭ ହୋଇଛି। ଅଗଷ୍ଟ ୧୭ରୁ ଲୋକେ ଅନଲାଇନ୍ରେ ନିଜର ଓ ପରିବାର ସଦସ୍ୟଙ୍କ ସମ୍ପର୍କିତ ତଥ୍ୟ ନିଜେ ଦାଖଲ କରିପାରିବେ। ପ୍ରଥମ ପର୍ଯ୍ୟାୟରେ କେନ୍ଦ୍ରଶାସିତ ଅଞ୍ଚଳ ଲଦାଖ ସହ ଜମ୍ମୁ-କଶ୍ମୀର, ହିମାଚଳ ପ୍ରଦେଶ ଓ ଉତ୍ତରାଖଣ୍ଡର ବରଫ ପଡୁଥିବା ତଥା ଦୁର୍ଗମ ଅଞ୍ଚଳରେ ଜନଗଣନା କରାଯିବ।
ରନ୍ଧା ଖାଦ୍ୟରେ ପୋକ। ତାହା ପୁଣି ଝାରସୁଗୁଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ । ରୋଗୀଙ୍କ ପାଇଁ ଯୋଗାଇ ଦିଆଯାଇଥିବା ଖାଦ୍ୟରୁ ପୋକ ବାହାରି ଥିବା ନେଇ ସଙ୍ଗୀନ ଅଭିଯୋଗ େହାଇଛି। ଏହାକୁ ନେଇ ରୋଗୀ ଓ ସମ୍ପର୍କୀୟଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।
ବ୍ୟବସାୟୀ ନରେନ୍ଦ୍ର ସାହୁଙ୍କୁ ଅପହରଣ ମାମଲାରେ ବଢ଼ିଲା ଗିରଫଦାରୀ। ଭୁବନେଶ୍ଵରରୁ ବଲାଙ୍ଗିର ପୋଲିସ ଆଉ ୨ ଜଣଙ୍କୁ ଗିରଫ କରିଛି। ମହିଳା ପୋଲିସ ଏସ୍ଆଇ ସ୍ନେହା ମଞ୍ଜରୀ ସାହୁଙ୍କ ସହ ସାମ୍ବାଦିକ ସଞ୍ଜୟ ଜେନାଙ୍କୁ ଗିରଫ କରିଛି ବଲାଙ୍ଗିର ପୋଲିସ। ବଲାଙ୍ଗିର ବ୍ୟବସାୟୀ ଅପହରଣ ମାମଲାରେ ବଡ଼ ଟ୍ବିଷ୍ଟ ଦେଖିବାକୁ ମିଳିଛି। ମହିଳା ଏସଆଇଙ୍କୁ ଗିରଫ କଲା ପୋଲିସ।
ମାଲକାନଗିରି ଜିଲ୍ଲା ମାଥିଲି ବ୍ଲକ ଜନ୍ଦ୍ରାଗୁଡ଼ା ଗାଁରେ ବାଘ ଆତଙ୍କ ଦେଖାଯାଇଛି। ବାଘ ଆକ୍ରମଣରେ ଜଣେ ୪ ବର୍ଷର ଶିଶୁକନ୍ୟା ଗୁରୁତର ଆହତ ହୋଇଛନ୍ତି। ଘର ନିକଟରେ ଖେଳୁଥିବା ବେଳେ ହଠାତ୍ ଏକ ବନ୍ୟଜନ୍ତୁ ଆସି ଶିଶୁକୁ ଆକ୍ରମଣ କରିଥିବା ଅଭିଯୋଗ ହୋଇଛି। ସୂଚନା ଅନୁସାରେ, ଜନ୍ଦ୍ରାଗୁଡ଼ା ଗାଁର ଆଇତା ବେଟିଙ୍କ ୪ ବର୍ଷର ଝିଅ ସରୋଜିନୀ
