ନାୟରା ଏନର୍ଜି ପରେ ଆଉ ଏକ ପ୍ରାଇଭେଟ୍ ଫୁଏଲ୍ କମ୍ପାନୀ ତେଲ ଦର ବୃଦ୍ଧି କରିଛି। ରିଲାଏନ୍ସ ଇଣ୍ଡଷ୍ଟ୍ରିଜର ସହଯୋଗୀ ସଂସ୍ଥା 'ଜିଓ-ବିପି' ପେଟ୍ରୋଲ ଦରରେ ୫ ଟଙ୍କା ଏବଂ ଡିଜେଲ ଦରରେ ୩ ଟଙ୍କା ପ୍ରତି ଲିଟର ବୃଦ୍ଧି କରିଛି। ହରିୟାଣାରେ ଜିଓ-ବିପି ଆଉଟଲେଟ୍ଗୁଡ଼ିକରେ ପେଟ୍ରୋଲ ପ୍ରାୟ ୧୦୯.୮୦ ଟଙ୍କା ଏବଂ ଡିଜେଲ ୯୭.୭୫ ଟଙ୍କା ପ୍ରତି ଲିଟର ଦରରେ ବିକ୍ରି ହେଉଛି।
ମୁଖ୍ୟ ବିଚାରପତି ସୂର୍ଯ୍ୟ କାନ୍ତ ସୋମବାର ଦିନ କହିଛନ୍ତି ଯେ, ସେ 'ଇଣ୍ଡିଆ' ମେଣ୍ଟର ସାଂସଦମାନଙ୍କୁ ସେମାନଙ୍କ ସହ ସାକ୍ଷାତ କରି ନପାରିବାର କାରଣ ବୁଝାଇ ଦେଇଥିଲେ। ସେ ଉଲ୍ଲେଖ କରିଛନ୍ତି ଯେ ରବିବାର ସେ ବିରୋଧୀ ଦଳ ପକ୍ଷରୁ ଏକ ଚିଠି ପାଇଥିଲେ ଏବଂ ସେହି ରାତିରେ ହିଁ ତାହାର ଉତ୍ତର ଦେଇ ସାକ୍ଷାତ କରିନପାରିବାର କାରଣଗୁଡ଼ିକ ସମ୍ପର୍କରେ ଜଣାଇଥିଲେ।
ପାକ୍ ବେଲୁଚିସ୍ତାନ ପ୍ରାନ୍ତରେ ଥିବା ଗ୍ୱାଦର ଜିଲ୍ଲାରେ ବେଲୁଚ୍ ଲିବରେସନ୍ ଆର୍ମୀ ବଡ ଧରଣର ଆକ୍ରମଣ କରିଛି। ଏଥିରେ ପାକ୍ ସୈନ୍ୟ ପୋଷ୍ଟ ଏବଂ ଛୋଟ ଜାହାଜକୁ ଟାର୍ଗେଟ୍ କରାଯାଇଛି । ଫଳରେ ୧୩ ଜଣ ପାକ୍ କୋଷ୍ଟ୍ ଗାର୍ଡଙ୍କ ମୃତ୍ୟୁ ହୋଇଥିବା ବିଏଲଏ ଦାବି କରିଛି। ବିଏଲଏର ନୌସେନା ହମ୍ମାଲ ମ୍ୟାରିଟାଇମ୍ ଡିଫେନ୍ସ ଫୋର୍ସ ଏହି ଆକ୍ରମଣ କରିଛି ।
ପୂର୍ବତନ ବିଧାୟକଙ୍କୁ ବିଭତ୍ସ ଭାବେ ହତ୍ୟା କରାଯାଇଛି। ପୁରୁଣା ବିବାଦ କାରଣରୁ ରାଜସ୍ଥାନର ଭରତପୁର ଜିଲ୍ଲାରେ ପୂର୍ବତନ ବିଧାୟକ ଅତର ସିଂହ ଭଡ଼ାନାଙ୍କୁ ଠେଙ୍ଗାରେ ପିଟିପିଟି ହତ୍ୟା କରାଯାଇଛି। ପଥର କ୍ରଶରକୁ ନେଇ ଅତର ସିଂହଙ୍କୁ ହତ୍ୟା କରାଯାଇଥିବା ସୋମବାର ପୋଲିସ ସୂଚନା ଦେଇଛି। ସୂଚନା ଅନୁସାରେ, ଅତର ସିଂହ ଭୋଣ୍ଡା ଗାଁ ନିକଟରେ ଥିବା କ୍ରଶରକୁ ଯାଇଥିଲେ ।