ବିଭିନ୍ନ ଦାବି ନେଇ ଝାରସୁଗୁଡ଼ାରେ ଅଙ୍ଗନବାଡ଼ି କର୍ମୀ ଆନ୍ଦୋଳନ କରିଛନ୍ତି। ଶହ ଶହ ଅଙ୍ଗନବାଡ଼ି କର୍ମୀ ଓ ସହାୟିକା ଏକାଠି ହୋଇ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଛନ୍ତି। ସରକାରୀ ମାନ୍ୟତା ସହ ଦରମା ବୃଦ୍ଧି ଦାବିରେ ଆନ୍ଦୋଳନକୁ ଓହ୍ଲାଇଛନ୍ତି କର୍ମୀମାନେ। ଅଙ୍ଗନବାଡ଼ି କର୍ମୀଙ୍କ କହିବା ଅନୁସାରେ, ତୃଣମୂଳ ସ୍ତରରେ ଶିଶୁଙ୍କ ପାଇଁ ବିଭିନ୍ନ ସେବା ଯୋଗାଇ ଦେଉଥିଲେ ମଧ୍ୟ ସେମାନଙ୍କ ସମସ୍ୟା ପ୍ରତି ଯଥେଷ୍ଟ ଧ୍ୟାନ ଦିଆଯାଉନାହିଁ ।
ଭଙ୍ଗା ଘରେ କଟୁଛି ଦିନ। ପେଟକୁ ୨ ମୁଠା ଖାଇବା ପାଇଁ କରିବାକୁ ପଡ଼ୁଛି ସଂଘର୍ଷ। ଝାଟିମାଟି ଘରେ ଦୁର୍ଦ୍ଦିନରେ ଦିନ କାଟୁଛନ୍ତି କୋରାପୁଟ ଜିଲ୍ଲା ସେମିଳିଗୁଡ଼ା ପଞ୍ଚାୟତ ଅଧୀନ ବଡ଼ବଡ଼ିଙ୍ଗା ଗ୍ରାମର ଦନେଇ ଖିନବୁଡ଼ି। କାନ୍ଥରୁ ମାଟି ଝଡ଼ି ଲଗାଣି, ବର୍ଷାରେ ଘରଟି କେତେବେଳେ ଭୁଶୁଡ଼ି ପଡ଼ିବ କିଛି କହି ହେବ ନାହିଁ। ଦନେଇଙ୍କ ଦୟନୀୟ ସ୍ଥିତି ଦେଖିଲେ ଲାଗେ ସରକାରଙ୍କ ସବୁ ଯୋଜନା
ପଶ୍ଚିମବଙ୍ଗର ବୀରଭୂମ ଜିଲ୍ଲାର ଏକ ହୋଟେଲରେ ଅଗ୍ନିକାଣ୍ଡ ଘଟି ୬ ଜଣ ଆଖି ବୁଜିଛନ୍ତି। ସୋମବାର ସକାଳୁ ଭୟାବହ ଅଗ୍ନିକାଣ୍ଡ ହୋଇଥିବାବେଳେ ଏଥିରେ ଏକାଧିକ ଲୋକ ଆହତ ହୋଇଥିବା ସୂଚନା ମିଳିଛି। ଭୀଷଣ ନିଆଁ ଲାଗିଥିବା ଖବର ପାଇ ଅଗ୍ନିଶମ ବାହିନୀ ପହଞ୍ଚିଥିଲା। ଦୀର୍ଘ ସମୟର ପ୍ରୟାସ ପରେ ନିଆଁ ଆୟତ୍ତକୁ ଆସିଛି।
ଲଗାଣ ବର୍ଷା ଯୋଗୁ ରାଜ୍ୟର ବିଭିନ୍ନ ସ୍ଥାନରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଯାଜପୁର ଜିଲ୍ଲାରେ ପୁଣି ବନ୍ୟା ସ୍ଥିତି ଭୟାବହ ହୋଇଛି। ଦରପନ୍ତରିଆ ଘାଇରେ ବନ୍ୟାଜଳ ପଶିବା ପରେ ବରୀ ଅଞ୍ଚଳର ଅନେକ ପଞ୍ଚାୟତ ପ୍ରଭାବିତ ହୋଇଛି। ବ୍ରାହ୍ମଣୀ ନଦୀରେ ଦ୍ୱିତୀୟ ବନ୍ୟା ଆସିବାରୁ ବରୀର ବିଭିନ୍ନ ଅଞ୍ଚଳ ଏବେ ଜଳମଗ୍ନ।
ଲଗାଣ ବର୍ଷାରେ ବେହାଲ ହୋଇଛି କେନ୍ଦୁଝର ଚମ୍ପୁଆ ଅଞ୍ଚଳ। ପ୍ରବଳ ବର୍ଷା ଯୋଗୁଁ ବୈତରଣୀ ନଦୀର ଜଳସ୍ତର ବଢ଼ିଥିବାବେଳେ ଏବେ ଅନେକ ଅଞ୍ଚଳରେ ଜଳ ନିଷ୍କାସନ ସମସ୍ୟା ଦେଖାଦେଇଛି। ଚମ୍ପୁଆ ବ୍ଲକ ପଡୁଆ ପଞ୍ଚାୟତ ଅନ୍ତର୍ଗତ ମଙ୍ଗଳପୁର ନିକଟରେ ବାଗଡେଗା ନାଳ ପୋଲ ଭାଙ୍ଗିଯିବାରୁ ସ୍ଥିତି ଆହୁରି ଗମ୍ଭୀର ହୋଇଛି।
ଏହାରି ମଧ୍ୟରେ ପଶ୍ଚିମ ସିକ୍କିମରେ ଭୟଙ୍କର ଭୂସ୍ଖଳନ ଘଟିଛି। ଗ୍ୟାଲସିଂ ଜିଲ୍ଲାର ୟୁକସମ୍ ସବ୍ ଡିଭିଜନ୍ ରିମ୍ବି ଓ ସିଙ୍ଗଲିତମ ଅଞ୍ଚଳରେ ଏହି ଭୂସ୍ଖଳନ ହୋଇଛି I ପାହାଡ଼ରୁ ମାଟି ଓ ପଥର ଲଗାତାର ତଳକୁ ଖସୁଥିବାରୁ ଜନବସତି ସହ ଚାଷଜମି ପ୍ରତି ବିପଦ ବଢ଼ିଛି I ଗତ ଶୁକ୍ରବାର ରାତିରୁ ଭୂସ୍ଖଳନ ଆରମ୍ଭ ହୋଇଥିବା ବେଳେ ଏହାପରେ ମଧ୍ୟ ପାହାଡ଼ ଓ ମାଟିର ଗତି ଜାରି ରହିଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ଆତଙ୍କ ବଢ଼ିଛି।
ସ୍ୱାଧୀନତା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲାଲକିଲ୍ଲାରୁ ଦେଶକୁ ସମ୍ବୋଧିତ କରି କହିଛନ୍ତି, ୧ କୋଟି ଯୁବବର୍ଗଙ୍କୁ ଦିଆଯିବ ଏଆଇ ଦକ୍ଷତା ତାଲିମ । ଏହାସହ ସେ କହିଛନ୍ତି, ଗତ ୧୨ ବର୍ଷ ମଧ୍ୟରେ ପ୍ରତିରକ୍ଷା ଉତ୍ପାଦନ ପ୍ରାୟ ଚାରି ଗୁଣା ହୋଇଥିବାବେଳେ, ଖଦି ଏବଂ ଗ୍ରାମୋଦ୍ୟୋଗ ଉତ୍ପାଦନ ପ୍ରାୟ ପାଞ୍ଚ ଗୁଣା ହୋଇଛି।