ସାଉଦି ଆରବର ରାଜଧାନୀ ରିୟାଦ୍ ସ୍ଥିତ ବିମାନବନ୍ଦରରେ ହୋଇଥିବା କ୍ଷେପଣାସ୍ତ୍ର ଆକ୍ରମଣରେ ଜଣେ ଭାରତୀୟଙ୍କ ମୃତ୍ୟୁ ଘଟିଛି । ସାଉଦି ନେତୃତ୍ୱାଧୀନ ମେଣ୍ଟ ଏଥିପାଇଁ ୟେମେନର ଇରାନ-ପୃଷ୍ଠପୋଷକତା ପ୍ରାପ୍ତ ହୁଥି ବିଦ୍ରୋହୀମାନଙ୍କୁ ଦାୟୀ କରିଛି। ସାଉଦି ଆରବରେ ଥିବା ଭାରତୀୟ ଦୂତାବାସ ଏହି ଭାରତୀୟ ନାଗରିକଙ୍କ ମୃତ୍ୟୁକୁ ସ୍ପଷ୍ଟ କରିଛି ।
ଦିଲ୍ଲୀରେ ଅଟକ ନେତାଙ୍କୁ ଛାଡ଼, ନଚେତ୍ ଆନ୍ଦୋଳନ ତୀବ୍ରତର ହେବ। ଆସନ୍ତାକାଲି ସୁଦ୍ଧା ନେତାମାନଙ୍କୁ ମୁକ୍ତ କରା ନଗଲେ ଅନଶନ କିମ୍ବା ପଦଯାତ୍ରା ତୀବ୍ରତର କରିବାକୁ ଚେତାବନୀ ଦେଇଛନ୍ତି ପରିବେଶବିତ୍ ସୋନମ୍ ୱାଙ୍ଗଚୁକ୍। ଦେଶରେ ଏବେ ଅଘୋଷିତ ଜରୁରୀକାଳୀନ ପରିସ୍ଥିତି ଚାଲିଥିବା ସେ କହିଛନ୍ତି।
ମିଳିଲାନି ମହାପ୍ରୟାଣ ସେବା। କୁନି ପୁଅର ଶେଷଯାତ୍ରା ପାଇଁ ବନ୍ଧା ପଡ଼ିଲା ରାସନକାର୍ଡ। ନବରଙ୍ଗପୁର ଜିଲ୍ଲା ପାପଡ଼ାହାଣ୍ଡି ବ୍ଲକ୍ ଅଞ୍ଚଳରେ ଘଟିଛି ଅଭାବନୀୟ ଘଟଣା । କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲରେ ନବଜାତ ଶିଶୁପୁତ୍ରର ମୃତ୍ୟୁ ପରେ ମିଳିଲାନି ମହାପ୍ରୟାଣ ସେବା। ପରିବାର ଲୋକେ ବାଧ୍ୟ ହୋଇ ରାସନ କାର୍ଡ ବନ୍ଧକ ରଖି ଘରୋଇ ଆମ୍ବଲାନ୍ସ ଭଡ଼ା କରି ମୃତଦେହକୁ ଆଣିଥିବା ଅଭିଯୋଗ ହୋଇଛି।
ଦିଲ୍ଲୀର ବିମାନବନ୍ଦରରେ ସୀମାଶୁଳ୍କ ବିଭାଗ ବ୍ୟାଙ୍କକ୍ ଠାରୁ ଆସିଥିବା ଜଣେ ଭାରତୀୟ ଯାତ୍ରୀଙ୍କ ବ୍ୟାଗରୁ ବିପୁଳ ପରିମାଣର ଗଞ୍ଜେଇ ଜବତ କରିଛି। ବ୍ୟାଙ୍କକଠାରୁ ଦିଲ୍ଲୀ ଆସୁଥିବା ଜଣେ ଭାରତୀୟ ଯାତ୍ରୀଙ୍କ ବ୍ୟାଗ୍ ଯାଞ୍ଚ କରାଯିବା ସମୟରେ, ବିଭାଗୀୟ ଅଧିକାରୀ ବିପୁଳ ପରିମାଣର ଗଞ୍ଜେଇ ଥିବା ଜାଣିପାରି ଥିଲେ। ଏକ୍ସ-ରେ ସ୍କ୍ରିନିଂ ପରେ, ଯାତ୍ରୀଙ୍କ ବ୍ୟାଗ୍ ଯାଞ୍ଚ କରାଯାଇଥିଲା।
ଭାରତୀୟ ବଂଶୋଦ୍ଭବ ତଥା ଆଇସିସି ବିଚାରପତି ନବନେଥମ ‘ନଭି’ ପିଲ୍ଲାଇଙ୍କୁ ନୋବେଲ ଶାନ୍ତି ପୁରସ୍କାର ପ୍ରଦାନ ସମ୍ପର୍କରେ ଘୋଷଣା କରାଯିବାର କିଛି ସମୟ ପରେ, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପ୍ରଶାସନ ଆଇସିସି ଉପରେ ପ୍ରତିବନ୍ଧକ ଘୋଷଣା କରିଛି। ଏଭଳି କିଛି ହେବ ବୋଲି ପୂର୍ବରୁ ନୋବେଲ କମିଟି ଆଶଙ୍କା କରୁଥିଲେ।
ସ୍ୱଚ୍ଛତାକୁ ଆମର ଦୈନନ୍ଦିନ ଜୀବନରେ ଅଭ୍ୟାସରେ ପରିଣତ କରିବା ସହ ଏକ ସୁସ୍ଥ, ସୁନ୍ଦର ଏବଂ ନିରୋଗ ସମାଜ ଗଠନ କରିବା ନିହାତି ଜରୁରୀ। ସ୍ୱଚ୍ଛତା କେବଳ ଦିନକର କାମ ନୁହେଁ, ଏହା ଏକ ଜୀବନଶୈଳୀ। ଏହା ହେଉଛି ଆମର ନୈତିକ ସଂସ୍କାର । ସୁସ୍ଥ ରହିବା ପାଇଁ ହେଲେ ପରିବେଶକୁ ସ୍ୱଚ୍ଛ ରଖିବାକୁ ପଡ଼ିବ ।
ଉମରକୋଟ କଲେଜ ନିର୍ବାଚନରେ ନାମାଙ୍କନ ପତ୍ର ଦାଖଲ କରିବା ୨୪ ଘଣ୍ଟା ନ ପୁରୁଣୁ ୨ ଅଣ ଛାତ୍ରଙ୍କ ମଧ୍ୟରେ ଗୋଷ୍ଠୀ ସଂଘର୍ଷ ଘଟିଛି। ଏହି ଗୋଷ୍ଠୀ ସଂଘର୍ଷରେ ଯୁବକଙ୍କ ଉପରେ ଛୁରାମାଡ଼ ହୋଇଥିବା ଜଣାପଡ଼ିଛି। ଗୁରୁତର ଅବସ୍ଥାରେ ତାଙ୍କୁ ବିଶାଖାପାଟଣାକୁ ସ୍ଥାନାନ୍ତର କରାଯାଇଛି। ଗୁରୁତର ଯୁବକ ହେଲେ ଦୀପ କୋମଲ ମହାପାତ୍ର।