ରାଷ୍ଟ୍ରପତି ଦ୍ରୌପଦୀ ମୁର୍ମୁ ୭୮ଜଣଙ୍କୁ ବୀରତ୍ୱ ପୁରସ୍କାର ପ୍ରଦାନ ପାଇଁ ଅନୁମୋଦନ କରିଛନ୍ତି । ପ୍ରତିରକ୍ଷା ବାହିନୀ ଏବଂ କେନ୍ଦ୍ରୀୟ ସଶସ୍ତ୍ର ପୁଲିସ ବାହିନୀର କର୍ମଚାରୀମାନଙ୍କ ପାଇଁ ୭୮ଟି ବୀରତ୍ୱ ପୁରସ୍କାର ଅନୁମୋଦନ କରିଛନ୍ତି । ଏହି ୭୮ ସାହସିକତା ପୁରସ୍କାର ମଧ୍ୟରୁ ୧୩ ଜଣଙ୍କୁ ମରଣୋତ୍ତର ସମ୍ମାନ ରହିଛି।
ଲଗାଣ ବର୍ଷା ଯୋଗୁ ଉତ୍ତର ଓଡ଼ିଶାରେ ବନ୍ୟା ପରିସ୍ଥିତି ଦେଖାଯାଇଥିବା ଏହା ଉପରେ ନଜର ରଖାଯାଇଛି। ବାଲେଶ୍ୱର, ଭଦ୍ରକ ଓ ଯାଜପୁର ଜିଲ୍ଲାରେ ମଧ୍ୟମ ଧରଣର ବନ୍ୟା ଆଶଙ୍କା ରହିଥିବାରୁ ଗ୍ରାଉଣ୍ଡରେ ଅଧିକାରୀମାନେ ମୁତୟନ ଅଛନ୍ତି। ପ୍ରଭାବିତ ଅଞ୍ଚଳରେ ଲୋକଙ୍କୁ ସ୍ଥାନାନ୍ତରଣ ମଧ୍ୟ ଆରମ୍ଭ ହୋଇଛି। ଏନେଇ ଏସଆରସି ରାଜେଶ ପ୍ରଭାକର ପାଟିଲ ସୂଚନା ଦେଇଛନ୍ତି।
କୁନି ପୁଅର ଚିକିତ୍ସା ପାଇଁ କୋଲକାତା ଯିବା ଲାଗି ବିମାନକୁ କରିଥିଲେ ଅପେକ୍ଷା। ବିମାନ ବିଳମ୍ବ ନେଇ ଘୋଷଣା ପରେ ବି ସେ ଧର୍ଯ୍ୟ ହାରି ନଥିଲେ। କୋଳରେ ଅସୁସ୍ଥ ପୁଅ, ଆଉ ଘୋଷଣା ହେଲା ବିମାନ ସମ୍ପୂର୍ଣ୍ଣ ବାତିଲ। ଯାହାକୁ ନେଇ ମାଆ ମନ ବିଚଳିତ ହେବା ସହ ଧର୍ଯ୍ୟହରା ହୋଇପଡ଼ିଥିଲେ। ବିମାନ ବାତିଲକୁ ନେଇ ମହିଳା ତାତି ଉଠିଥିବାବେଳ, ଏୟାରପୋର୍ଟରେ କଲେ ଭଙ୍ଗାରୁଜା ।
ବିଶିଷ୍ଟ ପୋଲିସ୍ ସେବା ପୁରସ୍କାର ୨୦୨୬ ଘୋଷଣା ହୋଇଛି। ଓଡ଼ିଶାର ୧୭ ଜଣଙ୍କୁ ମିଳିବ ପୋଲିସ୍ ସେବା ପୁରସ୍କାର। ୫ ଜଣଙ୍କୁ ସାହସିକତା ଓ ୨ ଜଣଙ୍କୁ ମିଳିବ ରାଷ୍ଟ୍ରପତି ପଦକ। ପ୍ରଶଂସନୀୟ ସେବା ପଦକ ପାଇଁ ୧୦ ଜଣ ମନୋନୀତ ହୋଇଛନ୍ତି। ଏଡିଜି ସଂଜୀବ ପଣ୍ଡା ଓ ଡିଏସପି ସ୍ମିତାରାଣୀ ମହାନ୍ତିଙ୍କୁ ମିଳିବ ରାଷ୍ଟ୍ରପତି ପଦକ।