ଉଡ଼ନ୍ତା ବିମାନ ଭିତରେ ଭାରତୀୟ ପାଇଲଟ୍ଙ୍କୁ ଆକ୍ରମଣ ଘଟଣାର ତଦନ୍ତ କରିବ ଜାତୀୟ ତଦନ୍ତକାରୀ ସଂସ୍ଥା (NIA) । ଫ୍ଲାଏଦୁବାଇ ବିମାନରେ ଭାରତୀୟ କ୍ୟାପ୍ଟେନ୍ ସ୍ମିତ ମଚ୍ଛରଙ୍କୁ ଛୁରାମାଡ଼ ପରେ କେନ୍ଦ୍ର ସରକାର NIAକୁ ମାମଲା ରୁଜୁ କରି ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି। ବିମାନକୁ ହାଇଜାକ୍ କରିବା କିମ୍ବା ଦୁର୍ଘଟଣାଗ୍ରସ୍ତ କରିବା
ଗାଁରେ ଅଙ୍ଗନବାଡ଼ିଟିଏ ନାହିଁ, ସ୍କୁଲରେ ୧୭ ବର୍ଷ ହେଲା ଝୁଲୁଛି ତାଲା। ବିଜେଡି ସରକାର ସମୟରେ ପିଲା ସଂଖ୍ୟା କମ୍ ଦର୍ଶାଇ ୨୦୦୯ରୁ ସ୍କୁଲ ବନ୍ଦ କରାଗଲା। କିନ୍ତୁ ସ୍କୁଲ ବନ୍ଦ ହେବା ପରେ ପିଲାମାନଙ୍କ ଶିକ୍ଷା କିପରି ଚାଲିବ, ସେ ଦାୟିତ୍ୱ କେହି ନେଲେ ନାହିଁ। ଫଳରେ ପିଲାଙ୍କ ପାଠପଢ଼ାରେ ଲାଗିଛି ଡୋରୀ। ଦୁର୍ଗମ ରାସ୍ତା ଯୋଗୁଁ ପାଖ ଗାଁ ସ୍କୁଲ ଯିବା ବି ମୁସ୍କିଲ।
ଜିନ-ଜିଙ୍କ ଶାନ୍ତିପୂର୍ଣ୍ଣ ପ୍ରତିବାଦକୁ ଦେଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହମନ୍ତ୍ରୀ ଅମିତ ଶାହା ଭୟଭୀତ ହୋଇପଡ଼ିଥିବା କଟାକ୍ଷ କରି କଂଗ୍ରେସ କହିଛି। ମୁଖ୍ୟ ନିର୍ବାଚନ ଆୟୁକ୍ତ ଜ୍ଞାନେଶ କୁମାରଙ୍କ ଇସ୍ତଫା ଏକ ନୈତିକ ବାଧ୍ୟବାଧକତା ବୋଲି ଦଳ ପକ୍ଷରୁ କୁହାଯାଇଛି। ନିର୍ବାଚନ ଆୟୋଗଙ୍କ ଦ୍ୱାରା କରାଯାଉଥିବା ସ୍ବତନ୍ତ୍ର ସଘନ ସଂଶୋଧନ (ଏସଆଇଆର୍) ପ୍ରକ୍ରିୟା ଯୋଗୁଁ ପ୍ରାୟ ୧୪ କୋଟି ଭାରତୀୟ ଭୋଟ୍ ଅଧିକାରରୁ ବଞ୍ଚିତ ହୋଇଥିବା ଦର୍ଶାଇ କଂଗ୍ରେସ ଏହି ପ୍ରକ୍ରିୟାକୁ ସ୍ଥଗିତ ରଖିବାକୁ ଦାବି କରିଛି।