ବହୁ ଚର୍ଚ୍ଚିତ ଆରଜି କର ଦୁଷ୍କର୍ମ ମାମଲାରେ ବାଲେଶ୍ବରର ସିମୁଳିଆରୁ ପୂର୍ବତନ ଟିଏମସି ବିଧାୟକ ନିର୍ମଳ ଘୋଷ ଗିରଫ। ଆରଜି କର ମେଡିକାଲ କଲେଜ ଦୁଷ୍କର୍ମ ଓ ହତ୍ୟା ମାମଲାରେ ଏକ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ପୀଡ଼ିତା ଡାକ୍ତରଙ୍କ ଶବକୁ ତରବରିଆ ଭାବେ ଦାହ କରିବା ଏବଂ ପ୍ରମାଣ ନଷ୍ଟ କରିବା ଅଭିଯୋଗରେ ତୃଣମୂଳ କଂଗ୍ରେସର ପୂର୍ବତନ ବିଧାୟକ ନିର୍ମଳ ଘୋଷଙ୍କୁ ପୋଲିସ ଗିରଫ କରିଛି।
ଶିରୋମଣି ଅକାଳୀ ଦଳ ମୁଖ୍ୟ ଏବଂ ପୂର୍ବତନ ପଞ୍ଜାବ ଉପମୁଖ୍ୟମନ୍ତ୍ରୀ ସୁଖବୀର ସିଂହ ବାଦଲଙ୍କ ଉପରେ ମହାରାଷ୍ଟ୍ରର ନାନ୍ଦେଡରେ ଆକ୍ରମଣ କରାଯାଇଛି। ଏହି ଆକ୍ରମଣରେ ତାଙ୍କ ସୁରକ୍ଷା ପାଇଁ ନିୟୋଜିତ ଜଣେ ପୋଲିସ କର୍ମଚାରୀ ମଧ୍ୟ ଆହତ ହୋଇଛନ୍ତି। ସୁଖବୀର ସିଂହ ବାଦଲଙ୍କୁ ଚିକିତ୍ସା ପାଇଁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି।
ସ୍ବାଧୀନତାର ୮ ଦଶନ୍ଧ ପରେ ବି ଗଁାକୁ ରାସ୍ତା ନଥିବାରୁ ହଟହଟା ହୋଇଛନ୍ତି ଜଣେ ଗର୍ଭବତୀ। ଗୋଟିଏ ପଟେ ପ୍ରସବ ଯନ୍ତ୍ରଣା ତ, ଅନ୍ୟ ପଟେ ଖରାପ ରାସ୍ତା ଯୋଗୁଁ ଛଟପଟ ହୋଇଛନ୍ତି ମହିଳା। ଅଧାବାଟରେ ଆମ୍ବୁଲାନ୍ସ ଅଟକି ଥିବାବେଳେ ଦୀର୍ଘ ୩ କିମି ପର୍ଯ୍ୟନ୍ତ ଗର୍ଭବତୀଙ୍କୁ େଷ୍ଟଚରରେ ବୋହିନେଲେ ଆମ୍ବୁଲାନ୍ସ କର୍ମଚାରୀ। ଏଭଳି ଦୃଶ୍ୟ େଦଖିବାକୁ ମିଳିଛି କୋରାପୁଟ ଜିଲ୍ଲା ନନ୍ଦପୁର ବ୍ଲକ ଅତଣ୍ଡା ପଞ୍ଚାୟତ ଅନ୍ତର୍ଗତ ଶ୍ରୀଗ୍ରାମପୁଟ ଗାଁରେ।