ପବିତ୍ର ମହାଳୟା ଅବସରରେ ମାଆ ସମଲେଶ୍ୱରୀଙ୍କ ଧବଳମୁଖୀ ବେଶ। ପ୍ରତିବର୍ଷ ପିତୃପକ୍ଷର ଶେଷ ଦିନ ଅର୍ଥାତ୍ ମହାଳୟା ଅମାବାସ୍ୟା ଅବସରରେ ଧବଳମୁଖୀ ବେଶରେ ଦର୍ଶନ ଦିଅନ୍ତି ମାଆ । ମଧ୍ୟରାତ୍ରିରୁ ମାଆଙ୍କର ନୀତିକାନ୍ତି ଆରମ୍ଭ ହୋଇ ଭୋର ସମୟରେ ଧବଳମୁଖୀ ବେଶ ସମ୍ପନ୍ନ ହୋଇଛି । ଧବଳମୁଖୀ ବେଶକୁ ଗଙ୍ଗା ଦର୍ଶନ ବୋଲି ମଧ୍ୟ କୁହାଯାଏ ।
ନଭେମ୍ବର ୨୪ ତାରିଖରୁ ଆରମ୍ଭ ହେବାକୁ ଥିବା କଟକ ଐତିହାସିକ ବାଲିଯାତ୍ରାରେ ପ୍ଲଟ୍ ନେବା ପାଇଁ ଆଜିଠାରୁ ଆବେଦନ ପ୍ରକ୍ରିୟା ଆରମ୍ଭ ହେବ । ବାରବାଟୀ ପ୍ୟାଲେସଠାରେ ଦୁଇଟି ପର୍ଯ୍ୟାୟରେ ଉଭୟ ଅନ୍ଲାଇନ୍ ଓ ଅଫ୍ଲାଇନ୍ ମାଧ୍ୟମରେ ଆବେଦନ ଗ୍ରହଣ କରାଯିବ ।
ସଡ଼କ ଓ ଗୃହ ନିର୍ମାଣ ବିଭାଗ ଦୁର୍ନୀତି ମାମଲାରେ ଆଉ ୩ଙ୍କୁ ବାନ୍ଧିଲା ଭିଜିଲାନ୍ସ । ଭୁବନେଶ୍ୱର ଆର୍ ଆଣ୍ଡ୍ ବି ଡିଭିଜନ-୧ କାର୍ଯ୍ୟାଳୟରେ ୯ କୋଟି ୨୪ ଲକ୍ଷରୁ ଅଧିକ ଟଙ୍କାର ହେରଫେର ମାମଲା ସମନାକୁ ଆସିଛି। ଏଥିରେ ଆଉ ୩ ଜଣଙ୍କୁ ଗିରଫ କରିଛି ଓଡ଼ିଶା ଭିଜିଲାନ୍ସ ।
ବଙ୍ଗୋପସାଗରରେ ପୁଣି ଏକ ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି। ଆସନ୍ତାକାଲି ଉତ୍ତର ଆଣ୍ଡାମାନ ସାଗରରେ ଏକ ଉପରି ବାୟୁ ଘୂର୍ଣ୍ଣିବଳୟ ସୃଷ୍ଟି ହୋଇପାରେ । ଏହାର ପ୍ରଭାବରେ ଅକ୍ଟୋବର ୧୩ ତାରିଖ ବେଳକୁ ଦକ୍ଷିଣ-ପୂର୍ବ ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବାର ଆଶଙ୍କା ରହିଛି। ସମ୍ଭାବ୍ୟ ଲଘୁଚାପ କ୍ଷେତ୍ରଟି କ୍ରମଶଃ ଅଧିକ ସଂଗଠିତ ହେବା ସହ ଉତ୍ତର-ପଶ୍ଚିମ ଦିଗକୁ ଗତି କରିପାରେ।